Каталіцкія ярархі Беларусі павіншавалі беларускіх грэка-католікаў з 25-годдзем аднаўленьня адкрытай дзейнасьці Старшыня Канферэнцыі Каталіцкіх Біскупаў Беларусі біскуп Аляксандар Кашкевіч ад імя каталіцкіх ярархаў Беларусі накіраваў на імя Апостальскага візітатара БГКЦ Віншавальны ліст з нагоды 25-годдзя аднаўленьня адкрытага душпастырства і літургічнага жыцьця Грэка-Каталіцкай Царквы ў Беларусі, у якім выказаў падзяку ўсім, хто служыць для разьвіцьця Божай справы ў нашай краіне, і пажадаў, каб і далей паглыблялася супрацоўніцтва паміж католікамі ўсходняй і заходняй традыцыяў.
13.03.2015
Унія. Адроджаная беларуская Царква Беларускія грэка-католікі адзначаюць сёньня 25 гадоў аднаўленьня легальнай дзейнасьці на тэрыторыі Беларусі. Праз 150 гадоў забароны, ганеньняў і забыцьця.
03.03.2015
У Беларусь прыедзе Дзяржаўны Сакратар Ватыкану Як паведаміла Апостальская Нунцыятура ў Рэспубліцы Беларусь, па запрашэньні беларускіх уладаў з 12 па 15 сакавіка 2015 году адбудзецца афіцыйны візіт у Рэспубліку Беларусь Яго Эмінэнцыі кардынала П’етра Параліна, Дзяржаўнага Сакратара Яго Сьвятасьці Папы Францішка.
24.02.2015
БГКЦ: Асэнсаваць духовую спадчыну і новыя заданьні З нагоды пачатку Вялікага посту ў Нядзелю Праваслаўя Апостальскі Візітатар для грэка-католікаў Беларусі Архімандрыт Сяргей (Гаек) накіраваў Пастырскае слова, у якім зьвярнуў увагу на заклік Сьвятога Айца да духоўнага абнаўленьня, каб нанова асэнсаваць крыніцы нашага пакліканьня да Сьвятой Царквы, і заклікаў грэка-католікаў асэнсаваць спадчыну мінулых дзесяцігоддзяў і новыя заданьні.
21.02.2015
Францішак: адрозьніваць рэальны пост ад фармальнага Хрысьціяне, асабліва на працягу Вялікага посту, пакліканы жыць сапраўднай любоўю да Бога і бліжняга, сказаў Папа Францішак 20 лютага 2015 году падчас ранішняй Еўхарыстыі ў Ватыкане.
30.01.2015
Кардынал Кох: Папа Францішак адчыняе многія дзьверы Кардынал Курт Кох, які ўзначальвае Папскую Раду па спрыяньні еднасьці хрысьціянаў, па завяршэньні Тыдня малітваў за еднасьць хрысьціянаў даў інтэрв’ю для Радыё Ватыкану. Ён адзначыў, што малітва за еднасьць ёсьць незаменная, а сама еднасьць — гэта дар Сьвятога Духу, і мы павінны быць адкрытымі для прыняцьця гэтага дару.
27.01.2015
Еднасьць хрысьціянаў ня стане вынікам тэарэтычных дыскусіяў Увечары 25 студзеня 2015 году, на завяршэньне Тыдня малітваў за еднасьць хрысьціянаў, Папа Францішак узначаліў урачыстую вячэрню ў рымскай базыліцы сьв. Паўла за мурамі. Важным момантам набажэнства стала экуменічная малітва ля магілы сьв. Паўла — апостала язычнікаў, у якой прынялі ўдзел прадстаўнікі іншых Цэркваў і царкоўных супольнасьцяў.
26.01.2015
Папа: Бог прагне нашай еднасьці Да тэмы экуменізму зьвярнуўся Сьвяты Айцец Францішак 25 студзеня 2015 году падчас сваіх разважаньняў перад малітвай «Анёл Гасподні». Ён заклікаў вернікаў да шчырай малітвы, каб узмоцніць імкненьні ўсіх вызнаўцаў Хрыста да поўнай еднасьці — паведамляе Радыё Ватыкану.
