У сувязі з сітуацыяй пандэміі, выкліканай каранавірусам, Апостальскі Візітатар для грэка-католікаў у Беларусі Архімандрыт Сяргей (Гаек) накіраваў вернікам БГКЦ душпастырскія прапановы на Вялікі тыдзень, каб духоўна маглі падрыхтавацца да сьвята Вялікадня. 
Папа Рымскі Францішак заклікаў усіх хрысьціянаў у сьвеце 25 сакавіка 2020 г., калі католікі і многія хрысьціяне ў сьвеце адзначаюць Дабравешчаньне Найсьвяцейшай Багародзіцы, а 12.00 гадз. разам зьвярнуцца да Бога і прамовіць малітву «Ойча наш» у інтэнцыі выбаўленьня сьвету ад пандэміі, выкліканай каранавірусам — паведамляе Беларуская рэдакцыя Vatican News. 
У сувязі з пандэміяй, выкліканай каранавірусам, і складанай эпідэміялагічнай сітуацыяй у Беларусі, Апостальскі Візітатар для грэка-католікаў Беларусі Архімандрыт Сяргей (Гаек) выдаў адмысловае Распараджэньне пра ўвядзеньне з 13 сакавіка 2020 году часовых нормаў паводзінаў у храмах і душпастырскіх цэнтрах Грэка-Каталіцкай Царквы ў Беларусі. 
Ватыканскі прэс-цэнтар паведаміў, што Папа Рымскі Францішак 25 лютага 2020 году прызначыў новага сакратара Кангрэгацыі Ўсходніх Цэркваў. Ім стаў біскуп Джорджа Дэмэтрыа Галара, 
Вечар успамінаў пра першую публічную грэка-каталіцкую Літургію ў Менску, якую адслужыў айцец Аляксандар Надсан, адбыўся 21 лютага 2020 году, на заканчэньне Сырапуснага тыдня перад пачаткам Вялікага посту, у грэка-каталіцкім Цэнтры Праведнага Язэпа ў Менску — паведамляе сайт Svjazep.org. З гэтай нагоды быў адслужаны падзячны Акафіст Імю Ісусаваму з удзелам Апостальскага Візітатара для грэка-католікаў Беларусі Архімандрыта Сяргея (Гаека) і менскіх душпастыраў а. Андрэя Абламейкі і а. Аляксандра Шыбекі. 
3 лютага 2020 ды Ватыканскі прэс-цэнтар паведаміў пра тое, што Папа Рымскі Францішак прызначыў 42-гадовага італьянскага сьвятара Флавіа Пачэ, які да гэтага служыў у Кангрэгацыі Ўсходніх Цэркваў, намесьнікам сакратара гэтага ведамства Апостальскага Пасаду. 
23 студзеня Грэка-Каталіцкая Царква мае літургічны ўспамін Пратулінскіх мучанікаў. Падзеі ў Пратуліне сталі сымбалем цярпеньняў і перасьледу за веру ўсіх уніятаў на Падляшшы і ва ўсёй Холмскай уніяцкай япархіі на тэрыторыі Царства Польскага (куды тады ўваходзілі таксама мясьціны на поўнач ад Горадні ў раёне Сапоцкіна), дзе Унія была гвалтоўна ліквідаваная расейскімі царскімі ўладамі ў 1874-75 гг. 
З нагоды Тыдня малітваў за еднасьць хрысьціянаў 19 студзеня 2020 году ў Горадні ў катэдральным рыма-каталіцкім касьцёле сьв. Францішка Ксаверыя адбылося экуменічнае набажэнства — паведамляе каталіцкі партал Гарадзенскай дыяцэзіі Grodnensis.by. 
20 студзеня 2020 году ў Ватыкане было паведамлена, што Папа Рымскі Францішак прызначыў Уладыку Цырыла Васіля, SJ, тытулярнага архібіскупа Птолемаіды ў Лібіі, які дагэтуль быў сакратаром Кангрэгацыі Ўсходніх Цэркваў, Апостальскім адміністратарам sede plena Кошыцкай япархіі Славацкай Грэка-Каталіцкай Царквы. 
