12 траўня 2013 году ў грэка-каталіцкім Цэнтры праведнага Язэпа ў Менску маліліся за разьвіцьцё дабрачыннага служэньня ў Царкве і пакліканьне новых валанцёраў, паведамляе сайт Хрысьціянскага валанцёрскага руху сьв. Мікалая Valancer.by. 
«УГКЦ будзе пашыраць стасункі з Царквой старажытнага Канстанцінопаля», — заявіў Першаярарх УГКЦ пасьля сустрэчы з Патрыярхам Барталамеем I. 
Міжнародны навукова-пастаральны сімпозіюм з цыклу “Вакол хрысьціянскага Ўсходу”, у якім бралі ўдзел прадстаўнікі Беларускай Грэка-Каталіцкай Царквы, адбыўся ў Сандаміры (Польшча) 13 красавіка 2013 году, паведамляе каталіцкае інфарацыйнае агенцтва KAI. 
У Міжнародны дзень вызваленьня вязьняў нацысцкіх лагераў, які штогод адзначаецца 11 красавіка, Апостальскі Візітатар для грэка-католікаў Беларусі Архімандрыт Сяргей (Гаек) адслужыў памінальную паніхіду на тэрыторыі былога нацысцкага канцлагеру “Майданэк” у Любліне (Польшча). 
10 красавіка 2013 году завяршылася паломніцтва на Сьвятую Зямлю дэлегацыі Ўкраінскай Грэка-Каталіцкай Царквы, якую ўзначальваў Зьверхнік УГКЦ Вярхоўны Архібіскуп Сьвятаслаў Шаўчук. Паломніцтва было арганізавана з нагоды Году веры і адбывалася з 4 па 10 красавіка, паведамляе Дэпартамент інфармацыі УГКЦ. 
Папа Рымскі Францішак прызначыў кардынала Жана-Луі Тарана, старшыню Папскай Рады па міжрэлігійным дыялогу, сваім сьпецыяльным пасланьнікам на сьвяткаваньне 400-годдзя прыбыцьця іконы Найсьвяцейшай Дзевы Марыі ў Будслаў, паведамляе Беларуская рэдакцыя Ватыканскага радыё. 
Апостальскі Візітатар для беларусаў-католікаў замежжа айцец Аляксандар Надсан зьвярнуўся з Велікодным пасланьнем да суайчыньнікаў. 
З нагоды сьвята Пасхі Хрыстовай Апостальскі Візітатар для грэка-католікаў Беларусі накіраваў вернікам БГКЦ сваё пастырскае Велікоднае пасланьне, у якім заклікае вернікаў у сьвятле Ўваскрослага Хрыста асэнсаваць пачатак служэньня новага Рымскага Архірэя Папы Францішка, ушанаваць мучаніцкі подзьвіг Экзарха а. Антона Неманцэвіча ў 70-ыя ўгодкія яго сьмерці, падзякаваць Госпаду за два дзесяцігоддзі магчымасьці адкрытай дзейнасьці БГКЦ на Бацькаўшчыне. А ў любові да роднай мовы і духоўнай культуры, сьведчаньні вернасьці Богу і Царкве Архімандрыт Сяргей (Гаек) нагадвае вернікам прыклад ахвярнага служэньня сьв. Кірылы і Мятода, Настаўнікаў славянскіх, і сьв. Язафата, Архібіскупа Полацкага. 
Велікоднае віншаваньне Апостальскага нунцыя ў Беларусі архібіскупа Клаўдыё Гуджэроцьці. 
«Ёсьць канкрэтная надзея на зьяднаньне Царквы Ўсходу і Захаду», — сьцьвярджае Патрыярх Канстанцінопальскі Барталамей I. Паводле словаў праваслаўнага ярарха, «будучыя пакаленьні ўбачаць зьяднаную Царкву», што пакладзе канец трагічнаму падзелу 1054 году. Пра гэта Канстанцінопальскі патрыярх гаварыў у сваім выступе ва ўніверсітэце Кадыр Гас у Стамбуле, паведамяле Ватыканскае радыё. 
Галоўная 
Навіны за 2013 год
«УГКЦ будзе пашыраць стасункі з Царквой старажытнага Канстанцінопаля», — заявіў Першаярарх УГКЦ пасьля сустрэчы з Патрыярхам Барталамеем I.
Навіны за 2013 год
27.04.2013
Афіцыйная дэлегацыя УГКЦ сустрэлася з Канстанцінопальскім патрыярхам
«УГКЦ будзе пашыраць стасункі з Царквой старажытнага Канстанцінопаля», — заявіў Першаярарх УГКЦ пасьля сустрэчы з Патрыярхам Барталамеем I.
20 красавіка 2013 году ў рамках паломніцтва па сьвятых мясьцінах старажытнага Канстанцінопаля адбылася афіцыйная сустрэча дэлегацыі Ўкраінскай Грэка-Каталіцкай Царквы, якую ўзначальваў Вярхоўны Архібіскуп Сьвятаслаў (Шаўчук), Зьверхнік УГКЦ, з Патрыярхам Канстанцінопальскім Барталамеем I. Сустрэча адбылася ў рэзідэнцыі Канстанцінопальскага Патрыярха ў Стамбуле (Турцыя) — паведамляе Дэпартамент інфармацыі УГКЦ. Першаярарха УГКЦ у гэтым паломніцтве суправаджаў Уладыка Барыс (Гудзяк), кіраўнік Дэпартаменту замежных сувязяў УГКЦ.
