16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Гэты Дзень будзе адзначацца штогод у чацьвёртую нядзелю ліпеня ў непасрэднай блізкасьці да літургічнага ўспаміну сьвятых Яўхіма і Ганны, дзядулі і бабулі Ісуса — паведамляе Vatican News. 
Апостальская Сталіца апублікавала ліст Папы Францішка да біскупаў, духавенства, богапасьвячаных асобаў і сьвецкіх вернікаў Сірыйска-Малабарскай Царквы з нагоды зацьверджаньня ёю новага ўніфікаванага службоўніка для адпраўленьня ўрачыстай формы еўхарыстычнай багаслужбы — паведамляе Vatican News. 
3 ліпеня 2021 году ў Будславе ўрачыстай сьвятой Імшой, якую ўзначаліў Апостальскі нунцый у Беларусі архібіскуп Антэ Ёзіч, завяршыўся фэст Маці Божай Будслаўскай. 
На Будслаўскім фэсьце 2 ліпеня 2021 году сьв. Імшу апоўначы, якой папярэднічала шматлюдная ўрачыстая працэсія з сьвечкамі, узначаліў старшыня Канферэнцыі каталіцкіх біскупаў у Беларусі біскуп Віцебскі Алег Буткевіч — паведамляе Catholic.by. 
Увечары 2 ліпеня ў санктуарыюме Маці Божай у Будславе сьв. Імшу для пілігрымаў узначаліў архібіскуп Тадэвуш Кандрусевіч. 
Сёлета споўнілася 75 гадоў грэка-каталіцкаму малітоўніку (ці малiтаўніку, як на вокладцы падпісана) «Божым шляхам», які выдаў у 1946 годзе ў Рыме айцец Леў Гарошка — нагадвае сайт Беларускай царквы ў Лондане. 
Галоўная 
Навіны хрысьціянскага сьвету
Летась, з прычыны сусьветнай пандэміі каранавірусу падобная сустрэча ўсходніх каталіцкіх біскупаў Еўропы не адбылася. Па запрашэньні першаярарха Вянгерскай Грэка-Каталіцкай Царквы Мітрапаліта Філіпа (Кочыша) сёлетняя сустрэча ярархаў праходзіць у Будапешце падчас 52-га міжнароднага Еўхарыстычнага Кангрэсу. Сустрэча адбываецца пад патранатам Кангрэгацыі Ўсходніх Цэркваў і Рады біскупскіх канферэнцыяў Еўропы. У Будапешт прыехалі сакратар Кангрэгацыі Ўсходніх Цэркваў архібіскуп Джорджа Дэмэтрыа Галара, мелхіцкі Патрыярх Антыёхіі Юсэф Абсі, першаярарх Украінскай Грэка-Каталіцкай Царквы Вярхоўны архібіскуп Кіева-Галіцкі Сьвятаслаў (Шаўчук), усходнія каталіцкія біскупы з Украіны, Славакіі, Чэхіі, Грэцыі, Румыніі, Харватыі, Польшчы, Італіі.
Сустрэча ярархаў распачалася у суботу, 4 верасьня, з супольнай малітвы на Вялікай Вячэрні. На інаўгурацыйнай сэсіі, якую адкрыў грэка-каталіцкі архібіскуп Гайдудоражскі Філіп Кочыш, выступілі: рыма-каталіцкі архібіскуп Эстэргомскі і Будапешцкі кардынал Петэр Эрдзё, старшыня Рады біскупскіх канферэнцыяў Еўропы кардынал Анджэла Баньяска, Апостальскі нунцый у Венгрыі Майкл Огаст Блум і іншыя. Падчас дыскусіі зьверхнік УГКЦ Вярхоўны архібіскуп Сьвятаслаў Шаўчук расказаў пра літургічнае жыцьцё яго Царквы ва Ўкраіне ў часы COVID-19. Ён правёў паралель паміж служэньнем Еўхарыстыі ў цяжкіх умовах падпольля і «еўхарыстычным голадам», які адчуваюць вернікі ў часы пандэміі, ва ўмовах выкліканых ёю абмежаваньняў.
Гл. таксама:
Сустрэча ярархаў Усходніх Каталіцкіх Цэркваў Еўропы ў Будапешце. Заключны прэс-рэліз
Ярархі Ўсходніх Каталіцкіх Цэркваў Еўропы сустрэліся ў Львове
Зьверхнікі Ўсходніх Каталіцкіх Цэркваў сустрэліся з Рымскім Архірэем
Наладжваньне стасункаў з праваслаўнымі на месцах — найбольшае заданьне для ўсходніх католікаў сёньня
Душпастырская праграма візіту ў Беларусь Сакратара Кангрэгацыі Ўсходніх Цэркваў
Навіны хрысьціянскага сьвету
07.09.2021
У Будапешце пачалася сустрэча ярархаў Усходніх Каталіцкіх Цэркваў Еўропы
З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць».
