Дабраславёны Бог і Айцец Госпада нашага Ісуса Хрыста, што зь вялікай Сваёй міласьці адрадзіў нас праз уваскрэсеньне Ісуса Хрыста зь мёртвых да жывое надзеі. (1-ае Пасланьне сьв. ап. Пятра 1:3)
Папа Рымскі: жыць адзінствам па прыкладзе Найсьвяцейшай Тройцы Ва ўрачыстасьць Найсьвяцейшай Тройцы Папа Францішак нагадаў пра пакліканьне вернікаў да адзінства, якое нараджаецца з любові і павінна быць адметнай рысай хрысьціянаў, — паведамляе Беларуская рэдакцыя парталу Vatican News.
18.07.2020
Цаніце сёньняшні дзень Разважаньне над Словам Божым, пра нашае жыцьцё, дзень сёньняшні і будучае ды пра ўзнагароду за выкананьне запаведзяў беларускага грэка-каталіцкага сьвятара з Бельгіі а. Івана Майсейчыка.
11.07.2020
Прынесьлі славянам дар Евангельля на роднай мове Пра славянскіх апосталаў — настаўнікаў сьвятых Кірылу і Мятода і пра энцыкліку Яна Паўла ІІ «Slavorum Apostoli» расказвае грэка-каталіцкі сьвятар з Менску а. Яўген Усошын.
04.06.2020
Еднасьць будуецца на шляху Папа Рымскі Францішак скіраваў сьпецыяльны ліст да кардынала Курта Коха, старшыні Папскай Рады па спрыяньні еднасьці хрысьціянаў, з нагоды 25-годдзя энцыклікі «Ut unum sint» сьв. Яна Паўла ІІ — паведамляе Vatican News.
У Ватыкане падрыхтавалі інструкцыі адносна сьвяткаваньня Вялікадня ва ўмовах пандэміі Ватыканскі прэс-цэнтар 25 сакавіка 2020 году распаўсюдзіў дакументы двух ватыканскіх дыкастэрыяў, кампетэнтных у сферы адпраўленьня літургіі ў Каталіцкай Царкве, якія ўтрымліваюць інструкцыі і рэкамендацыі адносна правядзеньня набажэнстваў Вялікага тыдня і Вялікадня ва ўмовах абмежавальных захадаў, што былі ўведзены ў сьвеце для прадухіленьня распаўсюджваньня каранавіруснай інфекцыі — паведамляе Vatican news.
25.03.2020
Малітва падчас згубнай пошасьці Падчас пандэміі ў сьвеце, выкліканай каранавірусам, якая ўжо забрала тысячы жыцьцяў, прапануем беларускім вернікам маліцца адмысловай малітвай — Малітвай падчас згубнай пошасьці. Яна была перакладзеная на беларускую мову з царкоўнаславянскай, паводле старога ўніяцкага трэбніка.
Папа: Бог не зьяўляецца крыніцай спакусаў, а дапамагае перамагчы іх Рымскі Архірэй працягнуў цыкл катэхезаў, прысьвечаных малітве «Ойча наш», — паведамляе беларуская рэдакцыя Vatican News. Гэтым разам ён засяродзіў увагу на яе перадапошнім радку «ня ўводзь нас у спакусу».
Папа Рымскі: жыць адзінствам па прыкладзе Найсьвяцейшай Тройцы
Ва ўрачыстасьць Найсьвяцейшай Тройцы Папа Францішак нагадаў пра пакліканьне вернікаў да адзінства, якое нараджаецца з любові і павінна быць адметнай рысай хрысьціянаў, — паведамляе Беларуская рэдакцыя парталу Vatican News.
Фота: Alberto Pizzoli / AFP.«Бог ёсць любоў, таму нават будучы адным і адзіным, Ён не зьяўляецца самотнасьцю, але еднасьцю», — падкрэсьліў Біскуп Рыму ў сваім разважаньні перад малітвай Анёл Гасподні з вернікамі, якія сабраліся 30 траўня 2021 году на плошчы сьв. Пятра ў Ватыкане.
Гаворачы пра прыроду Найсьвяйцейшай Тройцы Рымскі Архірэй нагадаў, што любоў — гэта дар самога сябе, таму Айцец дорыць сябе ў Сыне, Сын дорыць сябе Айцу, а іх узаемная любоў і повязь адзінства — гэта Сьвяты Дух. «Таямніцу Тройцы цяжка зразумець, але ёй трэба жыць», — дадаў Папа Францішак.
Таямніца Тройцы, нагадаў Сьвяты Айцец, была адкрыта самім Ісусам, Які паказаў нам «аблічча Бога як міласэрнага Айца»; явіў нам самога Сябе, як «сапраўднага чалавека, Божага Сына і Слова Айца»; і расказаў пра Сьвятога Духа, Які «паходзіць ад Айца і Сына» і зьяўляецца «Духам Праўды, Духам Параклітам, гэта значыць нашым Суцяшальнікам і Абаронцам».