25.01.2015
Архімандрыт Сяргей (Гаек): Апосталы славянаў Кірыла і Мятод натхняюць нас на шляху экуменічнай дзейнасьці З нагоды Тыдня малітваў за еднасьць хрысьціянаў, які штогод праходзіць у Каталіцкай Царкве 18-25 студзеня, Апостальскі Візітатар для грэка-католікаў Беларусі Архімандрыт Сяргей (Гаек) даў невялікае інтэрв’ю Catholiс.by, у якім спаслаўся на прыклад Настаўнікаў славянаў сьв. Кірылы і Мятода і адзначыў, што еднасьць хрысьціянаў немагчымая бяз духу братэрства.
Кардынал Паралін: дыпламатыя Сьвятога Пасаду служыць шматлікім Абэлям, якіх працягваюць забіваць Каіны гэтага сьвету
Урачысты прыём у другую гадавіну абраньня Папы Францішка на Сьвяты Пасад адбыўся ў Менску 13 сакавіка 2015 году падчас візіту ў Беларусь Дзяржаўнага Сакратара Яго Сьвятасьці кардынала П’етра Параліна. У гэты дзень госьць з Ватыкану асьвяціў вуглавы камень новага будынка Апостальскай Нунцыятуры — паведамляе Catholic.by.
Сабраных прывітаў Апостальскі Нунцый у Беларусі архібіскуп Клаўдыё Гуджэроцьці. «Сёньня мы адзначаем другую гадавіну абраньня Рымскім Пантыфікам Яго Сьвятасці Папы Францішка. Ён як быццам знаходзіцца цяпер сярод нас дзякуючы прысутнасьці свайго Дзяржаўнага Сакратара Яго Эмінэнцыі кардынала П’етра Параліна, які з афіцыйным візітам наведвае Рэспубліку Беларусь», — сказаў Апостальскі Нунцый. Архібіскуп дадаў, што перад гэтым Дзяржаўны Сакратар асьвяціў вуглавы камень новага будынка Апостальскай Нунцыятуры — «той самай Нунцыятуры, якая імкнецца данесьці таксама ў гэтую краіну агульнапрызнаны маральны аўтарытэт Папства і Папы Францішка ў прыватнасьці».
Місію і задачы Апостальскай Нунцыятуры ў Беларусі архібіскуп Гуджэроцьці акрэсьліў так: «Папа просіць нас быць увасабленьнем нязмоўкнага закліку да міру ва ўсім сьвеце. Мэта нашых намаганьняў таксама ў тым, каб спрыяць поўнаму прызнаньню ўнёску Рэспублікі Беларусь з яе гісторыяй і культурай. Гэта ўнёсак, на які яна мае поўнае права. Для дасягненьня гэтай мэты неабходна весьці дыялог з іншымі народамі і культурамі, каб кожны чалавек мог узбагаціцца і атрымаць імпульс, што скіруе ягоныя крокі да міру, да адстойваньня штораз большай справядлівасьці і свабоды, а таксама да безумоўнай пашаны да годнасьці ўсіх партнёраў у гэтым працэсе».
Паводле словаў Уладыкі Клаўдзія, у гэтым дыялогу дзеля міру павінны ўдзельнічаць усе веравызнаньні, «таму што там, дзе ствараюцца падзелы, наносіцца абраза годнасьці Бога, якога ўшаноўваюць усе рэлігіі». Архібіскуп перакананы, што такія намаганьні неабходныя ўсім пасьлядоўнікам Ісуса Хрыста. «Падзеі ў блізкай і дарагой нам Украіне зрабілі гэтую агульную мэту пільнай патрэбай», — адзначыў архібіскуп Клаўдыё Гуджэроцьці.
Паводле словаў Апостальскага Нунцыя, Каталіцкая Царква ў Беларусі «сьвядома і ў поўнай меры спрыяе гэтаму дыялогу дзеля міру», яна прысутнічае на гэтых землях на працягу многіх стагоддзяў і «з поўным правам лічыцца неад’емнай часткай мясцовага грамадзтва». Яе ўнёсак «зьяўляецца часткай нацыянальнай спадчыны Беларусі з усімі асаблівасьцямі яе гістарычнага шляху, да якой належаць і невымоўныя пакуты, падзеленыя католікамі з праваслаўнымі братамі і сёстрамі, а таксама з вернікамі іншых веравызнаньняў, перанесеныя з пакорай і маўчаньнем, уласьцівымі беларускай натуры». Нунцый таксама адзначыў, што Каталіцкая Царква ў Беларусі «спрычынілася і хоча надалей спрыяць шчасьцю кожнага беларуса паасобку і ўсяго беларускага народу ў цэлым».
