Сьвята Раства Хрыстова нясе ў сабе ўніверсальнае пасланьне: Бог — гэта добры Айцец, а мы ўсе зьяўляемся братамі — гэта адзначыў Папа Рымскі Францішак 25 сьнежня 2018 году, калі зьвярнуўся з сваім традыцыйным пасланьнем «Urbi et Orbi». 
Над Нараджэньнем Ісуса і над сувязьзю паміж радасьцю і сьвятасьцю заклікаў паразважаць Біскуп Рыму, сустрэўшыся з супрацоўнікамі ватыканскіх структураў і членамі іх сем’яў на перадсьвяточнай аўдыенцыі з нагоды сьвята Раства 21 сьнежня 2018 году — паведамляе Vatican news. Папа заклікаў не баяцца сьвятасьці, бо яна зьяўляецца шляхам да радасьці. 
Нягледзячы на «турбулентнасьць» унтуры праваслаўя, дыялог Каталіцкай Царквы з Расейскай Праваслаўнай Царквой ня можа быць замарожаны — заявіў старшыня Папскай Рады па спрыяньні еднасьці хрысьціянаў кардынал Курт Кох. 
У 85-ыя ўгодкі Галадомру ва Ўкраіне, у суботу вечарам, 24 лістапада 2018 году, у грэка-каталіцкай царкве сьв. братоў-апосталаў Пятра і Андрэя ў Берасьці маліліся за ахвяраў гэтай вялікай трагедыі ўкраінскага народу. 
Уклад рэлігіі ў будаванне міру павінен быць больш высока ацэнены, падкрэсьліў прадстаўнік Сьвятога Пасаду ў ААН падчас пасяджэньня, прысьвечанага праблеме міру, паведамляе Vatican news. 
Раскол паміж праваслаўнымі Цэрквамі Маскоўскага і Канстанцінопальскага патрыярхатаў, гэта — на думку афіцыйнага прадстаўніка Сьвятога Пасаду кардынала Курта Коха — хоць і ўнутраны, але «сур’ёзны канфлікт», паведамляе інфармацыйны партал Апостальскай Сталіцы «Vatican News». 
У італамоўным выданьні «ACI Stampa» 8 кастрычніка 2018 году было апублікавана інтэрв’ю з Вярхоўным Архібіскупам УГКЦ Яго Блаславенствам Сьвятаславам (Шаўчуком). У размове з вядомым ватыканістам Андрэа Гальярдуччы ўкраінскі грэка-каталіцкі першаярарх разважае пра актуальныя праблемы жыцьця УГКЦ і Паўсюднай Царквы — паведамляе Сакратарыят Зьверхніка УГКЦ у Рыме. 
22 верасьня 2018 году распачынаецца візіт Папы Рымскага Францішка ў краіны Балтыі: Літву, Латвію і Эстонію. Гэты візіт у балтыйскія краіны для Папы стане ўжо 25-м падарожжам па-за межы Італіі, ад моманту пантыфікату. 
Дыяканскія сьвячаньні на сьвята Перамяненьня Госпада Ісуса Хрыста паводле юльянскага календара (19 жніўня 2018 году) атрымаў беларускі рэдэмптарыст візантыйскага абраду бр. Сяргей Ганчароў. 
Украінская Грэка-Каталіцкая Царква — Царква Ўладзімеравага Хрышчэньня, якая была, ёсьць і будзе душою свайго народу, а еднасьць грэка-католікаў з Сьвятым Айцом не базуецца на палітычнай выгадзе або геапалітычнай міжнароднай кан’юнктуры. Гэта ёсьць частка веры Царквы часоў князя Ўладзімера. Грэка-католікі — гэта ня частка Лацінскага патрыярхату, як некаторыя кажуць, УГКЦ будуе свой, як памесная Царква свайго права. 
Галоўная 
Навіны за 2018 год
Як паведамляе Vatican news, ватыканскі ярарх падкрэсьліў у інтэрв’ю каталіцкаму парталу Katholisch.de: «Нашыя двухбаковыя перамовы і кантакты з Масквой, вядома, працягваюцца — як і з Канстанцінопалем».
