Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Гэты Дзень будзе адзначацца штогод у чацьвёртую нядзелю ліпеня ў непасрэднай блізкасьці да літургічнага ўспаміну сьвятых Яўхіма і Ганны, дзядулі і бабулі Ісуса — паведамляе Vatican News. 
Апостальская Сталіца апублікавала ліст Папы Францішка да біскупаў, духавенства, богапасьвячаных асобаў і сьвецкіх вернікаў Сірыйска-Малабарскай Царквы з нагоды зацьверджаньня ёю новага ўніфікаванага службоўніка для адпраўленьня ўрачыстай формы еўхарыстычнай багаслужбы — паведамляе Vatican News. 
Галоўная 
Навіны хрысьціянскага сьвету
Як адзначае сайт Svjazep.org, у сёлетніх складаных умовах пандэміі сьвяткаваньне гэтай падзеі ў Беларускай Грэка-Каталіцкай Царкве мае рэгіянальны характар і праходзіць этапамі. 13-14 лістапада 2021 году сьвяточныя набажэнствы з нагоды 425-годдзя Уніі адбываліся ў грэка-каталіцкіх парафіях Усходняга дэканату БГКЦ: у Віцебску, Полацку і Магілёве.
Гл. таксама:
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
Парафіяльны фэст у грэка-католікаў Берасьця
На Вялікдзень з грэка-католікамі Берасьця маліліся прадстаўнікі Генконсульства Ўкраіны
Сьвята Еднасьці пад апекай Маці Божай Берасьцейскай
Гісторыя адраджэньня Грэка-Каталіцкай Царквы ў Беларусі
Навіны хрысьціянскага сьвету
20.11.2021
425-годдзе Берасьцейскай Уніі: урачыстасьці ў Віцебску, Полацку і Магілёве
Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле.
Як адзначае сайт Svjazep.org, у сёлетніх складаных умовах пандэміі сьвяткаваньне гэтай падзеі ў Беларускай Грэка-Каталіцкай Царкве мае рэгіянальны характар і праходзіць этапамі. 13-14 лістапада 2021 году сьвяточныя набажэнствы з нагоды 425-годдзя Уніі адбываліся ў грэка-каталіцкіх парафіях Усходняга дэканату БГКЦ: у Віцебску, Полацку і Магілёве.Грэка-каталіцкія парафіі горада Віцебска (Уваскрасеньня Хрыстовага і Хрыста Збаўцы) сьвяткавалі ў суботу, 13 лістапада. Тут адбылася Боская Літургія, якую ўзначалілі рыма-каталіцкі біскуп Віцебскі Ўладыка Алег Буткевіч і Апостальскі візітатар для грэка-католікаў Беларусі архімандрыт Сяргей Гаек, з якімі саслужылі сьвятары Ўсходняга дэканату БГКЦ.
У сваёй гаміліі дастойны Ўладыка Алег (Буткевіч) зьвярнуў увагу на неабходнасьць мужнай веры ў любых умовах жыцьця хрысьціянаў.
Архімандрыт Сяргей (Гаек) падзякаваў протапрасьвітару Зьмітру Грышану з Віцебска, а таксама душпастырам Аляксандру Шаўцову з Полацка, Васілю Ягораву з Магілёва і Аляксею Варанко з Віцебска за іх руплівае служэньне вернікам. Словы падзякі Апостальскі візітатар скіраваў і вернікам за іх вернасьць адзінай, сьвятой, паўсюднай і апостальскай Царкве.
З нагоды 425-годдзя Берасьцейскай царкоўнай Уніі дыяканы Вячаслаў Гарчакоў з Івацэвічаў і Багдан Сунак з Полацку былі ўзьведзены ў протадыяканы.
У нядзелю, 14 лістапада 2021 году, сваё парафіяльнае сьвята ў гонар сьвятамучаніка Язафата адзначала грэка-каталіцкая парафія ў Полацку. Сьвяточную Боскую Літургію служылі а. Васіль Ягораў з Магілёва, а. Аляксей Варанко з Віцебска і парах полацкай парафіі а. Аляксандар Шаўцоў. Казаньне прамовіў айцец Васіль Ягораў з магілёўскай парафіі Маці Божай Бялыніцкай, дыяканскае служэньне нёс протадыякан Багдан Сунак з Віцебска. 
Супольная малітва з удзелам сьвятароў Усходняга дэканату стала ўмацаваньнем веры, а сьвяточны пачастунак, які пасьля малітвы сабраў разам усіх удзельнікаў, стаў знакам духоўнай сувязі парафіянаў і гасьцей сьвята.
Супольная малітва з удзелам сьвятароў Усходняга дэканату стала ўмацаваньнем веры, а сьвяточны пачастунак, які пасьля малітвы сабраў разам усіх удзельнікаў, стаў знакам духоўнай сувязі парафіянаў і гасьцей сьвята.У тую ж нядзелю, 14 лістапада, Апостальскі Візітатар БГКЦ архім. Сяргей Гаек наведаў грэка-каталіцкую парафію Маці Божай Бялыніцкай ў Магілёве, дзе ў парафіяльным храме ў саслужэньні протадыякана Вячаслава Гарчакова ўзначаліў урачыстую Боскую Літургію. Гэтае сьвяткаваньне 425-х угодкаў Берасьцейскай Уніі стала нагодай узгадаць сьвяткаваньні, якія адбыліся ў Магілёве 25 гадоў таму, у якіх браў удзел тагачасны Прэфект Кангрэгацыі Ўсходніх Цэркваў кардынал Акіле Сільвэстрыні.
Архімандрыт Сяргей узгадаў у сваім слове крыжовы шлях беларускага грэка-каталіцкага экзарха-мучаніка Антона Неманцэвіча, якога 80 гадоў таму ў лістападзе 1941 году папа Пій ХІІ прызначыў Апостальскім адміністратарам для беларускіх грэка-католікаў.
Тэгі: Берасьцейская унія, еднасьць, Усходні дэканат, грэка-католікі, рыма-католікі, Алег Буткевіч, БГКЦ, архімандрыт Сяргей Гаек
Гл. таксама:
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
Парафіяльны фэст у грэка-католікаў Берасьця
На Вялікдзень з грэка-католікамі Берасьця маліліся прадстаўнікі Генконсульства Ўкраіны
Сьвята Еднасьці пад апекай Маці Божай Берасьцейскай
Гісторыя адраджэньня Грэка-Каталіцкай Царквы ў Беларусі
Гэты артыкул чыталі 95 разоў (-ы)