Летась, з прычыны сусьветнай пандэміі каранавірусу падобная сустрэча ўсходніх каталіцкіх біскупаў Еўропы не адбылася. Па запрашэньні першаярарха Вянгерскай Грэка-Каталіцкай Царквы Мітрапаліта Філіпа (Кочыша) сёлетняя сустрэча ярархаў праходзіць у Будапешце падчас 52-га міжнароднага Еўхарыстычнага Кангрэсу. Сустрэча адбываецца пад патранатам Кангрэгацыі Ўсходніх Цэркваў і Рады біскупскіх канферэнцыяў Еўропы. У Будапешт прыехалі сакратар Кангрэгацыі Ўсходніх Цэркваў архібіскуп Джорджа Дэмэтрыа Галара, мелхіцкі Патрыярх Антыёхіі Юсэф Абсі, першаярарх Украінскай Грэка-Каталіцкай Царквы Вярхоўны архібіскуп Кіева-Галіцкі Сьвятаслаў (Шаўчук), усходнія каталіцкія біскупы з Украіны, Славакіі, Чэхіі, Грэцыі, Румыніі, Харватыі, Польшчы, Італіі.Падчас сустрэчы ярархі Ўсходніх Каталіцкіх Цэркваў візантыйскай, армянскай і сірыйскай традыцыяў з еўрапейскіх краінаў абмяркуюць тэалагічныя, душпастырскія і кананічныя асьпекты праграмы «Еўхарыстыя і сінадальнасьць».
Сустрэча ярархаў распачалася у суботу, 4 верасьня, з супольнай малітвы на Вялікай Вячэрні. На інаўгурацыйнай сэсіі, якую адкрыў грэка-каталіцкі архібіскуп Гайдудоражскі Філіп Кочыш, выступілі: рыма-каталіцкі архібіскуп Эстэргомскі і Будапешцкі кардынал Петэр Эрдзё, старшыня Рады біскупскіх канферэнцыяў Еўропы кардынал Анджэла Баньяска, Апостальскі нунцый у Венгрыі Майкл Огаст Блум і іншыя. Падчас дыскусіі зьверхнік УГКЦ Вярхоўны архібіскуп Сьвятаслаў Шаўчук расказаў пра літургічнае жыцьцё яго Царквы ва Ўкраіне ў часы COVID-19. Ён правёў паралель паміж служэньнем Еўхарыстыі ў цяжкіх умовах падпольля і «еўхарыстычным голадам», які адчуваюць вернікі ў часы пандэміі, ва ўмовах выкліканых ёю абмежаваньняў.5 верасьня ўсходнія каталіцкія ярархі ўзялі ўдзел у адкрыцьці Еўхарыстычнага Кангрэсу. Адным з важных момантаў гэтага міжнароднага форуму стане Боская Літургія ў візантыйскім абрадзе, якая будзе правіцца 8 верасьня ў базыліцы сьвятога Стэфана.
Тэму «Практычныя асьпекты сінадальнасьці» 8 верасьня прадставіць першаярарх Украінскай Грэка-Каталіцкай Царквы Вярхоўны архібіскуп Кіева-Галіцкі Сьвятаслаў (Шаўчук).
Тэму «Практычныя асьпекты сінадальнасьці» 8 верасьня прадставіць першаярарх Украінскай Грэка-Каталіцкай Царквы Вярхоўны архібіскуп Кіева-Галіцкі Сьвятаслаў (Шаўчук).
Ад Беларускай Грэка-Каталіцкай Царквы ў сустрэчы ярархаў Усходніх Каталіцкіх Цэркваў і ў міжнародным Еўхарыстычным кангрэсе ўдзельнічае Апостальскі візітатар для грэка-католікаў Беларусі Архімандрыт Сяргей (Гаек).
Кожная сустрэча ярархаў Усходніх Каталіцкіх Цэркваў Еўропы — гэта добрая нагода абмеркаваць сучасныя праблемы, месца для абмену досьведам і будаваньня братэрскіх адносінаў паміж рознымі Цэрквамі свайго права (sui iuris).
Гл. таксама:
Сустрэча ярархаў Усходніх Каталіцкіх Цэркваў Еўропы ў Будапешце. Заключны прэс-рэліз
Ярархі Ўсходніх Каталіцкіх Цэркваў Еўропы сустрэліся ў Львове
Зьверхнікі Ўсходніх Каталіцкіх Цэркваў сустрэліся з Рымскім Архірэем
Наладжваньне стасункаў з праваслаўнымі на месцах — найбольшае заданьне для ўсходніх католікаў сёньня
Душпастырская праграма візіту ў Беларусь Сакратара Кангрэгацыі Ўсходніх Цэркваў
Гэты артыкул чыталі 55 разоў (-ы)
