Бенядыкт XVI прыняў рашэньне аб адмове ад служэньня Рымскага Архірэя Падчас звычайнай кансісторыі, якая была склікана 11 лютага 2013 году для зацьвярджэньня трох кананізацыйных працэсаў, Сьвяты Айцец Бенядыкт XVI перад Калегіяй кардыналаў нечакана склаў заяву, у якой ён паведамляе пра сваё рашэньне пакінуць Пасад св. Пятра — паведамляе Радыё Ватыкану.
Апостальскі нунцый: Папа цэніць існаваньне беларускіх грэка-католікаў 3 лютага 2013 году Апостальскі нунцый у Беларусі архібіскуп Клаўдыё Гуджэроцьці наведаў грэка-каталіцкую парафію Ўваскрасеньня Хрыстовага ў Віцебску. Прадстаўнік Сьвятога Айца сустрэўся з вернікамі, узначаліў нядзельную Боскую Літургію і зьвярнуўся да прысутных з прамоваю.
04.02.2013
Абраны новы зьверхнік Халдэйскай Каталіцкай Царквы 1 лютага 2013 году ў Ватыкане было паведамлена, што Біскуп Рыму Бенядыкт XVI прыняў у царкоўную сулучнасьць новаабранага Патрыярха Халдэйскай Каталіцкай Царквы Луіса Рафаэля I Сака (Louis Raphaël I Sako).
31.01.2013
Чаго хоча сёньня ад нас Госпад? Экуменічнае набажэнства з удзелам прадстаўнікоў розных канфесіяў адбылося 27 студзеня 2013 году ў гарадзенскай рыма-каталіцкай катэдры сьв. Францішка Ксаверыя. У малітве за еднасьць хрысьціянаў узяў удзел таксама і прадстаўнік Беларускай Грэка-Каталіцкай Царквы а. Андрэй Крот з Горадні.
30.01.2013
Экуменізм бяз веры — як імкненьне да выгаднага кантракту 25 студзеня 2013 году, у дзень успаміну навяртаньня апостала Паўла, Сьвяты Айцец Бенядыкт XVI узначаліў вячэрнюю малітву ў базыліцы сьвятога Паўла за мурамі на заканчэньне 46-га Тыдня малітваў за еднасьць хрысьціянаў, тэмай якога сёлета былі словы: “Што Бог патрабуе ад нас?”.
25.01.2013
У Вялікай Брытаніі створана япархія для вернікаў УГКЦ Украінскія грэка-католікі ў Вялікай Брытаніі маюць цяпер сваю паўнавартасную япархію. Папа Бенядыкт XVI паблаславіў просьбу Сіноду Біскупаў Украінскай Грэка-Каталіцкай Царквы і ўзвысіў Апостальскі экзархат для ўкраінскіх католікаў у гэтай краіне да статусу япархіі.
25.01.2013
Апостальскі экзархат УГКЦ у Францыі ўзвышаны да годнасьці япархіі Як паведаміла Ватыканская інфармацыйная служба VIS, 19 студзеня 2013 году, на сьвята Богазьяўленьня паводле юльянскага календара, Папа Бенядыкт XVI узвысіў Апостальскі экзархат для ўкраінцаў візантыйскага абраду ў Францыі да статусу япархіі, якая атрымала назву Парыжскай япархіі сьвятога Ўладзіміра Вялікага для ўкраінцаў візантыйскага абраду (Saint Wladimir-Le-Grand de Paris des Byzantins-Ukrainiens).
24.01.2013
Абраны новы Першаярарх коптаў-католікаў Папа Бенядыкт XVI 18 студзеня 2013 году прыняў у царкоўную сулучнасьць Яго Блаславенства Ібрагіма Ісака Сідрака, новага Патрыярха Александрыйскага Копцкай Каталіцкай Царквы — паведамляе Ватыканская інфармацыйная служба VIS. Абраны 15 студзеня 2013 году Сінодам Біскупаў гэтай Царквы, патрыярх Ібрагім прасіў пра гэта ў адпаведнасьці з нормамі канону 76 пар. 2 Кодэксу Канонаў Усходніх Цэркваў.
