Што значыць быць сьведкамі Хрыста ў сьвеце – сваё разважаньне на гэтую тэму прапанаваў беларускім удзельнікам XXVI Сусьветнага Дня моладзі ў Мадрыдзе Мітрапаліт Менска-Магілёўскі архібіскуп Тадэвуш Кандрусевіч падчас катэхезы 19 жніўня 2011 году. 
Вечарам
20 жніўня на тэрыторыі аэрапорта “Cuatro Ventos” у Мадрыдзе, у рамках
Сусьветных Дзён моладзі, адбылося малітоўнае чуваньне, у якім прынялі
ўдзел каля 2 млн. чалавек. Негледзячы на моцную навальніцу, якая
пачалася перад пачаткам чуваньня, маладыя людзі захоўвалі радасную
атмасферу. 
18 жніўня пачаўся чатырохдзённы візіт папы Бенядыкта XVI у Мадрыд, дзе праходзіць XXVI Сусветны Дзень моладзі. Каля 12.00 самалёт Рымскага Архірэя прызямліўся ў аэрапорце “Баярас”, дзе яго сустракалі прадстаўнікі гішпанскай каралёўскай сям’і, кардыналы, біскупы, сьятары, прадстаўнікі ўладаў Гішпаніі, а таксама шматлікія вернікі. 
Адна з вуліцаў Пінску будзе насіць імя кардынала Казіміра Сьвёнтка. Такое нечакана хуткае рашэньне прынята на пасяджэньні Берасьцейскага аблвыканкаму, якое адбылося 15 жніўня 2011 году. 
Адным з пунктаў праграмы XXVI Сусьветнага дня моладзі ў Мадрыдзе зьяўляюцца катэхезы біскупаў на тэму сустрэчы “Укаранёныя і збудаваныя ў Хрысьце, моцныя ў веры”. Першая катэхеза адбылася раніцай 17 жніўня, пройдуць яны і ў наступныя два дні. 
Падчас агульнай аўдыенцыі 17 жніўня 2011 году, якая прайшла на плошчы перад Апостальскім палацам у Кастэль Гандольфа, Бенядыкт XVI прамовіў да вернікаў катэхезу, якая была прысьвечана “малітве розумам” ці медытацыі, цудоўны прыклад якой дала Найсьвяцейшая Дзева Марыя. 
У Гішпаніі напярэдадні Сусьветнага Дня моладзі ў старажытным горадзе Авіла, што ў цэнтры краіны, які вядомы як месца нараджэньня вялікай сьвятой Тэрэзы Авільскай і абвешчаны ЮНЭСКА культурнай спадчынай чалавецтва, з 12 па 14 жніўня 2011 году адбыўся першы Сусьветны кангрэс каталіцкіх універсітэтаў. 
Вечарам, 16 жніўня 2011 году, у Мадрыдзе распачнецца цырымонія адкрыцьця 26-га Сусьветнага Дняь моладзі, мерапрыемствы якога будуць адбывацца на працягу цэлага тыдня. Дэвізам сустрэчы моладзі ў Мадрыдзе зьяўляецца выказваньне апостала Паўла з Пасланьня да Каласянаў: “Укаранёныя і збудаваныя ў Хрысьце, моцныя ў веры”. 
Гэтым летам археолагі, якія ажыцьцяўлялі ў Полацку археалагічны нагляд за ходам будаўнічых прац у Запалоцьці, выявілі падмуркі корпуса кляштара бернардынаў, у якім Францішак Скарына атрымаў пачатковую адукацыю. 
Сёлета споўнілася 50 гадоў ад пачатку ўзьвядзеньня Берлінскага муру. З гэтай нагоды 13 жніўня, у дзень, калі 50 гадоў таму паўстаў мур, які надоўга стаў сымбалем падзелу Нямеччыны і Еўропы на два варожыя сьветы, у цэрквах Берліна адбыліся ўрачыстыя набажэнствы ў памяць пра ахвяры таго трагічнага падзелу. А на тэрыторыі музея, пабудаванага ў памяць пра гістарычныя падзеі, зьвязаныя з Берлінскім мурам, адбыліся мерапрыемствы з удзелам прэзідэнта Нямеччыны Крысьціяна Вульфа і канцлера Ангелы Меркель. 
Навіны за 2011 год
18.08.2011
Адна з вуліцаў Пінску будзе насіць імя кардынала Казіміра Сьвёнтка. Такое нечакана хуткае рашэньне прынята на пасяджэньні Берасьцейскага аблвыканкаму, якое адбылося 15 жніўня 2011 году.
Такім чынам, аблвыканкам падтрымаў прапанову Пінскага гарвыканкаму пра ўвекавечаньне памяці выдатнага каталіцкага сьвятара. Усе працэдурныя пытаньні, паведамляе “Вечерний Брест” , будуць разгледжаны на чарговай сесіі Пінскай гарадзкога Савету дэпутатаў.
Нагадаем, Казімір Сьвёнтак – былы архіпастыр Менска-Магілёўскай рыма-каталіцкай архідыяцэзіі і Апостальскі Адміністратар Пінскай дыяцэзіі, першы ў гісторыі Беларусі кардынал, шматгадовы вязень савецкіх лагераў, які быў адзначаны Царквой сьпецыяльнай узнагародай “Fidei testis” (Сьведка веры), памёр 21 ліпеня 2011 году. Ён пражыў бяз малага 97 гадоў і больш за шэсьць дзесяцігоддзяў – у Пінску.