Зьвяртаючыся да Дзяржсакратара Сьвятога Пасаду кардынала П’етра Параліна, Апостальскі Нунцый Клаўдыё Гуджэроцьці сардэчна прывітаў яго «на гэтай зямлі сьведкаў Хрыстовых пакутаў» і падзякаваў яму за тое, што «згадзіўся быць пілігрымам любові на гэтай зямлі, прасякнутай крывёю на працягу стагоддзяў, але якая прагне паўнаты супакою, што бярэ свой пачатак ва ўшанаваньні годнасьці кожнага чалавека і ў мірнай будучыні». Ён таксама пажадаў госьцю з Ватыкану посьпехаў у выкананьні яго місіі ў Беларусі і папрасіў перадаць Рымскаму Архірэю падзяку і запэўненьне ў гатоўнасьці супрацоўніцтва, а таксама абяцаньне маліцца за яго і за добры плён ягонага служэньня.
Дзяржаўны Сакратар Папы, вітаючы прысутных, выказаў сваю радасьць з магчымасьці быць госьцем на беларускай зямлі і падзякаваў прадстаўнікам дзяржаўнай улады за запрашэньне ў Беларусь. Кардынал перадаў прысутным сардэчнае вітаньне і блаславеньне Сьвятога Айца Францішка.
Кажучы пра асьвячэньне вуглавога каменя новага будынка Апостальскай Нунцыятуры ў Менску, ярарх сказаў: «Калі мы будуем дом, мы тым самым праяўляем намер пасяліцца на гэтай зямлі, сярод гэтага народу. Менавіта гэта Сьвяты Пасад хацеў бы выказаць сёньня: прыязнасьць у адносінах да беларускага народу, блізкасьць, удзел у яго гісторыі, напоўненай чалавечай доблесьцю і верай, салідарнасьць у цярпеньнях мінулага і падтрымку ў яго спадзяваньні на мірную і добрую будучыню, асабліва для моладзі».
Кардынал П’етра Паралін асьвячае вуглаву камень будынка Апостальскай Нунцыятуры ў Менску, 13.03.2015.«Зямля — гэта ня толькі тэрыторыя, глеба, нежывая матэрыя. Зямля — гэта таксама нешта сьвятое, — падкрэсьліў ватыканскі ярарх, — менавіта так з спрадвечных часоў успрымаюць яе славянскія народы. Глыбока ўкараніцца на гэтай зямлі азначае яшчэ больш старанна служыць гэтаму народу ў духу, што ўласьцівы Сьвятому Пасаду, і дыпламатыі, зьвязанай з Біскупам Рыму і яго служэньнем чалавечаму роду». Як адзначыў Дзяржаўны Сакратар Ватыкану, гэтае служэньне «без прэтэнзіяў на панаваньне або на сьвецкую значнасьць, яно заснавана на сіле, што зыходзіць ад Бога, Які ўцелавіўся ў Ісусе Хрысьце». «Такім чынам, гэта форма служэньня асабістай годнасьці чалавека, годнасьці кожнага мужчыны і кожнай жанчыны, якое зьяўляецца сьвятым у вачах Бога», — падсумаваў кардынал.
«Дыпламатыя Сьвятога Пасаду служыць усім тым шматлікім Абэлям, якіх працягваюць забіваць разнастайныя Каіны гэтага сьвету. Яна нагадвае кожнаму пра тое, што Бог на баку Абэля і што клопат пра іншых — гэта наш абавязак. Вуглавы камень будынку Апостальскай Нунцыятуры ў Беларусі зьяўляецца сымбалем гэтага абавязку», — адзначыў Дзяржаўны Сакратар Папы кардынал П’етра Паралін. Паводле словаў Дзяржаўнага Сакратара, гэты вуглавы камень сымбалізуе таксама салідарнасьць 1,2 млрд. католікаў ва ўсім сьвеце, якая выказваецца праз голас Біскупа Рыму і яго прадстаўнікоў, якія служаць ня толькі католікам, але ўсім людзям добрай волі.
Вітальнае слова прамаўляе Дзяржсакратар Ватыкану кардынал П’етра Паралін.Кардынал Паралін узгадаў шматпакутны гістарычны шлях Беларусі, які адгукаецца «стогнам крыві Абэля і мільёнаў Абэляў, забітых тут за ўсю гісторыю», і заклікаў любіць і паважаць сваіх братоў і сёстраў як асобаў і як народ.