24.01.2013
Разьвітаньне з гісторыкам і археолагам Міхасём Чарняўскім 20 студзеня 2013 году на 75-м годзе жыцьця, памёр Міхась Чарняўскі — вядомы беларускі гісторык і археолаг, вернік грэка-каталіцкай парафіі Праведнага Язэпа ў Менску. У апошнія месяцы Міхал Чарняўскі перанёс некалькі аперацыяў, выкліканых хуткім разьвіцьцём ракавых пухлінаў.
Апостальскі нунцый: Папа цэніць існаваньне беларускіх грэка-католікаў
3 лютага 2013 году Апостальскі нунцый у Беларусі архібіскуп Клаўдыё Гуджэроцьці наведаў грэка-каталіцкую парафію Ўваскрасеньня Хрыстовага ў Віцебску. Прадстаўнік Сьвятога Айца сустрэўся з вернікамі, узначаліў нядзельную Боскую Літургію і зьвярнуўся да прысутных з прамоваю.
Апостальскі нунцый у віцебскай грэка-каталіцкай парафіі.Вітаючы Ўладыку Клаўдзія (Гуджэроцьці), Апостальскі візітатар для грэка-католікаў Беларусі Архімандрыт Сяргей (Гаек) падкрэсьліў, што гэты візіт прадстаўніка Папы ў Віцебск — вельмі важная падзея для вернікаў Беларускай Грэка-Каталіцкай Царквы, бо сёлета спаўняюцца 490-ыя ўгодкі мучаніцтва сьв. Язафата Кунцэвіча, архібіскупа Полацкага, які асабліва шануецца ў Грэка-Каталіцкай Царкве і які менавіта ў Віцебску прыняў мучаніцкую сьмерць за еднасьць Царквы.
У сваім слове падчас набажэнства Апостальскі нунцый адзначыў, што для яго вялікая радасьць праз гэтую сустрэчу сьведчыць еднасьць Сьвятога Айца Бенядыкта XVI з вернікамі БГКЦ. Уладыка Клаўдзі дадаў, што Папа вельмі цэніць існаваньне грэка-католікаў на беларускіх землях і вельмі ўдзячны ім за захаваньне традыцыі сваёй Царквы — адзначае Сatholic.by. «Ваша супольнасьць павінна адчуваць, што зьяўляецца часткай Паўсюднай Царквы», — сказаў ватыканскі ярарх грэка-каталіцкім вернікам.
Архібіскуп Клаўдыё Гуджэроцьці нагадаў таксама, піша беларускі каталіцкі партал Сatholic.by, што абавязкам кожнага хрысьціяніна зьяўляецца місія прапаведаваньня. Зьвяртаючыся да прысутных, Апостальскі нунцый заўважыў, што яны знойдуць магчымасьць «прапаведваць праз літургію вашай Царквы, якая была перададзена вам праз традыцыю Царквы». Таксама прадстаўнік Папы падкрэсьліў, што беларускія грэка-католікі маюць прывілей, бо могуць «прапаведваць сваёй мовай у самым сэрцы Каталіцкай Царквы і паказваць іншым сьвятло, якое зыходзіць ад Хрыста».
Апостальскі нунцый Уладыка Клаўдзі (Гуджэроцьці).Зьвяртаючы ўвагу на ўрывак з прачытанага Евангельля, у якім ішла гаворка пра бласлаўленьні, архібіскуп Клаўдыё Гуджэроцьці адзначыў, што бласлаўленьне — гэта слова тых, хто насьледуе Хрыста. Ярарх падкрэсьліў, што «трэба падняцца і ісьці», «трэба ўбачыць Хрыста ў тых, хто знаходзіцца ў патрэбе», і гэта стане тым знакам, які будзе адрозьніваць хрысьціянскіх вернікаў. Тады, адзначыў Апостальскі нунцый, і іншыя людзі змогуць «убачыць нашу любоў, якая можа прыйсьці ад Бога».
«Вы павінны адчуваць блізкасьць Сьвятога Айца і ўсёй Царквы. Вы павінны адчуваць моц Духа Сьвятога, Які заўсёды будзе дадаваць вам сілы, каб рабіць новыя крокі, будзе вас умацоўваць і кіраваць вамі», — сказаў Апостальскі нунцый архібіскуп Клаўдыё Гуджэроцьці беларускім грэка-католікам у Віцебску.
