Разважаньне над Словам Божым, пра нашае жыцьцё, дзень сёньняшні і будучае ды пра ўзнагароду за выкананьне запаведзяў беларускага грэка-каталіцкага сьвятара з Бельгіі а. Івана Майсейчыка. 
Пра славянскіх апосталаў — настаўнікаў сьвятых Кірылу і Мятода і пра энцыкліку Яна Паўла ІІ «Slavorum Apostoli» расказвае грэка-каталіцкі сьвятар з Менску а. Яўген Усошын. 
Папа Рымскі Францішак скіраваў сьпецыяльны ліст да кардынала Курта Коха, старшыні Папскай Рады па спрыяньні еднасьці хрысьціянаў, з нагоды 25-годдзя энцыклікі «Ut unum sint» сьв. Яна Паўла ІІ — паведамляе Vatican News. 
30 траўня 2020 году ў санктуарыюме Маці Божай Коданьскай у Кодані над Бугам адбылося разьвітаньне са знакамітым багасловам-экуменістам, знаўцам духоўнай спадчыны старажытнай Русі і хрысьціянскага Ўсходу айцом Вацлавам Грыневічам, OMI. 
Апостальскі Візітатар для грэка-католікаў Беларусі Архімандрыт Сяргей (Гаек) накіраваў вернікам сваё пастырскае пасланьне з нагодны сьвята Ўваскрасеньня Хрыстовага, якое сёлета сьвяткуецца ў складаных умовах пандэміі каранавірусу. 
Ватыканскі прэс-цэнтар 25 сакавіка 2020 году распаўсюдзіў дакументы двух ватыканскіх дыкастэрыяў, кампетэнтных у сферы адпраўленьня літургіі ў Каталіцкай Царкве, якія ўтрымліваюць інструкцыі і рэкамендацыі адносна правядзеньня набажэнстваў Вялікага тыдня і Вялікадня ва ўмовах абмежавальных захадаў, што былі ўведзены ў сьвеце для прадухіленьня распаўсюджваньня каранавіруснай інфекцыі — паведамляе Vatican news. 
Падчас пандэміі ў сьвеце, выкліканай каранавірусам, якая ўжо забрала тысячы жыцьцяў, прапануем беларускім вернікам маліцца адмысловай малітвай — Малітвай падчас згубнай пошасьці. Яна была перакладзеная на беларускую мову з царкоўнаславянскай, паводле старога ўніяцкага трэбніка. 
«Роля Ўсходніх Каталіцкіх Цэркваў у кантэксьце экуменічных адносінаў: паміж душпастырскім служэньнем і дыпламатыяй» — такой была тэма дакладу кардынала П’етра Параліна, Дзяржаўнага сакратара Сьвятога Пасаду, на Сустрэчы ўсходніх каталіцкіх ярархаў Еўропы, якая адбылася ў Рыме 12—14 верасьня 2019 году. 
Рымскі Архірэй працягнуў цыкл катэхезаў, прысьвечаных малітве «Ойча наш», — паведамляе беларуская рэдакцыя Vatican News. Гэтым разам ён засяродзіў увагу на яе перадапошнім радку «ня ўводзь нас у спакусу». 
За сваё жыцьцё я бачыў аж надта шмат людзей, што пры любой нагодзе казалі, як моцна яны любяць Бога, але пры гэтым вельмі мала сустракаў такіх, што любілі бы таксама і сабе падобных... Піша душпастыр беларускай грэка-каталіцкай парафіі ў Антвэрпэне (Бельгія) а. Іван Майсейчык. 
Галоўная 
Сьвятло Ўсходу
Усемагутны, cпрадвечны Божа! Ты ня хочаш сьмерці грэшніка, але жадаеш, каб навярнуўся і быў жывы, і Які паслаў для нашага збаўленьня адзінароднага Сына Твайго, Які нам наказаў: «Прасіце, і будзе дадзена вам, шукайце, і знойдзеце, стукайце, і адчыняць вам». Да Цябе прыпадаем скрушлівым сэрцам і з сьлязьмі молім Цябе: не судзі нас, але міласьціва адвярні ад нас праведны гнеў Твой і суціш сьмертаносную пошасьць, што ў гэты час род людзкі дачасна, нібы мечам, сячэ.
