Ніякае брыдкае слова хай не выходзіць з вуснаў вашых, а толькі добрае на будаўніцтва ў веры, каб яно давала мілату слухачам (Пасланьне сьв. ап. Паўла да Эфэсянаў 4:29)
Наша Бацькаўшчына перажывае сваю Вялікую пятніцу 2 красавіка, у Вялікую пятніцу, архібіскуп Тадэвуш Кандрусевіч у рыма-каталіцкай катэдры ў Магілёве ўзначаліў набажэнства Мукі Госпада, якой папярэднічаў Крыжовы шлях на пляцы перад храмам, паведамляе Catholic.by.
У сьвята Дабравешчаньня біскуп Юры Касабуцкі заклікае маліцца за Беларусь Біскуп Юры Касабуцкі заклікае ў дзень 25 сакавіка, калі католікі лацінскага і візантыйскага абраду ў Беларусі адзначаюць сьвята Дабравешчаньня Найсьвяцейшай Багародзіцы, маліцца за Беларусь і за беларускі народ, за нашую еднасьць і салідарнасьць, за спыненьне рэпрэсіяў у краіне, за палітвязьняў і ўсіх перасьледаваных.
17.02.2021
Пасланьне Папы на Вялікі пост: аднавіць веру, надзею і любоў 12 лютага ў Ватыкане было абнародавана пасланьне Папы Францішка на Вялікі пост 2021 году. Сёлета ён распачнецца 15 лютага — у беларускіх грэка-католікаў, а 17 лютага, у Папяльцовую сераду — у рыма-католікаў.
18-25 студзеня — Тыдзень малітваў за еднасьць хрысьціянаў
Папа Францішак падчас трансьляцыі малітвы «Анёл Гасподні» 17 студзеня 2021 году заклікаў вернікаў далучыцца да малітвы за еднасьць хрысьціянаў.
Папа Францішак і зьверхнікі іншых Цэркваў падчас экуменічнай малітвы ў базыліцы сьв. Паўла за мурамі ў Рыме, 25 студзеня 2020 г. Фота: CNS, Vatican Media.Сьвяты Айцец нагадаў: «Пачынаецца Тыдзень малітваў за еднасьць хрысьціянаў. У гэтым годзе тэма спасылаецца на настаўленьне Ісуса: “Заставайцеся ў Маёй любові: прынесяце багаты плён” (пар. Ян 15, 5-9). У панядзелак, 25 студзеня 2021 году, мы завершым яго Нешпарамі (Вячэрняй) у базыліцы сьв. Паўла за мурамі разам з прадстаўнікамі іншых хрысьціянскіх супольнасьцяў, якія прысутнічаюць у Рыме. У гэтыя дні будзем маліцца ў адзін голас аб выкананьні жаданьня Ісуса: “Каб усе былі адно”».
Сёлетняя тэма Тыдня малітваў за еднасьць хрысьціянаў і разважаньні былі падрыхтаваныя міжканфесійнай жаночай манаскай супольнасьцю ў швайцарскім горадзе Граншан (Grandchamp), якая існуе там з 1936 г. і аб’ядноўвае каля пяцідзесяці богапасьвячаных жанчынаў розных хрысьціянскіх традыцыяў з усяго сьвету. Манахіні, якія натхняюцца экуменічнай дзейнасьцю Супольнасьці Тэзэ (Taize) прапанавалі матэрыял для малітваў на аснове трох прынцыпаў харызмы сваёй супольнасьці, якімі ёсьць малітва, супольнае жыцьцё і гасьціннасьць.
Разважаньні базуюцца на вядомай прамове Ісуса ў Евангельлі ад Яна (Ян, 15) пра вінаградную лазу і галіны, якія прыносяць плён толькі тады, калі знаходзяцца ў лучнасьці з ёй, і гэтак жа і вучні Хрыстовы павінны заставацца ў любові Божай.