Навіны за 2018 год
18.12.2018
Сьвяты Пасад захоўвае кантакты з усімі бакамі канфлікту ў праваслаўі
Нягледзячы на «турбулентнасьць» унтуры праваслаўя, дыялог Каталіцкай Царквы з Расейскай Праваслаўнай Царквой ня можа быць замарожаны — заявіў старшыня Папскай Рады па спрыяньні еднасьці хрысьціянаў кардынал Курт Кох.
Як паведамляе Vatican news, ватыканскі ярарх падкрэсьліў у інтэрв’ю каталіцкаму парталу Katholisch.de: «Нашыя двухбаковыя перамовы і кантакты з Масквой, вядома, працягваюцца — як і з Канстанцінопалем».Канфлікт разгарэўся вакол стварэньня аўтакефальнай Праваслаўнай Царквы ва Ўкраіне. Нагадаем, 15 сьнежня 2018 году ў Кіеве адбыўся аб’яднаўчы Сабор, на якім было абвешчана пра стварэньне Памеснай Праваслаўнай Царквы Ўкраіны. На гэта даў сваю згоду Патрыярх Канстанцінопальскі Барталамей І. Расейская Праваслаўная Царква і Патрыярх Маскоўскі Кірыл крытыкуе гэтае рашэньне ў самых моцных выразах.
«Ватыкан у дадзеным пытаньні застаецца нейтральным і не займае ніякай пазіцыі», — падкрэсьліў старшыня Папскай Рады па спрыяньні еднасьці хрысьціянаў кардынал Курт Кох. Гэта ўнутраная праблема праваслаўных і Ватыкан тут ня ўмешваецца. Ён дадаў, што Сьвяты Пасад падтрымлівае кантакты з усімі бакамі канфлікту. У той жа час ватыканскі ярарх прызнаў, што сітуацыя, вядома ж, цяжкая і гэта вельмі сумна, бо Масквой былі спынены еўхарыстычныя зносіны з Канстанцінопалем. Мы молімся і спадзяемся, што разьвязаньне гэтай праблемы будзе знойдзенае, сказаў ярарх у інтэрв’ю інтэрнэт-парталу Каталіцкай Царквы ў Германіі.
Характарызуючы працу Міжнароднай каталіцка-праваслаўнай багаслоўскай камісіі па дыялогу, кардынал Курт Кох адзначыў, што прадстаўнікі Расейскай Праваслаўнай Царквы вырашылі ня браць удзел у камітэтах, дзе ад праваслаўных сустаршынствуе прадстаўнік Канстанцінопальскага патрыярхату. Таму яны адсутнічалі на апошнім пасяджэньні Каардынацыйнага камітэту ў лістападзе 2018 году ў Бозэ (Італія). Аднак ватыканскі ярарх нагадаў, што падобная сітуацыя была ўжо ў 2007 годзе, калі Канстанцінопальскі патрыярхат прыняў царкоўныя структуры ў Эстоніі. Тады Маскоўскі патрыярхат ня браў удзел у пленарным пасяджэньні ў Равэньне. Аднак праваслаўныя Цэрквы вырашылі працягваць дыялог, нават калі прадстаўніка адной з Цэркваў няма. Таму праца багаслоўскай камісіі з іншымі 13 праваслаўнымі Цэрквамі працягваецца.
Гл. таксама:
Сьвяты Пасад пракаментаваў раскол паміж Масквой і Канстанцінопалем
Праваслаўныя беларусы — народ без сваёй Царквы
У Беларускай Праваслаўнай Царкве ня бачаць падставаў для актывізацыі пытаньня аб наданьні аўтакефаліі
Кардынал Курт Кох: Папа адчувае адказнасьць за дыялог паміж Усходнімі Каталіцкімі і Праваслаўнымі Цэрквамі
Мілан Жуст: у экуменізьме трэба заўважаць маленькія крокі наперад
Гэты артыкул чыталі 17 разоў (-ы)