Падчас звычайнай кансісторыі, якая была склікана 11 лютага 2013 году для зацьвярджэньня трох кананізацыйных працэсаў, Сьвяты Айцец Бенядыкт XVI перад Калегіяй кардыналаў нечакана склаў заяву, у якой ён паведамляе пра сваё рашэньне пакінуць Пасад св. Пятра — паведамляе Радыё Ватыкану. 
Беларускі каталіцкі публіцыст, манах-дамініканец а. Пётра Рудкоўскі пракаментаваў для беларускай службы Радыё Свабода заяву Бенядыкта XVI пра яго адрачэньне ад пасады Рымскага Архірэя. 
3 лютага 2013 году Апостальскі нунцый у Беларусі архібіскуп Клаўдыё Гуджэроцьці наведаў грэка-каталіцкую парафію Ўваскрасеньня Хрыстовага ў Віцебску. Прадстаўнік Сьвятога Айца сустрэўся з вернікамі, узначаліў нядзельную Боскую Літургію і зьвярнуўся да прысутных з прамоваю. 
1 лютага 2013 году ў Ватыкане было паведамлена, што Біскуп Рыму Бенядыкт XVI прыняў у царкоўную сулучнасьць новаабранага Патрыярха Халдэйскай Каталіцкай Царквы Луіса Рафаэля I Сака (Louis Raphaël I Sako). 
Экуменічнае набажэнства з удзелам прадстаўнікоў розных канфесіяў адбылося 27 студзеня 2013 году ў гарадзенскай рыма-каталіцкай катэдры сьв. Францішка Ксаверыя. У малітве за еднасьць хрысьціянаў узяў удзел таксама і прадстаўнік Беларускай Грэка-Каталіцкай Царквы а. Андрэй Крот з Горадні. 
25 студзеня 2013 году, у дзень успаміну навяртаньня апостала Паўла, Сьвяты Айцец Бенядыкт XVI узначаліў вячэрнюю малітву ў базыліцы сьвятога Паўла за мурамі на заканчэньне 46-га Тыдня малітваў за еднасьць хрысьціянаў, тэмай якога сёлета былі словы: “Што Бог патрабуе ад нас?”. 
Украінскія грэка-католікі ў Вялікай Брытаніі маюць цяпер сваю паўнавартасную япархію. Папа Бенядыкт XVI паблаславіў просьбу Сіноду Біскупаў Украінскай Грэка-Каталіцкай Царквы і ўзвысіў Апостальскі экзархат для ўкраінскіх католікаў у гэтай краіне да статусу япархіі. 
Як паведаміла Ватыканская інфармацыйная служба VIS, 19 студзеня 2013 году, на сьвята Богазьяўленьня паводле юльянскага календара, Папа Бенядыкт XVI узвысіў Апостальскі экзархат для ўкраінцаў візантыйскага абраду ў Францыі да статусу япархіі, якая атрымала назву Парыжскай япархіі сьвятога Ўладзіміра Вялікага для ўкраінцаў візантыйскага абраду (Saint Wladimir-Le-Grand de Paris des Byzantins-Ukrainiens). 
Папа Бенядыкт XVI 18 студзеня 2013 году прыняў у царкоўную сулучнасьць Яго Блаславенства Ібрагіма Ісака Сідрака, новага Патрыярха Александрыйскага Копцкай Каталіцкай Царквы — паведамляе Ватыканская інфармацыйная служба VIS. Абраны 15 студзеня 2013 году Сінодам Біскупаў гэтай Царквы, патрыярх Ібрагім прасіў пра гэта ў адпаведнасьці з нормамі канону 76 пар. 2 Кодэксу Канонаў Усходніх Цэркваў. 
20 студзеня 2013 году на 75-м годзе жыцьця, памёр Міхась Чарняўскі — вядомы беларускі гісторык і археолаг, вернік грэка-каталіцкай парафіі Праведнага Язэпа ў Менску. У апошнія месяцы Міхал Чарняўскі перанёс некалькі аперацыяў, выкліканых хуткім разьвіцьцём ракавых пухлінаў. 
Навіны за 2013 год
