21 траўня 2020 году Сьвяты Айцец Францішак прызначыў новым Апостальскім нунцыем у Беларусі архібіскупа Антэ Ёзіча. Пра гэта паведаміла беларуская рэдакцыя Vatican News. 
100 гадоў таму нарадзіўся Караль Вайтыла, які стаў папам Янам Паўлам ІІ. Ён прыйшоў на сьвет 18 траўня 1920 году ў Вадавіцах пад Кракавам. На радзіме яго лічаць адным з самых значных палякаў XX стагоддзя. 
У 100-ыя ўгодкі з дня народзінаў сьв. Яна Паўла ІІ, 18 мая 2020 году, Папа Рымскі Францішак узначаліў сьв. Імшу ля магілы гэтага Вялікага Папы, у капліцы сьв. Себасьцяна ватыканскай базылікі сьв. Пятра — паведамляе Vatican News. 
18 траўня 2020 году, у 100-ю гадавіну з дня нараджэньня сьвятога Яна Паўла ІІ, каталіцкія біскупы Беларусі правялі анлайн відэаканферэнцыю, каб узгадаць вялікага Папу і разам памаліцца праз яго заступніцтва, паведамляе Catholic.by. 
З ініцыятывы Сьвятога Айца Францішка Папская Рада міжрэлігійнага дыялогу зьвярнулася да ўсіх каталіцкіх епіскапатаў сьвету з заклікам, каб зрабіць 14 траўня 2020 году днём малітвы, посту і справаў міласэрнасьці ў намеры спыненьня пандэміі, выкліканай каранавірусам. 
Сёлета сьвяткуецца 550-годдзе цудоўнага зьяўленьня Жыровіцкага абраза Багародзіцы. 7 траўня ў царкоўным календары — дзень, калі Грэка-Каталіцкая і Рыма-Каталіцкая Царква ў Беларусі ўшаноўвае адну з найвялікшых хрысьціянскіх сьвятыняў нашага народу — цудатворны абраз Маці Божай Жыровіцкай. Праваслаўныя вернікі, якія жывуць паводле юльянскага календара, адзначаць гэтае сьвята 20 траўня. 
У Кіеве 5 траўня 2020 году адзначае сваё 50-годдзе Першаярарх Украінскай Грэка-Каталіцкай Царквы Яго Блаславенства Сьвятаслаў (Шаўчук). Ад імя духавенства і вернікаў Беларускай Грэка-Каталіцкай Царквы зьверхніка братняй Царквы з юбілеем павіншаваў Апостальскі Візітатар для грэка-католікаў Беларусі, які накіраваў яму з гэтай нагоды віншавальны ліст — паведамляе сайт Svjazep.org. 
Сёньня, 13 красавіка 2020 году пахаваюць вядомага пінскага журналіста Васіля Мацкевіча, які заўчасна памёр 11 красавіка ў рэанімацыйным аддзяленьні Пінскай цэнтральнай бальніцы ад пнеўманіі. Яму было 46 гадоў. 
Кіраўнік БГКЦ, Апостальскі візітатар для грэка-католікаў у Беларусі архімандрыт Сяргей Гаек расказаў Радыё Свабода, з якімі засьцярогамі Царква рыхтуецца адзначыць Вялікдзень 12 красавіка. 
У сувязі з сітуацыяй пандэміі, выкліканай каранавірусам, Апостальскі Візітатар для грэка-католікаў у Беларусі Архімандрыт Сяргей (Гаек) накіраваў вернікам БГКЦ душпастырскія прапановы на Вялікі тыдзень, каб духоўна маглі падрыхтавацца да сьвята Вялікадня. 
Галоўная 
Навіны за 2020 год
Паводле архімандрыта Гаека, у парафіях БГКЦ рыхтуюцца да сьвяткаваньня Вялікадня ва ўмовах пандэміі. У Вялікі тыдзень у храмах і капліцах праходзяць асноўныя набажэнствы ў скарочаным варыянце. Людзей заклікаюць заставацца дома.
