Выступаючы 12 кастрычніка 2011 году з інаўгурацыйнай прамовай перад выкладчыкамі і студэнтамі факультэту кананічнага права сьв. Пія Х у Венецыі, Першаярарх УГКЦ Сьвятаслаў (Шаўчук) зрабіў даклад “Унёсак УГКЦ у дыялог з праваслаўнымі ў каталіцка-праваслаўнай сумеснай
камісіі” – паведамляе Дэпартамент інфармацыі УГКЦ. 
5 кастрычніка 2011 году ў Кобрыне адбылося пасяджэньне выязной калегіі апарату Ўпаўнаважанага па справах рэлігіяў і нацыянальнасьцяў Рэспублікі Беларусь. Тэмай выязной калегіі сталі ўзаемаадносіны органаў дзяржаўнай улады з рэлігійнымі арганізацыямі. 
Скарбонка беларускай хрысьціянскай літаратуры папоўнілася яшчэ адным каштоўным выданьнем. Рыма-каталіцкая парафія сьв. Сымона і Алены выдала новую кнігу Народнага паэта Беларусі Рыгора Барадуліна, якая мае назву “Anima”, што азначае душа ў перакладзе з лаціны. 
“Вельмі рады, што паміж Апостальскай Сталіцай і Маскоўскім Патрыярхатам праходзяць сустрэчы”, – сказаў Першаярарх УГКЦ Сьвятаслаў (Шаўчук) падчас прэс-канферэнцыі для інфармацыйнага агенцтва УНІАН, каментуючы сустрэчу Папы Бенядыкта XVI і мітрапаліта Іларыёна (Алфеева). Пры гэтым Зьверхнік УГКЦ адзначыў, што такія сустрэчы вельмі патрэбныя: “Мы будзем усё рабіць, каб ніколі ня быць перашкодаю для такіх сустрэчаў, а ўсяляк ім садзейнічаць”, – заявіў Уладыка Сьвятаслаў. 
Выступаючы перад журналістамі, Старшыня Рады Біскупскіх Канферэнцыяў Еўропы (СCEE) кардынал Петэр Эрдзё адзначыў, што новая евангелізацыя ёсьць абвяшчэньнем Добрай Навіны ў новы спосаб, адаптаваны да сучаснасьці. 
У Львове прайшоў Экуменічны сацыяльны тыдзень “Рэформы праз давер” 
З 29 верасьня па 2 кастрычніка 2011 году ў Тыране (Албанія) адбылося штогадовае пленарнае пасяджэньне Рады Біскупскіх Канферэнцыяў Еўропы (Consilium Conferentiarum Episcoporum Europae, CCEE), у якім прымалі ўдзел зьверхнікі і паўнамоцныя прадстаўнікі 34 нацыянальных біскупскіх канферэнцыяў Еўропы. Сёлетняе пасяджэньне было 40-ым з часу правядзеньня першай асамблеі ў 1971 годзе. 
Падчас свайго Апостальскага падарожжа ў Нямеччыну 22-25 верасьня 2011 году Бенядыкт XVI выступіў у Берліне ў Рэйхстагу перад федэральным парламентам (Бундэстагам). Гэты выступ Сьвятога Айца перад нямецкімі палітыкамі адбыўся ў першы дзень яго візіту, 22 верасьня 2011 году, і быў чаканы многімі. Як адзначае нямецкая прэса, прамова Папы ў Бундэстагу не расчаравала і пакінула моцнае ўражаньне. Нямецкая прэса, якая даволі крытычна і скептычна выказвалася ў адрас Папы, цалкам зьмяніла тое сваіх каментароў і аналітычных матэрыялаў. “
Die Welt”, у прыватнасьці, напісала, што Бенядыкт XVI змог уразіць і зьдзівіць як сваіх праціўнікаў, так і прыхільнікаў. 
“Грэка-католікі ва Ўкраіне і ў сьвеце: служэньне еднасьці ў разнастайнасьці культур” – пад такой назвай 22 верасьня 2011 году ў Інстытуце гісторыі Царквы Ўкраінскага каталіцкага ўніверсітэту ў Львове адбылася Міжнародная навуковая канферэнцыя ў памяць двух грэка-каталіцкіх уладыкаў – блаславёнага біскупа Прэшаўскага Паўла Гойдыча, ЧСВВ, і мітрапаліта Філадэльфійскага Канстанціна Багачэўскага. 
Навіны за 2011 год
12.10.2011
10 кастрычніка 2011 году ў Менск прыляцеў новы Апостальскі нунцый у Беларусі архібіскуп Клаўдыё Гуджэроцьці, – паведамляе Catholic.by.
Адразу пасьля прылёту ярарх выказаў сваю радасьць з таго, што будзе працаваць як прадстаўнік Сьвятога Айца Бенядыкта XVI у Беларусі. Архібіскуп адзначыў, што з самалёта любаваўся прыгажосьцю нашай зямлі, дзе так шмат зелені і лясоў.
У аэрапорце “Менск-2” ярарха сустракалі Мітрапаліт Тадэвуш Кандрусевіч, старшыня Канферэнцыі Каталіцкіх Біскупаў Беларусі біскуп Аляксандр Кашкевіч, Генеральны сакратар епіскапату біскуп Антон Дзям’янка, Апостальскі Візітатар для грэка-католікаў Беларусі архімандрыт Сяргей Гаек, сакратар Нунцыятуры кс. пралат Крысьпін Дубель і прадстаўнік службы дзяржаўнага пратаколу Міністэрства замежных спраў Рэспублікі Беларусь.
Прадстаўнік Ватыкану перадаў біскупам найлепшыя пажаданьні ад Сьвятога Айца Бенядыкта XVI і Дзяржаўнага сакратара Яго Сьвятасьці кардынала Тарчызіё Бертонэ.
Новы Апостальскі нунцый у Беларусі зьяўляецца добрым знаўцам хрысьціянскага Ўсходу, доўгі час ён працаваў у Кангрэгацыі Ўсходніх Цэркваў.
З біяграфіяй новага прадстаўніка Апостальскай Сталіцы можна пазнаёміцца тут.
Гл. таксама:
Былы Апостальскі нунцый у Беларусі ўзнагароджаны ордэнам Францыска Скарыны
Выстава беларускіх абразоў у залах Ватыканскіх музеяў
Архібіскуп Клаўдыё Гуджэроцьці: «Я быў сьведкам вашага пошуку ўнутранай свабоды»
Клаўдыё Гуджэроцьці: «Усім я жадаю свабоды мараў і веры ў тое, што няма нічога немагчымага»
Кардынал Паралін: дыпламатыя Сьвятога Пасаду служыць шматлікім Абэлям, якіх працягваюць забіваць Каіны гэтага сьвету