«Сьвяты Пасад будзе і ў далейшым прыкладаць усе намаганьні, каб забясьпечыць павагу і гарантыю годнасьці, свабоды і сапраўдных правоў кожнага асобнага чалавека і ўсяго народа ў гэтай краіне і за яе межамі», — падкрэсьліў Дзяржсакратар Ватыкану. — У пэўным сэньсе мы таксама лічым сябе пасламі беларускага народу, бо мы хочам быць голасам, які патрабуе павагі да справядлівасьці і любові, узаемнасьці і надатыкальнасьці чалавека, створанага паводле вобраза Божага».
Дзяржаўны Сакратар адзначыў, што Каталіцкая Царква ўнесла і працягвае ўносіць ня толькі тэарэтычны, але і канкрэтны ўклад, дзень за днём ажыцьцяўляючы служэньне беларускаму народу і дапамагаючы яму будаваць сваю будучыню. Паводле яго словаў Царква «чакае таго дня, калі сваім шматвяковым досьведам і сваімі структурамі ў сферы адукацыі, аховы здароўя і дапамогі церпячым і бяздольным зможа больш эфектыўна супрацоўнічаць з дзяржавай у працы, якую яна ўжо праводзіць».
«Папа выказвае, у прыватнасьці і гэтым маім візітам, сваю велізарную ўдзячнасьць каталіцкай супольнасьці за яе ролю ў гісторыі, у маральным і грамадзянскім узрастаньні беларускага народу», — сказаў кардынал.
Дзяржаўны Сакратар зьвярнуў таксама ўвагу на сёньняшнія пакуты суседняй Украіны, якая моцна зьвязана роднаснымі і гістарычнымі сувязямі з беларускім народам: «гэта наглядны напамін пра жахі вайны і пра тое, што калі мір зьвесьці толькі да крохкай раўнавагі матэрыяльных інтарэсаў, гэта можа раптоўна прывесьці да найбольш жорсткага і бесчалавечнага насільля». «Сьвяты Пасад высока ацэньвае намаганьні беларускіх уладаў пакласьці канец гэтаму канфлікту, каб прадухіліць яшчэ больш трагічныя наступствы», — падкрэсьліў ватыканскі ярарх.
Дзяржаўны Сакратар Папы адзначыў прынцыповую пазіцыю Сьвятога Пасаду: «Мы зьяўляемся прыхільнікамі ўсеагульнага міру: міру паміж ўсімі і для ўсіх, міру ва ўсім сьвеце і міру ў кожным чалавечым сэрцы». Аднак дыпламатыя церпіць паразу, калі заклік да законнасьці і дыялогу адкідаюцца і заканчваюцца ўзброеным супрацьстаяньнем, адзначыў ён. «Міру спрыяе дыялог, накіраваны на сяброўскія стасункі, а не халоднае непрыязнае маўчаньне. Дэмакратыю ўмацоўваюць кантакты, спачуваньне, дыялог, а не адчужанасьць», — сказаў ярарх з Ватыкану.
Праз усіх прысутных на ўрачыстым прыёме кардынал П’етра Паралін перадаў свае найлепшыя пажаданьні Беларусі і запэўніў у малітве, а таксама выказаў спадзяваньне, што «ўвесь сьвет, пакліканы ўзбагаціцца культурным, маральным і духоўным здабыткам гэтай краіны, падтрымае яе ўпэўненыя намаганьні, накіраваныя на ўмацаваньне годнасьці кожнай чалавечай асобы і ўсяго народу ў цэлым».
Прэм’ер-міністар Беларусі Андрэй Кабякоў ад імя ўраду Рэспублікі Беларусь і ад сябе асабіста прывітаў усіх прысутных з нагоды другой гадавіны Пантыфікату Папы Францішка і візіту ў Беларусь кардынала П’етра Параліна. «Плённая дзейнасьць Сьвятога Пасаду, якая накіравана на распаўсюджваньне ідэалу хрысьціянства, ідэй чалавекалюбства, справядлівасьці, дабра і міласэрнасьці ва ўсім сьвеце, зьяўляецца найлепшым прыкладам самаадданага служэньня людзям», — сказаў прэм’ер-міністар.
Кіраўнік беларускага ўраду выказаў таксама спадзяваньне на пашырэньне супрацоўніцтва паміж Беларусьсю і Сьвятым Пасадам ва ўсіх сферах і перадаў Папу Францішку пажаданьні моцнага здароўя і далейшых посьпехаў у выкананьні адказнай апостальскай місіі.
