Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Гэты Дзень будзе адзначацца штогод у чацьвёртую нядзелю ліпеня ў непасрэднай блізкасьці да літургічнага ўспаміну сьвятых Яўхіма і Ганны, дзядулі і бабулі Ісуса — паведамляе Vatican News. 
Апостальская Сталіца апублікавала ліст Папы Францішка да біскупаў, духавенства, богапасьвячаных асобаў і сьвецкіх вернікаў Сірыйска-Малабарскай Царквы з нагоды зацьверджаньня ёю новага ўніфікаванага службоўніка для адпраўленьня ўрачыстай формы еўхарыстычнай багаслужбы — паведамляе Vatican News. 
Галоўная 
Навіны хрысьціянскага сьвету
25 кастрычніка 2021 году Папа Рымскі Францішак прыняў на аўдыенцыі ў Апостальскім палацы Прэзідэнта Федэральнай Рэспублікі Германія Франка-Вальтэра Штайнмаера. Затым прэзідэнт ФРГ сустрэўся з Дзяржаўным сакратаром Ватыкану кардыналам П’етра Паралінам і сакратаром па стасунках Апостальскай Сталіцы з дзяржавамі архібіскупам Полам Рычардам Галахерам.
Гл. таксама:
Рымскі Архірэй рэарганізаваў структуры Сірыйска-Малабарскай Царквы
Лукашэнка прапанаваў, каб Папа Рымскі сустрэўся ў Беларусі з Маскоўскім патрыярхам
У Беларусь прыедзе Дзяржаўны Сакратар Ватыкану
Архімандрыт Сяргей Гаек: Папа пажадаў грэка-католікам Беларусі асэнсаваць сваю спадчыну
Лукашэнка сустрэнецца з Папам Рымскім
Навіны хрысьціянскага сьвету
26.10.2021
Папа абмеркаваў праблему міграцыі з Прэзідэнтам Германіі
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News.
25 кастрычніка 2021 году Папа Рымскі Францішак прыняў на аўдыенцыі ў Апостальскім палацы Прэзідэнта Федэральнай Рэспублікі Германія Франка-Вальтэра Штайнмаера. Затым прэзідэнт ФРГ сустрэўся з Дзяржаўным сакратаром Ватыкану кардыналам П’етра Паралінам і сакратаром па стасунках Апостальскай Сталіцы з дзяржавамі архібіскупам Полам Рычардам Галахерам.Падчас шчырых перамоваў абмяркоўваліся апошнія ўнутрыпалітычныя падзеі ў краіне і закраналіся пытаньні, якія прадстаўляюць узаемную цікавасьць, у прыватнасьці праблема міграцыі і некаторыя сітуацыі міжнародных канфліктаў. Бакі падкрэсьлівалі важнасьць шматбаковага падыходу для пошуку іх вырашэньняў, — паведамляе Зала Друку Апостальскай Сталіцы.
Пасьля аўдыенцыі ў Ватыкане прэзідэнт Нямеччыны паведаміў журналістам, што Папа запытаў яго пра наплыў мігрантаў праз Беларусь. Штайнмаер адзначыў, што цяперашні міграцыйны ціск ва Ўсходняй Еўропе, тое, што адбываецца на беларуска-літоўскім і беларуска-польскім памежжы, выклікае занепакоенасьць таксама і ў Папы. Паводле словаў палітыка, абодва пагадзіліся з тым, што тая сітуацыя, якая ўтварылася на межах праз дзеяньні беларускага кіраўніцтва, калі людзей любымі спосабамі забіраюць з Блізкага Ўсходу і дастаўляюць у Менск, а потым адпраўляюць да розных межаў — «такія безадказныя паводзіны ні ў якім разе нельга ўхваліць». Францішак шкадуе, што ў апошнія гады Еўропа не знайшла спосабу «большага паразуменьня» ў палітыцы ў дачыненьні да бежанцаў і прытулку для іх, — кажа Штайнмаер. Наступствам гэтага зьяўляюцца нескаардынаваныя паводзіны краінаў Еўразьвязу і выкліканыя гэтым новыя праблемы.
Фота: Vatican Media.
Фота: Vatican Media.
Гл. таксама:
Рымскі Архірэй рэарганізаваў структуры Сірыйска-Малабарскай Царквы
Лукашэнка прапанаваў, каб Папа Рымскі сустрэўся ў Беларусі з Маскоўскім патрыярхам
У Беларусь прыедзе Дзяржаўны Сакратар Ватыкану
Архімандрыт Сяргей Гаек: Папа пажадаў грэка-католікам Беларусі асэнсаваць сваю спадчыну
Лукашэнка сустрэнецца з Папам Рымскім
Гэты артыкул чыталі 25 разоў (-ы)