«І калі Ісус аб’явіўся апосталам пасьля ўваскрасеньня, Ён паслаў іх евангелізаваць “усе народы і хрысьціць іх у імя Айца і Сына, і Духа Сьвятога” (Мц 28, 19). Такім чынам сёньняшняе сьвята дапамагае нам сузіраць гэтую цудоўную таямніцу любові і сьвятла, ад якой паходзім, і да якой скіраваны наш зямны шлях», — сказаў Папа Францішак.
«У евангельскім абвяшчэньні і ў кожнай форме хрысьціянскай місіі немагчыма абстрагавацца ад гэтага адзінства, да якога заклікаў Ісус, — адзінства паміж намі па прыкладзе Айца, Сына і Сьвятога Духа. Прыгажосьць Евангельля патрабуе, каб мы перажывалі і сьведчылі гэтае адзінства і згоду паміж намі, якія ёсьць вельмі розныя», — нагадаў Сьвяты Айцец. Ён падкрэсьліў, што адзінства вельмі важнае для хрысьціяніна, «бо нараджаецца з любові, з міласэрнасьці Бога, з апраўданьня ў Ісусе Хрысьце і з прысутнасьці Сьвятога Духа ў нашых сэрцах».
«Найсьвяцейшая Марыя ў сваёй прастаце і пакоры адлюстроўвае прыгажосьць адзінага ў Тройцы Бога, бо цалкам прыняла Ісуса ў сваё жыцьцё. Няхай Яна падтрымлівае нашую веру; робячы нас людзьмі, якія ўшаноўваюць Бога і служаць братам», — пажадаў Сьвяты Айцец.
Ва ўрачыстасьць Найсьвяцейшай Тройцы Папа Францішак нагадаў пра пакліканьне вернікаў да адзінства, якое нараджаецца з любові і павінна быць адметнай рысай хрысьціянаў, — паведамляе Беларуская рэдакцыя парталу Vatican News. 
Разважаньне над Словам Божым, пра нашае жыцьцё, дзень сёньняшні і будучае ды пра ўзнагароду за выкананьне запаведзяў беларускага грэка-каталіцкага сьвятара з Бельгіі а. Івана Майсейчыка. 
Пра славянскіх апосталаў — настаўнікаў сьвятых Кірылу і Мятода і пра энцыкліку Яна Паўла ІІ «Slavorum Apostoli» расказвае грэка-каталіцкі сьвятар з Менску а. Яўген Усошын. 
Папа Рымскі Францішак скіраваў сьпецыяльны ліст да кардынала Курта Коха, старшыні Папскай Рады па спрыяньні еднасьці хрысьціянаў, з нагоды 25-годдзя энцыклікі «Ut unum sint» сьв. Яна Паўла ІІ — паведамляе Vatican News. 
30 траўня 2020 году ў санктуарыюме Маці Божай Коданьскай у Кодані над Бугам адбылося разьвітаньне са знакамітым багасловам-экуменістам, знаўцам духоўнай спадчыны старажытнай Русі і хрысьціянскага Ўсходу айцом Вацлавам Грыневічам, OMI. 
Апостальскі Візітатар для грэка-католікаў Беларусі Архімандрыт Сяргей (Гаек) накіраваў вернікам сваё пастырскае пасланьне з нагодны сьвята Ўваскрасеньня Хрыстовага, якое сёлета сьвяткуецца ў складаных умовах пандэміі каранавірусу. 
Ватыканскі прэс-цэнтар 25 сакавіка 2020 году распаўсюдзіў дакументы двух ватыканскіх дыкастэрыяў, кампетэнтных у сферы адпраўленьня літургіі ў Каталіцкай Царкве, якія ўтрымліваюць інструкцыі і рэкамендацыі адносна правядзеньня набажэнстваў Вялікага тыдня і Вялікадня ва ўмовах абмежавальных захадаў, што былі ўведзены ў сьвеце для прадухіленьня распаўсюджваньня каранавіруснай інфекцыі — паведамляе Vatican news. 
Падчас пандэміі ў сьвеце, выкліканай каранавірусам, якая ўжо забрала тысячы жыцьцяў, прапануем беларускім вернікам маліцца адмысловай малітвай — Малітвай падчас згубнай пошасьці. Яна была перакладзеная на беларускую мову з царкоўнаславянскай, паводле старога ўніяцкага трэбніка. 
«Роля Ўсходніх Каталіцкіх Цэркваў у кантэксьце экуменічных адносінаў: паміж душпастырскім служэньнем і дыпламатыяй» — такой была тэма дакладу кардынала П’етра Параліна, Дзяржаўнага сакратара Сьвятога Пасаду, на Сустрэчы ўсходніх каталіцкіх ярархаў Еўропы, якая адбылася ў Рыме 12—14 верасьня 2019 году. 
Рымскі Архірэй працягнуў цыкл катэхезаў, прысьвечаных малітве «Ойча наш», — паведамляе беларуская рэдакцыя Vatican News. Гэтым разам ён засяродзіў увагу на яе перадапошнім радку «ня ўводзь нас у спакусу». 
Сьвятло Ўсходу
