Да ахвярнай любові і адкрыцьця сапраўднага значэньня салідарнасьці з тымі, хто церпіць, заахвоціў Сьвяты Айцец Бенядыкт XVI удзельнікаў 33-й Еўрапейскай сустрэчы моладзі ў Ратэрдаме (Нідэрланды). 28 сьнежня 2010 г. па запрашэньні экуменічнай супольнасьці з Тэзэ там зьбяруцца каля 30 тысячаў маладых жыхароў з усёй Еўропы. 
25 сьнежня беларусы Прагі сабраліся на каляднае набажэнства, якое ў царкве сьвятых Кузьмы і Дзям’яна адправіў беларускі грэка-каталіцкі сьвятар з Аўстрыі айцец Андрэй Абламейка. А на наступны дзень вернікі ў Празе маліліся за беларускі народ. 
Айцец Пётр Рудкоўскі: Нельга адварочваць позірк ад тых, хто «церпіць перасьлед дзеля справядлівасьці». 
На Каляды 2010 году, 26 сьнежня, споўнілася 70 гадоў як адыйшоў да Бога беларускі каталіцкі сьвятар візантыйскага абраду а. Баляслаў Пачопка. Ён памёр на 56-ым годзе жыцьця, змучаны допытамі НКВД, прыдзіркамі і правакацыямі актывістаў бязбожнай савецкай улады, якая прыйшла ў Заходнюю Беларусь у 1939-ым. 
Апостальскі візітатар для беларусаў замежжа айцец Аляксандар Надсан у сваім калядным звароце да вернікаў разважае над сутнасьцю ўладаў і іх адказнасьцю перад грамадзтвам. 
28 лістапада 2010 г. у Любліне (Польшча) адслужана ўрачыстая Боская Літургія сьв. Яна Залатавуснага ў гонар сьвятамучаніка Язафата, архібіскупа Полацкага, якую ўзначальваў Апостальскі візітатар для грэка-католікаў у Беларусі архімандрыт а. д-р Сяргей Гаек (MIC). 
Навіны за 2010 год
25.12.2010
З нагоды сьвята Нараджэньня Хрыстовага Апостальскі нунцый у Беларусі Найдастойны Ўладыка Марцін Відавіч накіраваў на імя Апостальскага візітатара для грэка-католікаў Беларусі Архімандрыта Сяргея (Гаека) Каляднае віншаваньне да духавенства і вернікаў Беларускай Грэка-Каталіцкай Царквы.
У сваім Калядным віншаваньні Апостальскі нунцый архібіскуп Марцін Відавіч напісаў:
"Сьвяткуючы ўрачыстасьць Божага Нараджэньня, у малітоўнай засяроджанасьці схіляемся над таямніцай Уцелаўленьня Ісуса Хрыста, народжанага ад Дзевы Марыі. Адзінародны Божы Сын, Сьвятло ад Сьвятла, стаўся чалавекам. Ён, сапраўдны Бог і сапраўдны Чалавек, застаўшыся кім быў, добраахвотна стаўся з любові да людзей тым, кім ня быў.
У час радаснага сьвяткаваньня Нараджэньня Збаўцы, якім ёсьць Госпад Месія, хачу перадаць Вам, Пачэсны Ойча, разам са сьвятарамі і дыяканамі, з манахамі і манахінямі, ды разам з усім народам Божым гэтага ўлюбленага візантыйскага або грэцкага абраду самыя сардэчныя зычэньні, каб час сузіраньня Хрыста ў Таямніцы Ягонага Ўцелаўленьня ўзбагачаў веру, дапамагаў чыніць дабро і рабіў Вас усіх сапраўднымі сьведкамі Хрыста ў кожны дзень надыходзячага Новага 2011 году Божага.
Са сьвяточным віншаваньнем у Хрысьце Ісусе, Які ёсьць Богам з намі, праз Якога ўсё сталася і Які пасяліўся сярод нас”.
Паводле Svjazep.org
Гл. таксама:
У грэка-католікаў Горадні пабывалі міністранты з Шчучына
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
БГКЦ: Асэнсаваць духовую спадчыну і новыя заданьні
Апостальскі нунцый: Папа цэніць існаваньне беларускіх грэка-католікаў
Каляды ў Празе