«На маю думку, гэты візіт вельмі важны, і адбыўся ён па нашай ініцыятыве. Бо Царква старажытнага Канстанцінопаля зьяўляецца матчынай Царквой для ўсіх хрысьціянаў Кіеўскай традыцыі, якія атрымалі веру ў Хрышчэньні сьвятога роўнаапостальнага князя Ўладзіміра», — пракаментаваў падзею Зьверхнік УГКЦ.
Як адзначыў Вярхоўны Архібіскуп УГКЦ, Канстанцінопальскі патрыярх сёньня зьяўляецца вялікім маральным аўтарытэтам як у праваслаўным сьвеце, так і ў хрысьціянскім сьвеце ў цэлым. І ён, як свабодны ад палітычнай і геапалітычнай ангажаванасьці, адзначае Дэпартамент інфармацыі УГКЦ, можа быць важным маральным аўтарытэтам і для ўкраінскага хрысьціянства, якое сёньня мае факт падзелу адзінай Кіеўскай Царквы.
Як адзначыў Вярхоўны Архібіскуп УГКЦ, Канстанцінопальскі патрыярх сёньня зьяўляецца вялікім маральным аўтарытэтам як у праваслаўным сьвеце, так і ў хрысьціянскім сьвеце ў цэлым. І ён, як свабодны ад палітычнай і геапалітычнай ангажаванасьці, адзначае Дэпартамент інфармацыі УГКЦ, можа быць важным маральным аўтарытэтам і для ўкраінскага хрысьціянства, якое сёньня мае факт падзелу адзінай Кіеўскай Царквы.
«Я запэўніў Патрыярха ў гатовасьці паглыбляць і пашыраць нашыя стасункі з Царквой старажытнага Канстанцінопаля ў розным фармаце, адным з якіх зьяўляецца аднаўлеьнне дзейнасьці Кіеўскай студыйнай групы, якая зарадзілася яшчэ ў 1980-х гадах на Паўночнаамерыканскім кантыненце і ў якую ўваходзілі багасловы і навукоўцы Украінскай Праваслаўнай Царквы ЗША і Канады, што знаходзілася ў еднасьці з Усяленскім патрыярхатам, а таксама багасловы і навукоўцы УГКЦ», — дадаў Першаярарх УГКЦ Сьвятаслаў (Шаўчук). Як вядома, менавіта падчас дзейнасьці прадстаўнікоў Кіеўскай студыйнай групы ўдалося закласьці шмат розных багаслоўскіх падмуркаў для аднаўленьня дыялогу, а таксама магчымай сулучнасьці УГКЦ з Царквой старажытнага Канстанцінопаля. 
«Відавочна, што за апошнія 20 гадоў рэлігійныя абставіны ва Ўкраіне карэнным чынам зьмяніліся і таму аднаўленьне дзейнасьці такой групы спрыяла б, з аднаго боку, пошукам шляхоў для міжканфесійнага паразуменьня і дыялогу ўнутры кіеўскага хрысьціянства, а з іншага — аднаўленьню дыялогу і магчымасьцяў сулучнасьці паміж Цэрквамі — спадчыньніцамі кіеўскага хрысьціянства ва Ўкраіне з Царквой Канстанцінопаля», — сказаў Зьверхнік УГКЦ.
«Відавочна, што за апошнія 20 гадоў рэлігійныя абставіны ва Ўкраіне карэнным чынам зьмяніліся і таму аднаўленьне дзейнасьці такой групы спрыяла б, з аднаго боку, пошукам шляхоў для міжканфесійнага паразуменьня і дыялогу ўнутры кіеўскага хрысьціянства, а з іншага — аднаўленьню дыялогу і магчымасьцяў сулучнасьці паміж Цэрквамі — спадчыньніцамі кіеўскага хрысьціянства ва Ўкраіне з Царквой Канстанцінопаля», — сказаў Зьверхнік УГКЦ.
Напрыканцы сустрэчы Вярхоўны Архібіскуп УГКЦ Сьвятаслаў (Шаўчук)запрасіў Патрыярха Барталамея прыняць удзел у сустрэчы з Усеўкраінскай Радай Цэркваў і рэлігійных арганізацыяў, якая адбудзецца ў кантэксьце сёлетняга сьвяткаваньня 1025-годдзя Хрышчэньня Русі і Ўкраіны.
Гл. таксама:
У грэка-католікаў Горадні пабывалі міністранты з Шчучына
Першаярарх УГКЦ падзякаваў кіраўніцтву Беларусі за стаўленьне да Ўкраіны
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
Першаярарх УГКЦ сустрэўся з Рымскім Архірэем
Цi зьяўляецца сёньня Русінская Грэка-Каталіцкая Царква незалежнай ад Украінскай і па якім календары жыве? Дзякуй.
Гэты артыкул чыталі 132 разоў (-ы)