Галоўная 
Навіны хрысьціянскага сьвету
Айцец Флавіа Пачэ (Flavio Pace) нарадзіўся 29 ліпеня 1977 году ў м. Монца на поўначы Італіі. Пасьля заканчэньня гімназіі ў сваім родным горадзе ў 1996 годзе паступіў у архібіскупскую семінарыю ў Мілане. У 29 верасьня 2001 году быў рукапакладзены на дыякана, а 8 чэрвеня 2002 году кардынал Карла Марыя Марціні ўдзяліў яму сьвятарскія сьвячаньні. Затым служыў парафіяльным вікарыем у Аб’ятэграса, дзе выконваў розныя душпастырскія абавязкі, зьвязаныя з працай з моладдзю, выкладаў рэлігію ў школе і быў капеланам у хосьпісе.
Гл. таксама:
Апраўданы кардынал Пэл, якога вінавацілі ў сэксуальных дамаганьнях
Прызначаны новы сакратар Кангрэгацыі Ўсходніх Цэркваў
Ватыканскі ярарх назваў адраджэньне БГКЦ сапраўдным цудам
Архібіскуп Кірыла (Васіль): на беларускай зямлі сустракаецца Ўсход і Захад
Нунцый да грэка-католікаў: многае залежыць і ад вас
Навіны хрысьціянскага сьвету
06.02.2020
Папа прызначыў намесьніка сакратара Кангрэгацыі Ўсходніх Цэркваў
3 лютага 2020 ды Ватыканскі прэс-цэнтар паведаміў пра тое, што Папа Рымскі Францішак прызначыў 42-гадовага італьянскага сьвятара Флавіа Пачэ, які да гэтага служыў у Кангрэгацыі Ўсходніх Цэркваў, намесьнікам сакратара гэтага ведамства Апостальскага Пасаду.
Айцец Флавіа Пачэ (Flavio Pace) нарадзіўся 29 ліпеня 1977 году ў м. Монца на поўначы Італіі. Пасьля заканчэньня гімназіі ў сваім родным горадзе ў 1996 годзе паступіў у архібіскупскую семінарыю ў Мілане. У 29 верасьня 2001 году быў рукапакладзены на дыякана, а 8 чэрвеня 2002 году кардынал Карла Марыя Марціні ўдзяліў яму сьвятарскія сьвячаньні. Затым служыў парафіяльным вікарыем у Аб’ятэграса, дзе выконваў розныя душпастырскія абавязкі, зьвязаныя з працай з моладдзю, выкладаў рэлігію ў школе і быў капеланам у хосьпісе.У 2010 годзе а. Флавіа Пачэ завершыў навучаньне ў Папскім інстытуце арабскіх і ісламскіх студыяў (PISAI) у Рыме. Быў заангажаваны ў шэраг ініцыятываў па стасунках Міланскай архідыяцэзіі з ісламам. З 2001 году ён пачаў служэньне ў Кангрэгацыі Ўсходніх Цэркваў. Адказваў там за кантакты Апостальскага Пасаду з Усходнімі Каталіцкімі Цэрквамі і за царкоўнае жыцьцё ў некаторых рэгіёнах сьвету.
На чале Кангрэгацыі Ўсходніх Цэркваў стаіць кардынал-прэфект. Сёньня гэтую пасаду займае аргентынскі кардынал архібіскуп Леанарда Сандры. Найбліжэйшымі памочнікамі яго зьяўляюцца сакратар Кангрэгацыі Ўсходніх Цэркваў (на дадзены момант гэтая пасада, якую займаў славацкі грэка-каталіцкі архібіскуп Цырыл Васіль, SJ, вакантная) і намесьніка сакратара. Нагадаем, сёньня Беларуская Грэка-Каталіцкая Царква наўпрост падпарадкаваная Апостальскаму Пасаду ў Рыме і кіраваньне ёй адбываецца праз Рымскую курыю і Апостальскага візітатара.
Фота: vaticannews.va.
Гл. таксама:
Апраўданы кардынал Пэл, якога вінавацілі ў сэксуальных дамаганьнях
Прызначаны новы сакратар Кангрэгацыі Ўсходніх Цэркваў
Ватыканскі ярарх назваў адраджэньне БГКЦ сапраўдным цудам
Архібіскуп Кірыла (Васіль): на беларускай зямлі сустракаецца Ўсход і Захад
Нунцый да грэка-католікаў: многае залежыць і ад вас
Гэты артыкул чыталі 12 разоў (-ы)