Урачысты прыём у другую гадавіну абраньня Папы Францішка на Сьвяты Пасад адбыўся ў Менску 13 сакавіка 2015 году падчас візіту ў Беларусь Дзяржаўнага Сакратара Яго Сьвятасьці кардынала П’етра Параліна. У гэты дзень госьць з Ватыкану асьвяціў вуглавы камень новага будынка Апостальскай Нунцыятуры — паведамляе Catholic.by. 
Старшыня Канферэнцыі Каталіцкіх Біскупаў Беларусі біскуп Аляксандар Кашкевіч ад імя каталіцкіх ярархаў Беларусі накіраваў на імя Апостальскага візітатара БГКЦ Віншавальны ліст з нагоды 25-годдзя аднаўленьня адкрытага душпастырства і літургічнага жыцьця Грэка-Каталіцкай Царквы ў Беларусі, у якім выказаў падзяку ўсім, хто служыць для разьвіцьця Божай справы ў нашай краіне, і пажадаў, каб і далей паглыблялася супрацоўніцтва паміж католікамі ўсходняй і заходняй традыцыяў. 
Беларускія грэка-католікі адзначаюць сёньня 25 гадоў аднаўленьня легальнай дзейнасьці на тэрыторыі Беларусі. Праз 150 гадоў забароны, ганеньняў і забыцьця. 
Як паведаміла Апостальская Нунцыятура ў Рэспубліцы Беларусь, па запрашэньні беларускіх уладаў з 12 па 15 сакавіка 2015 году адбудзецца афіцыйны візіт у Рэспубліку Беларусь Яго Эмінэнцыі кардынала П’етра Параліна, Дзяржаўнага Сакратара Яго Сьвятасьці Папы Францішка. 
З нагоды пачатку Вялікага посту ў Нядзелю Праваслаўя Апостальскі Візітатар для грэка-католікаў Беларусі Архімандрыт Сяргей (Гаек) накіраваў Пастырскае слова, у якім зьвярнуў увагу на заклік Сьвятога Айца да духоўнага абнаўленьня, каб нанова асэнсаваць крыніцы нашага пакліканьня да Сьвятой Царквы, і заклікаў грэка-католікаў асэнсаваць спадчыну мінулых дзесяцігоддзяў і новыя заданьні. 
Хрысьціяне, асабліва на працягу Вялікага посту, пакліканы жыць сапраўднай любоўю да Бога і бліжняга, сказаў Папа Францішак 20 лютага 2015 году падчас ранішняй Еўхарыстыі ў Ватыкане. 
Кардынал Курт Кох, які ўзначальвае Папскую Раду па спрыяньні еднасьці хрысьціянаў, па завяршэньні Тыдня малітваў за еднасьць хрысьціянаў даў інтэрв’ю для Радыё Ватыкану. Ён адзначыў, што малітва за еднасьць ёсьць незаменная, а сама еднасьць — гэта дар Сьвятога Духу, і мы павінны быць адкрытымі для прыняцьця гэтага дару. 
Увечары 25 студзеня 2015 году, на завяршэньне Тыдня малітваў за еднасьць хрысьціянаў, Папа Францішак узначаліў урачыстую вячэрню ў рымскай базыліцы сьв. Паўла за мурамі. Важным момантам набажэнства стала экуменічная малітва ля магілы сьв. Паўла — апостала язычнікаў, у якой прынялі ўдзел прадстаўнікі іншых Цэркваў і царкоўных супольнасьцяў. 
Да тэмы экуменізму зьвярнуўся Сьвяты Айцец Францішак 25 студзеня 2015 году падчас сваіх разважаньняў перад малітвай «Анёл Гасподні». Ён заклікаў вернікаў да шчырай малітвы, каб узмоцніць імкненьні ўсіх вызнаўцаў Хрыста да поўнай еднасьці — паведамляе Радыё Ватыкану. 
З нагоды Тыдня малітваў за еднасьць хрысьціянаў, які штогод праходзіць у Каталіцкай Царкве 18-25 студзеня, Апостальскі Візітатар для грэка-католікаў Беларусі Архімандрыт Сяргей (Гаек) даў невялікае інтэрв’ю Catholiс.by, у якім спаслаўся на прыклад Настаўнікаў славянаў сьв. Кірылы і Мятода і адзначыў, што еднасьць хрысьціянаў немагчымая бяз духу братэрства. 
Навіны за 2015 год
