У грэка-каталіцкім храме душпастырскага цэнтру сьв. Язэпа ў Менску 9 лютага 2019 году адбылося сьвяткаваньне памяці сьвятых Кірылы і Мятода, Апосталаў славянаў і Апекуноў Еўропы. Сёлета спаўняецца 1150-ая гадавіна спачыну сьв. Кірылы ў Рыме 14 лютага 869 году. Падчас гэтай урачыстасьці адзначалася таксама 70-годдзе Архімандрыта Сяргея (Гаека), які вось ужо 25 гадоў спаўняе служэньне Апостальскага Візітатара для грэка-католікаў Беларусі. 
Вярхоўны Архібіскуп Украінскай Грэка-Каталіцкай Царквы Яго Блаславенства Сьвятаслаў (Шаўчук) асабіста і ад імя Сіноду Біскупаў УГКЦ павіншаваў патрыяршай граматай Апостальскага Візітатара для грэка-католікаў у Беларусі Архімандрыта Сяргея (Гаека) з нагоды 70-годдзя — паведамляе Дэпартамент інфармацыі УГКЦ. 
3 лютага на 84 годзе жыцьця памёр выдатным беларускі перакладчык Васіль Сёмуха. Грамадзкае разьвітаньне з ім у Менску адбылося 6 лютага 2019 году ў рытуальнай залі, што на вуліцы Альшэўскага. Паніхіду па спачыламу адслужылі беларускія грэка-каталіцкія сьвятары з Менску. 
У Берасьці з блаславеньня Апостальскага Візітатара грэка-католікаў Беларусі Архім. Сяргея (Гаека) ў грэка-каталіцкай парафіі сьвятых братоў-апосталаў Пятра і Андрэя з нагоды Тыдня малітваў за еднасьць хрысьціянаў 19 студзеня 2019 году адбудзецца экуменічная малітоўная сустрэча, на якую запрошаныя прадстаўнікі розных хрысьціянскіх Цэркваў і супольнасьцяў. 
18 студзеня 2019 году распачаўся Тыдзень малітваў за еднасьць хрысьціянаў. З гэтай нагоды Папа Францішак узначаліў у гэты дзень урачыстую вячэрнюю слубу Нешпараў у рымскай базыліцы сьв. Паўла за Мурамі, паведамляе беларуская рэдакцыя парталу Vatican News. 
Пра гэта сказаў у інтэрв’ю інтэрнэт-выданьню «Главком» Зьверхнік Украінскай Грэка-Каталіцкай Царквы Яго Блаславенства Сьвятаслаў (Шаўчук), адказваючы на пытаньне журналіста, ці ёсьць грэка-каталіцкія парафіі, якія хацелі б перайсьці ў юрысдыкцыю ПЦУ. 
6 студзеня ва Ўкраіне ў выніку атрыманьня Томасу аб аўтакефаліі ад Канстанцінопальскага патрыярхату канчаткова паўстала незалежная праваслаўная Царква, якую заснавалі падчас сабору ў Кіеве 15 сьнежня мінулага году. 
Галоўная 
Навіны за 2019 год
З гэтай нагоды Апостальскі Візітатар БГКЦ накіраваў з Рыму ўдзельнікам экуменічнай сустрэчы ў Берасьці адмысловы вітальны ліст. Ніжэй прапануем гэты тэкст.
Гл. таксама:
18-25 студзеня — Тыдзень малітваў за еднасьць хрысьціянаў
Апостальскі Візітатар БГКЦ павіншаваў вернікаў з сьвятам Раства Хрыстова
Як разьвіваўся беларускі біблійны пераклад?
Парафіяльны фэст у грэка-католікаў Берасьця
Сьвята Еднасьці пад апекай Маці Божай Берасьцейскай
Навіны за 2019 год
19.01.2019
Апостальскі Візітатар БГКЦ заклікаў хрысьціянаў Берасьця ўмацоўваць братэрскае супрацоўніцтва ў абвяшчэньні Евангельля
У Берасьці з блаславеньня Апостальскага Візітатара грэка-католікаў Беларусі Архім. Сяргея (Гаека) ў грэка-каталіцкай парафіі сьвятых братоў-апосталаў Пятра і Андрэя з нагоды Тыдня малітваў за еднасьць хрысьціянаў 19 студзеня 2019 году адбудзецца экуменічная малітоўная сустрэча, на якую запрошаныя прадстаўнікі розных хрысьціянскіх Цэркваў і супольнасьцяў.
З гэтай нагоды Апостальскі Візітатар БГКЦ накіраваў з Рыму ўдзельнікам экуменічнай сустрэчы ў Берасьці адмысловы вітальны ліст. Ніжэй прапануем гэты тэкст.Дарагія і пачэсныя ў Госпадзе браты і сёстры, якіх Дух Сьвяты сабраў сёньня на міжканфесійнай малітве ў грэка-каталіцкім храме братоў-апосталаў Пятра і Андрэя ў горадзе Берасьці!
Прыміце сардэчнае, братэрскае прывітаньне з гораду Рыму, дзе ў гэтыя дні на месцах мучаніцкай сьмерці Апостала Пятра і Апостала Паўла, хрысьціяне розных традыцыяў і канфесіяў моляцця аб Адзінстве сярод вучняў Ісуса Хрыста.
Тут у Рыме, хрысьціяне з розных народаў і краінаў, у тым ліку і з Беларусі, успамінаем у малітве горад Берасьце, які ў гэтым годзе сьвяткуе 1000 гадоў свайго існаваньня. Гэты горад быў на працягу стагоддзяў горадам шматканфесійным і шматкультурным. Гэта для ўсіх жыхароў Берасьця каштоўная, духовая спадчына, інсьпіраваная Бібліяй.
Горад Берасьце сьвяткуе 1000 гадоў, а хрысьціяне Беларусі дзякуюць Госпаду за дар Бібліі на роднай беларускай мове, які мы атрымалі 500 гадоў таму, дзякуючы хрысьціянскаму подзьвігу Францішка Скарыны. Заданьне хрысьціянаў Берасьця сёньня — гэта ўмацаваньне міжканфесійнага міру ды братэрскага супрацоўніцтва ў абвяшчэньні Евангельля Ісуса Хрыста.
Няхай вашая супольная малітва дапаможа ўсім жыхарам горада Берасьця адкрываць радасьць чытаць сьвятую Біблію — Слова Божае на роднай, беларускай мове.
Няхай Усемагутны і Міласэрны Бог адорыць нас пакорай і дасьць нам трываласьць у падтрымцы міжхрысьціянскага адзінства. Амін.
Магутны Божа, Уладар сусьветаў, —
над Беларусяй, ціхай і ветлай,
рассып праменьні свае хвалы!
над Беларусяй, ціхай і ветлай,
рассып праменьні свае хвалы!
+ Архімандрыт Сяргей (Гаек)
Апостальскі Візітатар Грэка-Каталіцкай Царквы Беларусі
Гл. таксама:
18-25 студзеня — Тыдзень малітваў за еднасьць хрысьціянаў
Апостальскі Візітатар БГКЦ павіншаваў вернікаў з сьвятам Раства Хрыстова
Як разьвіваўся беларускі біблійны пераклад?
Парафіяльны фэст у грэка-католікаў Берасьця
Сьвята Еднасьці пад апекай Маці Божай Берасьцейскай
Гэты артыкул чыталі 23 разоў (-ы)
