У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Галоўная 
Навіны хрысьціянскага сьвету
Гэтае сьвята ў літургічным календары адзначаецца 30 лістапада і сёлета, у 425-ыя ўгодкі Берасьцейскай царкоўнай уніі, мае асаблівы характар. Юбілейныя ўрачыстасьці з гэтай нагоды ў Беларускай Грэка-Каталіцкай Царкве праходзяць пад дэвізам «Веру ў адзіную Царкву: 1596–2021». У кантэксьце распачатага Паўсюднай Царквой сінадальнага шляху, прысьвечанага сінадальнасьці ў вымярэньні камуніі (еднасьці), удзелу і місіі, супольнасьць беларускіх грэка-католікаў разважае над спадчынай, выклікамі і пошукам пастырскіх рашэньняў.
Гл. таксама:
Папа Патрыярху Барталамею I: мы ўмацоўваем глыбокую сувязь, якая ўжо нас яднае
Беларускія грэка-католікі ўзгадваюць 425 гадоў Уніі
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
Мітрапаліт Кандрусевіч: жыць у поўнай царкоўнай еднасьці — каштоўны дар Божы
Чаму мітрапаліт Павел абрынуўся на царкоўную унію?
Навіны хрысьціянскага сьвету
26.11.2021
Апостал Андрэй — сьвяты апякун хрысьціянскага братэрства
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе.
Гэтае сьвята ў літургічным календары адзначаецца 30 лістапада і сёлета, у 425-ыя ўгодкі Берасьцейскай царкоўнай уніі, мае асаблівы характар. Юбілейныя ўрачыстасьці з гэтай нагоды ў Беларускай Грэка-Каталіцкай Царкве праходзяць пад дэвізам «Веру ў адзіную Царкву: 1596–2021». У кантэксьце распачатага Паўсюднай Царквой сінадальнага шляху, прысьвечанага сінадальнасьці ў вымярэньні камуніі (еднасьці), удзелу і місіі, супольнасьць беларускіх грэка-католікаў разважае над спадчынай, выклікамі і пошукам пастырскіх рашэньняў.21 лістапада 2021 году споўнілася 80 гадоў, калі Папа Рымскі Пій ХІІ прызначыў Экзарха Антона Неманцэвіча Апостальскім Адміністратарам для грэка-католікаў Беларусі. У гэты дзень у грэка-каталіцкай парафіі сьвятых Кірылы і Мятода ў Баранавічах малітоўны ўспамін Экзарха Антона і пачатак душпастырскай навэнны падчас нядзельнай Боскай Літургіі ўзначалілі Апостальскі Візітатар БГКЦ Архімандрыт Сяргей (Гаек) і рэдэмптарыст а. Зьміцер Чарнель.
Навэнна — гэта час малітвы, але таксама і актыўнай дабрачыннасьці ды ўвагі да людзей у патрэбе.
25-27 лістапада 2021 г. беларускія грэка-католікі асабліва моляцца за праваслаўных братоў і сясьцёр, якія набліжаюцца да пачатку Каляднага посту, які ў праваслаўных Беларусі пачынаецца 28 лістапада 2021 году.
Ідэя абвяшчэньня апостала Андрэя апекуном (заступнікам) братэрскага дыялогу паміж хрысьціянамі заходняй і ўсходняй традыцыі належыць сьв. Паўлу VI, Папу Рымскаму. Яна нарадзілася пасьля яго сустрэчы з Патрыярхам Канстанцінопальскім Атэнагорам у Сьвятой Зямлі ў 1965 годзе. Гэтая ініцыятыва была з прыязнасьцю прынятая Патрыярхам Атэнагорам, які адказаў на яе ў размове з французскім праваслаўным багасловам Аліўе Клеманам летам 1968 году.
У нядзелю 28 лістапада ў гонар сьвята апостала Андрэя Першапакліканага ў капліцы грэка-каталіцкага душпастырскага цэнтру сьвятога праведнага Язэпа ў Менску адбудзецца Боская Літургія на ўспамін 425-годдзя Берасьцейскай уніі. У гэты ж дзень сваё зімовае патранальнае сьвята адзначаць вернікі парафіі сьвятых братоў-апосталаў Пятра і Андрэя ў Берасьці.
«Малітвамі сьвятога апостала Андрэя Першапакліканага хай Госпад даруе нам у Беларусі плённы міжканфесійны дыялог для духовага дабра ўсіх жыхароў шматканфесійнай Беларусі», — пажадаў з гэтай нагоды Апостальскі Візітатар для грэка-католікаў Беларусі архім. Сяргей Гаек.
Тэгі: апостал Андрэй, Берасьцейская унія, экзарх Антон Неманцэвіч, грэка-католікі, праваслаўныя, дыялог, братэрства, папа Рымскі
Гл. таксама:
Папа Патрыярху Барталамею I: мы ўмацоўваем глыбокую сувязь, якая ўжо нас яднае
Беларускія грэка-католікі ўзгадваюць 425 гадоў Уніі
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
Мітрапаліт Кандрусевіч: жыць у поўнай царкоўнай еднасьці — каштоўны дар Божы
Чаму мітрапаліт Павел абрынуўся на царкоўную унію?
Гэты артыкул чыталі 61 разоў (-ы)
