Прэзентацыя кнігі, якая ёсьць падсумаваньнем працы кангрэсу «Біялагічная эвалюцыя, факты і тэорыі» адбылася 27 траўня 2011 году ў Папскім Грыгарыянскім універсітэце ў Рыме. Сам кангрэс праходзіў у гэтай навучальнай установе з 3 па 7 сакавіка пад патранатам Папскай Рады па справах культуры ў рамках праекту STOQ, назва якога зьяўляецца абрэвіятурай з англійскай мовы (Science, Theology and the ontological Quest) і азначае «Навука, багаслоўе і анталагічныя пытаньні». 
Папа наменаваў Першаярарха УГКЦ членам Кангрэгацыі Ўсходніх Цэркваў 
Усходнія Каталіцкія Цэрквы маюць уласную багаслоўскую і царкоўна-гістарычную місію – паказаць Усходу і Захаду на станоўчых прыкладах, што унійная ідэя – гэта вялікая ідэя раўнапраўнасьці хрысьціянскіх культурных традыцыяў. 
Летнік “На шляху да беларускай Бібліі” 
З 5 па 10 ліпеня 2011 году пройдзе XVII штогадовая грэка-каталіцкая пілігрымка з Віцебску ў Полацак у памяць пра забітых 11 ліпеня 1705 году ў Полацкай Сафіі базылянскіх манахах. Кожны можа далучыцца да пілігрымкі і прайсьці гэты шлях у супольнай малітве і любові. 
Партал Catholic.by і газета Віцебскай рыма-каталіцкай дыяцэзіі «Каталіцкі веснік» арганізоўваюць фотаконкурс «Чалавек — Божае стварэньне». Мэта конкурсу — нагадаць аб каштоўнасьці, прыгажосьці і годнасьці кожнага чалавечага жыцьця, незалежна ад узросту і сацыяльнага палажэньня. 
Пасьля сьмерці Вярхоўнага Архібіскупа Ернакулам-Ангамалі кардынала Варкея Вітхаятхіла Сінод Біскупаў Сірыйска-Малабарскай Царквы, сабраны 24 траўня 2011 году на Гары сьвятога Тамаша ў Каканад-Кочы (індыйскі штат Керала, дзе жыве найбольш хрысьціянаў гэтага абраду), абраў ягоным пераемнікам 66-гадовага біскупа Тукалайскага Джорджа Аленчэры (George Alencherry). 
Архібіскуп Чэльлі: “У мяне вялікія чаканьні адносна Царквы ў Беларусі” 
Палата прадстаўнікоў Нацыянальнага сходу Рэспублікі Беларусь 27 красавіка 2011 году прыняла ў першым чытаньні законапраект аб дапаможных рэпрадуктыўных тэхналогіях і гарантыях правоў грамадзянаў пры іх ужываньні. Гэта выклікала крытычную рэакцыю з боку як Каталіцкай Царквы ў Беларусі, так і Беларускага Экзархату Расейскай Праваслаўнай Царквы. 
12-15 траўня 2011 году Беларусь упершыню наведвае старшыня Папскай Рады па сродках масавай камунікацыі архібіскуп Клаўдыё Марыя Чэльлі. Ён прыбыў у Менск з Ватыкану ў чацьвер, 12 траўня, і ў той жа дзень сустрэўся з намесьнікам кіраўніка Адміністрацыі Прэзідэнта Беларусі Аляксандрам Радзьковым. 
Навіны за 2011 год
08.06.2011
Партал Catholic.by і газета Віцебскай рыма-каталіцкай дыяцэзіі «Каталіцкі веснік» арганізоўваюць фотаконкурс «Чалавек — Божае стварэньне». Мэта конкурсу — нагадаць аб каштоўнасьці, прыгажосьці і годнасьці кожнага чалавечага жыцьця, незалежна ад узросту і сацыяльнага палажэньня.
Арганізатары фотаконкурсу адзначаюць, што фотаздымкі могуць быць адлюстраваньнем розных лёсаў, якія зьяўляюцца каштоўнымі ў вачах Створцы, бо ў кожным чалавечым жыцьці ёсьць Бог. Падкрэсльваецца таксама, што фотаконкурс зьяўляецца таксама водгукам на законапраект па рэпрадуктыўных тэхналогіях, пратэстам супраць легалізацыі ў Беларусі сурагатных маці, банкаў донарскіх клетак і зачацьця ў прабірцы.
Конкурс праводзіцца на партале Catholic.by. Здымкі можа дасылаць кожны. Пераможцаў вызначаць самі наведвальнікі сайту. Газета «Каталіцкі веснік» абяцае ўзнагародзіць каштоўнымі прызамі аўтараў лепшых прац.
Умовы фотаконкурсу:
Фармат файлаў — JPG альбо PNG.
Памеры — любыя.
Апрацоўка — мінімальная (без мантажу, мастацкай апрацоўкі і штучных эфектаў).
Колькасьць фотаздымкаў ад аднаго ўдзельніка — неабмежаваная (можна запоўніць форму некалькі разоў).
Арганізатары пакідаюць за сабой права папярэдняга адбору прац без тлумачэньня рашэньняў.
Працы, якія прайшлі мадэрацыю, адразу публікуюцца на сайте Catholic.by у адпаведным разьдзеле і становяцца даступнымі для прагляду, аднак галасаваньне распачнецца ў адпаведнасьці з вызначаным тэрмінам.
Галасаваць можа любы карыстальнік парталу, кожная праца можа быць ацэнена пэўнай колькасьцю балаў (па змоўчаньні — 0); перамагаюць працы, якія набралі найбольшую суму балаў.
Тэрміны:
Падача прац на конкурс — да 10 ліпеня.
Галасаваньне — з 10 па 30 ліпеня.
Аб’яўленьне вынікаў — 30 ліпеня.
Уручэньне прызоў — падчас Малітоўнай сустрэчы моладзі ў Івянцы (5–7 жніўня).
Даслаць фота на конкурс можна праз форму на партале Catholic.by.
