Каляднае віншаваньне Апостальскага Візітатара для грэка-католікаў Беларусі. 
З пілігрымкі беларускай моладзі і інтэлігенцыі 12 лістапада 1989 году на ўрачыстасьць сьв. Язафата ў мястэчка Баруны, што на Ашмяншчыне, у былы базыльянскі санктуарыюм Маці Божай, дзе служыў тады пробашчам мясцовай рыма-каталіцкай парафіі сьв. Пятра і Паўла а. Ян Матусевіч, пачалося адраджэньне Уніі ў Беларусі. 
Сваё 70-годдзе 23 верасьня 2019 году адзначыў рыма-каталіцкі біскуп Гарадзенскі Аляксандар Кашкевіч. З гэтай нагоды ярарха павіншавалі і беларускія грэка-католікі. 
21 верасьня 2019 году грэка-каталіцкаую парафію Маці Божай Фацімскай у Горадні наведала вялікая група міністрантаў з рыма-каталіцкай парафіі Сьвятой Тэрэзы Авільскай у Шчучыне на чале з іх душпастырам а. Віталём Слукой з ордэна айцоў-піяраў. 
Дні 6-8 ліпеня 2019 году сталі ў Берасьці кульмінацыяй сьвяткаваньня Міленіюму, да якога актыўна далучыліся таксама мясцовыя каталіцкія вернікі лацінскага і візантыйскага абрадаў разам з сваімі душпастырамі. 
6-8 ліпеня 2019 году Берасьце адзначыў сваё 1000-годдзе, і да гэтай знакавай даты было прымеркавана шэраг мерапрыемстваў у духоўным і рэлігійным жыцьці. Адным з іх стала ўрачыстае бласлаўленьне новазбудаванага рыма-каталіцкага касьцёлу ў гонар Найсьвяцейшага Сэрца Ісуса ў мікрараёне Рэчыца. 
6-8 верасьня 2019 году Берасьце ўрачыста адзначыў свой 1000-гадовы юбілей. З гэтай нагоды віншаваньне вернікам і ўсім жыхарам гораду на адрас старшыні Берасьцейскага гарвыканкаму сп. Аляксандра Рагачука было накіраванае з Рыму, з ватыканскай кангрэгацыі. 
Юбілейная 25-ая пілігрымка беларускіх грэка-католікаў з Віцебску ў Полацак у памяць Полацкіх мучанікаў-базыльянаў, якая мела праходзіць з 9 па 13 ліпеня 2019 году пад дэвізам «Хрыстос жыве», адменена. Пра гэта паведаміў вернікаў канцлер Курыі Апостальскага візітатара для грэка-католікаў Беларусі а. Яўген Усошын, зьмясьціўшы на сваёй старонцы ў сацыяльнай сетцы Фэйсбук паведамленьне аднаго з арганізатараў пілігрымкі а. Аляксандра Шаўцова з Полацку. 
У аўторак, 9 ліпеня 2019 году, з Літургіі ў грэка-каталіцкай царкве Ўваскрасеньня Хрыстова ў Віцебску пачынаецца 25-ая юбілейная пілігрымка беларускіх грэка-католікаў для ўшанаваньня Полацкіх мучанікаў. 
У Ватыкане паведамлена пра стварэньне новай царкоўнай структуры для католікаў усходняга абраду. 1 чэрвеня 2019 году Францішак заснаваў Апостальскую адміністратуру для католікаў візантыйскага абраду ў Казахстане і Сярэдняй Азіі. Яе рэзідэнцыя будзе знаходзіцца ў Карагандзе. 
Галоўная 
Навіны за 2019 год
Ушаноўваем нараджэньне Ісуса Хрыста, Які прыходзіць да нас як Спрадвечнае Слова Бога.
Гл. таксама:
«Слова сталася целам і пасялілася між намі»
У грэка-католікаў Беларусі распачаўся Калядны пост
Царква — гэта найперш супольнасьць вернікаў
У Любліне высьвячаны новы дыякан для БГКЦ
Сьвяткаваньні ў гонар сьвятога Язафата Кунцэвіча
Навіны за 2019 год
24.12.2019
Ісус Хрыстос прыходзіць як Слова любові Бога да кожнага чалавека
Каляднае віншаваньне Апостальскага Візітатара для грэка-католікаў Беларусі.
Хрыстос нарадзіўся — славім Яго!
Сьвята Раства Хрыстовага — сьвята Нараджэньня Госпада нашага Ісуса Хрыста.
У гэты час асабліва актуальнымі ёсьць словы з Евангельля паводле сьв. Яна:
“Слова сталася целам і пасялілася між намі” (Ян 1, 14).
Ушаноўваем нараджэньне Ісуса Хрыста, Які прыходзіць да нас як Спрадвечнае Слова Бога.Слова любові Бога да кожнага чалавека, Слова праўды, якое прасьвятляе кожнага чалавека.
Мы ўсе закліканыя да жыцьця ў праўдзе і свабодзе дзяцей Божых, мы ўсе закліканыя да жыцьця ў веры, надзеі і любові — любові да Бога, да чалавека, да роднай Царквы, да нашай Бацькаўшчыны-Беларусі, куды Слова Божае на роднай мове прыйшло больш за 500 гадоў таму (1517).
У гэты сьвяточны час ўспамінаем яшчэ раз вялікі подзьвіг веры Францішка Скарыны. Узгадваем нашых вялікіх духовых настаўнікаў, якія вучылі нас любові да Бацькаўшчыны. Узгадайма хоць бы трох:
— грэка-каталіцкага біскупа Чэслава Сіповіча, 105 гадоў з дня нараджэньня якога толькі што адзначылі (8 сьнежня),
— экзарха беларускіх грэка-католікаў Антона Неманцэвіча, 80 гадоў прызначэньня якога (1940) будзем адзначаць,
— а. Уладзіслава Чарняўскага (+22.12.2001), які ў савецкі час меў адвагу перакладаць на беларускую мову Сьвятое Пісаньне.
Мы, беларускя грэка-католікі, у гэтым годзе, які заканчваецца, адзначылі 30 гадоў ад моманту, калі моладзь Менску і іншых гарадоў у 1989 годзе, у Барунах, перад Барунскай іконай Багародзіцы пачала маліцца на роднай беларускай мове.
Сьвята Раства Хрыстовага — сьвята Сьвятой Сям’і і сьвята кожнай сям’і.
Нашыя сьвяточныя пажаданьні — каб у беларускіх сем’ях бацькі вучылі дзяцей любові да Бога, да кожнага чалавека,да Царквы, да Бацькаўшчыны, да роднай мовы.
Хай Госпад, Які нарадзіўся ў Бэтлееме, блаславіць наш подзьвіг веры, надзеі, любові!
Хай блаславіць Ён усіх католікаў розных абрадаў, хай блаславіць усіх хрысьціянаў і ўсіх людзей добрай волі ў нашай Бацькаўшчыне!
+ Архім. Сяргей (Гаек)
Апостальскі візітатар Беларускай Грэка-Каталіцкай Царквы
Менск, Раство Хрыстовае 2019 г.
Гл. таксама:
«Слова сталася целам і пасялілася між намі»
У грэка-католікаў Беларусі распачаўся Калядны пост
Царква — гэта найперш супольнасьць вернікаў
У Любліне высьвячаны новы дыякан для БГКЦ
Сьвяткаваньні ў гонар сьвятога Язафата Кунцэвіча
Гэты артыкул чыталі 49 разоў (-ы)