Гл. таксама:
Апостальскі Візітатар БГКЦ: сьвята Пасхі Хрыстовай дае нам магчымасьць аднавіць еднасьць з Хрыстом
Архімандрыт Сяргей Гаек: «У Будславе мы нясём знак радасьці і духоўнай перамогі»
Славацкі біскуп пра БГКЦ: гэтая Царква мае вялікі духоўны патэнцыял
У Бэтлееме грэка-католікі маліліся за хрысьціянаў Беларусі
Пілігрымка беларускіх грэка-католікаў у Рым
Навіны за 2020 год
08.04.2020
Грэка-католікі Менску замест агульнай службы на Вялікдзень ладзяць пяць меншых
Кіраўнік БГКЦ, Апостальскі візітатар для грэка-католікаў у Беларусі архімандрыт Сяргей Гаек расказаў Радыё Свабода, з якімі засьцярогамі Царква рыхтуецца адзначыць Вялікдзень 12 красавіка.
Паводле архімандрыта Гаека, у парафіях БГКЦ рыхтуюцца да сьвяткаваньня Вялікадня ва ўмовах пандэміі. У Вялікі тыдзень у храмах і капліцах праходзяць асноўныя набажэнствы ў скарочаным варыянце. Людзей заклікаюць заставацца дома.Але некаторыя вернікі, кажа ярарх, усё ж хочуць у гэтыя дні маліцца з сьвятарамі. Таму цалкам набажэнствы не спыняюць, але скарачаюць іх.
«Напрыклад, у Вялікі чацьвер вечарам мы ня служым Ютрані 12-ці Евангельляў Мукаў Хрыстовых і заклікаем вернікаў, каб біблейныя тэксты яны самі прачыталі дома».
Звычайна грэка-католікі сталіцы на Вялікдзень зьбіраюць вернікаў сваіх пяці менскіх парафіяў на агульнае набажэнства ў Чырвоным касьцёле. Звычайна прыходзяць 500 і болей людзей. Сёлета такога ня будзе.
«У нядзелю 12 красавіка самую галоўную Літургію Ўваскрасеньня ў менскіх парафіях служым пяць разоў, каб на кожнай службе не было занадта шмат вернікаў».
У апошнія тыдні, кажа архімандрыт, колькасьць удзельнікаў набажэнстваў рэзка зьнізілася.
«Старэйшых вернікаў і дзяцей просім заставацца дома. На працягу апошніх дзесяці дзён у храмы прыходзіць 20% тых, хто наведвае іх звычайна. На Вербную нядзелю ў Менску на кожнай службе было ўсяго па 10-15 вернікаў».
Кіраўнік Беларускай Грэка-Каталіцкай Царквы кажа, што дазволіў вернікам не наведваць службы і сачыць за імі па інтэрнэце.
«Усе вернікі могуць не прыходзіць на набажэнства, але маюць права дома духоўна далучыцца да службаў, што праходзяць у храмах. Парафія ў Лідзе вядзе анлайн-трансьляцыю асноўных набажэнстваў Вялікага тыдня і Пасхі».
Паводле архімандрыта Сяргея Гаека, сьвятары і вернікі стараюцца захоўваюць санітарныя нормы. У парафіях ёсьць дэзінфектары, рэлігійныя цырымоніі адбываюцца без тактыльнага кантакту.
Сяргей Абламейка, Радыё Свабода.
Тэгі: Архімандрыт Сяргей Гаек, Вялікі тыдзень, Вялікдзень, пандэмія, каранавірус, літургія, малітва, БГКЦ, грэка-католікі
Гл. таксама:
Апостальскі Візітатар БГКЦ: сьвята Пасхі Хрыстовай дае нам магчымасьць аднавіць еднасьць з Хрыстом
Архімандрыт Сяргей Гаек: «У Будславе мы нясём знак радасьці і духоўнай перамогі»
Славацкі біскуп пра БГКЦ: гэтая Царква мае вялікі духоўны патэнцыял
У Бэтлееме грэка-католікі маліліся за хрысьціянаў Беларусі
Пілігрымка беларускіх грэка-католікаў у Рым
Гэты артыкул чыталі 47 разоў (-ы)