Гл. таксама:
Першаярарх УГКЦ выказаў словы падтрымкі беларускаму народу
Часовыя нормы паводзінаў у храмах і душпастырскіх цэнтрах Грэка-Каталіцкай Царквы ў Беларусі
Грэка-каталіцкі сьвятар: Калі зьнішчаць Курапаты, то Беларусі ўжо ня будзе
У Баранавічах адбыліся рэкалекцыі «Быць маладым хрысьціянінам сёньня... і заўтра»
«Сьвяты для ўсіх» — беларусы згадалі, што хрысьціянства нам прынёс ісландзец
Сьвятло Ўсходу
25.03.2020
Малітва падчас згубнай пошасьці
Падчас пандэміі ў сьвеце, выкліканай каранавірусам, якая ўжо забрала тысячы жыцьцяў, прапануем беларускім вернікам маліцца адмысловай малітвай — Малітвай падчас згубнай пошасьці. Яна была перакладзеная на беларускую мову з царкоўнаславянскай, паводле старога ўніяцкага трэбніка.
Усемагутны, cпрадвечны Божа! Ты ня хочаш сьмерці грэшніка, але жадаеш, каб навярнуўся і быў жывы, і Які паслаў для нашага збаўленьня адзінароднага Сына Твайго, Які нам наказаў: «Прасіце, і будзе дадзена вам, шукайце, і знойдзеце, стукайце, і адчыняць вам». Да Цябе прыпадаем скрушлівым сэрцам і з сьлязьмі молім Цябе: не судзі нас, але міласьціва адвярні ад нас праведны гнеў Твой і суціш сьмертаносную пошасьць, што ў гэты час род людзкі дачасна, нібы мечам, сячэ.Зьмілуйся над намі, Госпадзе, зьмілуйся над намі, і збаў людзей Тваіх, каб жылі здаровымі паводле Тваіх прыказаньняў і праслаўлялі Імя сьвятое Тваё. Заступіся і захавай ад гэтай згубнай пошасьці нашую Бацькаўшчыну і наш народ, урад і ўсіх, што сьцерагуць цэласьць і спакой нашае краіны, выбаў ад яе гэты горад і ўсе гарады і вёскі. Зьмілуйся і наведай тых, што церпяць ад гэтае хваробы, падымі іх з ложа немачы, і дай ім здароўе душы і цела. Душы ж тых, што ад гэтае хваробы ў правай веры і надзеі ўваскрасеньня ўжо спачылі, супакой з сьвятымі Тваімі, дзе няма ні болю, ні суму, ні плачу, але жыцьцё бясконцае.
Малітвамі Найсьвяцейшай Багародзіцы і Заўсёды Дзевы Марыі, заступніцтвам сьвятых бесьцялесных сілаў і анёлаў ахоўнікаў, ласкаю і чалавекалюбствам адзінароднага Сына Твайго, Госпада нашага Ісуса Хрыста, Якому належыцца ўсякая слава, пашана і пакланеньне, разам з адвечным Тваім Айцом і з усесьвятым, добрым і жыватворчым Тваім Духам, цяпер і заўсёды, і на вякі вякоў. Амін.
Гл. таксама:
Першаярарх УГКЦ выказаў словы падтрымкі беларускаму народу
Часовыя нормы паводзінаў у храмах і душпастырскіх цэнтрах Грэка-Каталіцкай Царквы ў Беларусі
Грэка-каталіцкі сьвятар: Калі зьнішчаць Курапаты, то Беларусі ўжо ня будзе
У Баранавічах адбыліся рэкалекцыі «Быць маладым хрысьціянінам сёньня... і заўтра»
«Сьвяты для ўсіх» — беларусы згадалі, што хрысьціянства нам прынёс ісландзец
Гэты артыкул чыталі 146 разоў (-ы)