Першы дзень, тэма якога «Пакліканыя Богам», засяроджвае вернікаў на словах Ісуса: «Ня вы выбралі Мяне, але Я выбраў вас» (Ян 15, 16). Другі дзень прысьвечаны ўнутранаму сталеньню, для чаго прапануецца спыніцца на заахвочваньні Ісуса Хрыста: «Заставайцеся ўва Мне, і Я ў вас» (Ян 15, 4). У трэці дзень прапануецца разважаць над будаваньнем аднаго містычнага Цела, спыніўшыся на прыказаньні Хрыстовым: «Палюбеце ж адзін аднаго, як Я палюбіў вас» (Ян 15, 12). У сьвятле словаў «Я больш не называю вас слугамі [...]. Я называю вас сябрамі» (Ян 15, 15) прапануецца задумацца над значэньнем супольнай малітвы ў чацьвёрты дзень. Пяты дзень засяроджвае нас над тым, каб дазволіць Божаму слову перамяніць нас: «Вы ўжо ачышчаныя праз слова, якое Я прапаведаваў вам» (Ян 15, 3). У шосты дзень малітваў за еднасьць прапануецца спыніцца на тэме прыняцьця іншых: «Ня вы Мяне выбралі, а Я вас выбраў і паставіў вас, каб вы ішлі і прынесьлі плён, і каб плён ваш заставаўся» (Ян 15, 16). Узрастаньню ў еднасьці прысьвечаны сёмы дзень, у цэнтры якога словы: «Я — Лаза, а вы галіны». Апошні дзень Тыдня малітваў за еднасьць хрысьціянаў — аб прымірэньні з усім стварэньнем: «Каб радасьць Мая ў вас заставалася і радасьць вашая была поўная».
Напярэдадні Тыдня малітваў за еднасьць хрысьціянаў 18-25 студзеня 2021 году Апостальскі Візітатар для грэка-католікаў Беларусі архімандрыт Сяргей Гаек напісаў: «У Беларусі гэты тыдзень — добрая нагода для супольнай малітвы ўсіх хрысьціянаў за Беларусь».
2 красавіка, у Вялікую пятніцу, архібіскуп Тадэвуш Кандрусевіч у рыма-каталіцкай катэдры ў Магілёве ўзначаліў набажэнства Мукі Госпада, якой папярэднічаў Крыжовы шлях на пляцы перад храмам, паведамляе Catholic.by. 
27 сакавіка 2021 году мінула 10 гадоў ад моманту ўступленьня на пасад Вярхоўнага Архібіскупа Кіева-Галіцкага Яго Блаславенства Сьвятаслава (Шаўчка), Першаярарха Ўкраінскай Грэка-Каталіцкай Царквы. 
Біскуп Юры Касабуцкі заклікае ў дзень 25 сакавіка, калі католікі лацінскага і візантыйскага абраду ў Беларусі адзначаюць сьвята Дабравешчаньня Найсьвяцейшай Багародзіцы, маліцца за Беларусь і за беларускі народ, за нашую еднасьць і салідарнасьць, за спыненьне рэпрэсіяў у краіне, за палітвязьняў і ўсіх перасьледаваных. 
12 лютага ў Ватыкане было абнародавана пасланьне Папы Францішка на Вялікі пост 2021 году. Сёлета ён распачнецца 15 лютага — у беларускіх грэка-католікаў, а 17 лютага, у Папяльцовую сераду — у рыма-католікаў. 
З Варшавы прыйшла вестка, што ва ўзросьце 75 гадоў там памёр доўгі час адзіны ў Беларусі езуіт айцец Казімер Жыліс. 
Папа Францішак падчас трансьляцыі малітвы «Анёл Гасподні» 17 студзеня 2021 году заклікаў вернікаў далучыцца да малітвы за еднасьць хрысьціянаў. 
У сувязі з сьмерцю Ганаровага Патрыяршага Экзарха ўсяе Беларусі Мітрапаліта Філарэта прадстаўнікі Каталіцкай і Грэка-Каталіцкай Царквы выказалі свае спачуваньні. 
Навіны за 2021 год
