Апостальскі нунцый у Рэспубліцы Беларусь архібіскуп Антэ Ёзіч у прыватным парадку наведаў праваслаўны Сьвята-Ўсьпенскі манастыр у Жыровічах, дзе памаліўся перад адной з самых шанаваных хрысьціянскіх сьвятыняў Беларусі — цудатворнай іконай Маці Божай Жыровіцкай, паведамляе Catholic.by. 
22 траўня 2021 году Апостальскі нунцый у Рэспубліцы Беларусь архібіскуп Антэ Ёзіч наведаў рыма-каталіцкую парафію Ўнебаўзяцьця Найсьвяцейшай Панны Марыі ў Пружане (Пінская дыяцэзія), дзе падчас урачыстай сьвятой Імшы зьдзейсьніў асьвячэньне абраза Маці Божай Апякункі лясоў — паведамляе Catholic.by. 
У Янаве на Палесьсі адзначылі ўрачыстасьць у гонар сьвятога Андрэя Баболі — апекуна Пінскай рыма-каталіцкай дыяцэзіі. Ва ўрачыстасьці бралі ўдзел і грэка-католікі. 
Група грэка-каталіцкіх пілігрымаў з Менску і Івацэвічаў 11 траўня 2021 году прыехала ў Стоўпцы, каб памаліцца і ўшанаваць памяць беларускага грэка-каталіцкага сьвятара Льва Гарошкі, які пэўны час служыў там, паведамляе сайт Svjazep.org. 
11 траўня 2021 году Нацыянальны санктуарыюм Маці Божай Будслаўскай, дзе здарыўся пажар, у той жа дзень наведалі каталіцкія біскупы Беларусі, паведамляе Catholic.by. Ярархі заклікалі ўсіх да малітвы і далучыцца да збору ахвяраваньняў на аднаўленьне старажытнай сьвятыні. 
Раніцай 11 траўня 2021 году ў Нацыянальным санктуарыюме Маці Божай у Будславе здарыўся пажар у выніку ўзгараньня на даху. Патушыць агонь не ўдавалася на працягу некалькіх гадзінаў, у выніку чаго дах абрынуўся на скляпеньні. 
18 красавіка 2021 году мінула 40 гадоў ад дня спачыну Слугі Божага біскупа Баляслава Слосканса, які на працягу многіх гадоў, у вельмі складаныя часы, быў архіпастырам беларускіх католікаў лацінскага і візантыйскага абрадаў як у Беларусі, так і за яе межамі. 
Біскуп Віцебскі Алег Буткевіч абраны новым старшынём Канферэнцыі каталіцкіх біскупаў у Беларусі (ККББ). Выбары прайшлі 14 красавіка 2021 году на 80-м пленарным пасяджэньні біскупскай асамблеі. Пасяджэньне было прымеркаванае да 30-годдзя адраджэньня структураў Каталіцкай Царквы ў Беларусі. 
10 красавіка 2021 году прэс-служба Апостальскага візітатара для грэка-католікаў Беларусі распаўсюдзіла паведамленьне ў сувязі з шпіталізацыяй Архімандрыта Сяргея (Гаека). 
Слова Апостальскага Візітатара для грэка-католікаў Беларусі на сьвята Пасхі Хрыстовай 2021 году 
Галоўная 
Навіны за 2021 год
Урачыстую сьвятую Імшу ўзначаліў біскуп Пінскі Антон Дзям’янка. Разам з ім літургію саслужылі рыма-каталіцкія сьвятары Пінскай дыяцэзіі, а таксама грэка-каталіцкія сьвятары (а. Ігар Кандрацьеў з Берасьця і а. Віталь Быстроў з Івацэвічаў) на чале з Апостальскім Візітатарам БГКЦ архімандрытам Сяргеем (Гаекам).
Гл. таксама:
Біблія павінна быць сёньня нашай “Малой падарожнай кніжкай”
У грэка-католікаў Горадні пабывалі міністранты з Шчучына
Вянгерская Грэка-Каталіцкая Царква падвышана да статусу мітраполіі
Каталіцкія ярархі Беларусі павіншавалі беларускіх грэка-католікаў з 25-годдзем аднаўленьня адкрытай дзейнасьці
Айцец Андрэй Крот: “Сьмецьцевы Чарнобыль” – глабальная праблема
Навіны за 2021 год
17.05.2021
Апекуна Палесься ўшанавалі ў Янаве
У Янаве на Палесьсі адзначылі ўрачыстасьць у гонар сьвятога Андрэя Баболі — апекуна Пінскай рыма-каталіцкай дыяцэзіі. Ва ўрачыстасьці бралі ўдзел і грэка-католікі.
15 траўня 2021 году, у вігілію ўрачыстасьці сьвятога Андрэя Баболі, галоўнага апекуна Пінскай дыяцэзіі, вернікі з розных каталіцкіх парафіяў на Палесьсі сабраліся ў санктуарыі ў Янаве на традыцыйны фэст — паведамляе Catholic.by. Сьвяты Андрэй Баболя вядомы быў як місіянер на Палесьсі, які нёс сьвятло Божай праўды ў самыя аддаленыя вёскі. За сваё апостальскае служэнне на Піншчыне ён быў жорстка закатаваны казакамі.
Урачыстую сьвятую Імшу ўзначаліў біскуп Пінскі Антон Дзям’янка. Разам з ім літургію саслужылі рыма-каталіцкія сьвятары Пінскай дыяцэзіі, а таксама грэка-каталіцкія сьвятары (а. Ігар Кандрацьеў з Берасьця і а. Віталь Быстроў з Івацэвічаў) на чале з Апостальскім Візітатарам БГКЦ архімандрытам Сяргеем (Гаекам).Парафіяльная ўрачыстасьць у Янаве стала таксама нагодай, каб павіншаваць з юбілеем сьвятарства ксяндза Паўла Кручака, кусташа санктуарыя і пробашча мясцовай парафіі. Біскуп Антон Дзям’янка падзякаваў сьвятару за 25 гадоў руплівага і плённага служэньня, большую частку якога ён правёў у Беларусі.
Гл. таксама:
Біблія павінна быць сёньня нашай “Малой падарожнай кніжкай”
У грэка-католікаў Горадні пабывалі міністранты з Шчучына
Вянгерская Грэка-Каталіцкая Царква падвышана да статусу мітраполіі
Каталіцкія ярархі Беларусі павіншавалі беларускіх грэка-католікаў з 25-годдзем аднаўленьня адкрытай дзейнасьці
Айцец Андрэй Крот: “Сьмецьцевы Чарнобыль” – глабальная праблема
Гэты артыкул чыталі 13 разоў (-ы)
