4 лістапада 2017 году ў Баранавічах, у Катэхетычным каледжы імя Зыгмунта Лазінскага адбылася Міжнародная навуковая канферэнцыя «Мітрапаліт Язэп Вельямін-Руцкі і яго рэформа ўсходнеславянскага манаства. Служэньне Ордэна базыльянаў на беларускіх землях, 1617–2017». 
У адмысловым пасланьні да ўсіх біскупаў Індыі з нагоды зьменаў у структуры Сірыйска-Малабарскай Каталіцкай Царквы Сьвяты Айцец Францішак падкрэсьліў, што вялікая разнастайнасьць каталіцкіх абрадаў у краіне не зьяўляецца пагрозай для еднасьці. 
100 гадоў таму, у 1917 годзе, Папа Бенядыкт XV заснаваў Кангрэгацыю Ўсходніх Цэркваў і Папскі Ўсходні інстытут. З нагоды гэтага падвойнага юбілею Сьвяты Айцец Францішак 12 кастрычніка 2017 году адслужыў разам з ярархамі розных усходніх абрадаў сьв. Імшу ў рымскай базыліцы Санта Марыя Маджорэ, падчас якой заклікаў усходніх католікаў да цярплівай і адважнай малітвы, каб атрымаць патрэбную ласку ад Бога. 
«Сапраўдны экуменізм патрабуе пакоры, але адначасова і мужнасьці», — сказаў Зьверхнік УГКЦ Вярхоўны Архібіскуп Сьвятаслаў Шаўчук, разважаючы пра экуменічную місію Ўсходніх Каталіцкіх Цэркваў. 
«Я рады сустрэцца з вамі, Зьверхнікамі і Айцамі Ўсходніх Каталіцкіх Цэркваў, каб падзяліць радасьці і болі даручаных вашай душпастырскай апецы вернікаў», — сказаў Папа Францішак, вітаючы 9 кастрычніка 2017 году патрыярхаў і вярхоўных архібіскупаў, паведамляе ўкраінская рэдакцыя Радыё Ватыкану. У сустрэчы прынялі ўдзел таксама Дзяржаўны Сакратар Сьвятога Пасаду і кіраўніцтва Кангрэгацыі Ўсходніх Цэркваў. 
Візіт Першаярарха УГКЦ Сьвятаслава (Шаўчука) разам з каталіцкімі ярархамі Еўропы ў Менск стаў знакавай падзеяй і прынёс багатыя духовыя плады для грэка-католікаў Беларусі — адзначае сайт сталічнай грэка-каталіцкай парафіі Праведнага Язэпа. 
Прэфект Кангрэгацыі Ўсходніх Цэркваў кардынал Леанарда Сандры зьдзейсьніў візіт у Румынію, які доўжыўся з 28 верасьня па 1 кастрычніка 2017 году — паведамляе ўкраінская рэдакцыя Радыё Ватыкану. Візіт быў арганізаваны ў супрацоўніцтве з Апостальскай нунцыятурай з нагоды 100-годдзя Кангрэгацыі Ўсходніх Цэркваў на запрашэньне Зьверхніка Румынскай Грэка-Каталіцкай Царквы, Вярхоўнага Архібіскупа Фагарашскага і Альба-Юліі Яго Блаславенства кардынала Лучыяна Мурешана. 
Вярхоўны архібіскуп Кіева-Галіцкі Сьвятаслаў (Шаўчук), Зьверхнік Украінскай Грэка-Каталіцкай Царквы, 28 верасьня 2017 году падчас сустрэчы Рады Канферэнцыяў Біскупаў Еўропы з прэзідэнтам Рэспублікі Беларусь Аляксандрам Лукашэнкам у Менску выказаў беларускаму кіраўніцтву падзяку за ўвагу да праблемаў Украіны і гатоўнасьць дапамгчы ў іх вырашэньні. 
У пленарным пасяджэньні Рады Канферэнцыяў Біскупаў Еўропы ў Менску бярэ ўдзел і прадстаўнік Сіноду Ўкраінскай Грэка-Каталіцкай Царквы Яго Блаславенства Сьвятаслаў (Шаўчук), Вярхоўны Архібіскуп Кіева-Галіцкі. Яго ўдзел у гэтым форуме каталіцкіх ярархаў Еўропы ў Менску — важная падзея ў жыцьці беларускіх грэка-католікаў, сталічныя парафіі якіх ён намераны наведаць. 
З 28 верасьня па 1 кастрычніка 2017 году Беларусь ўпершыню прымае прадстаўнічы каталіцкі форум — пасяджэньне Рады Канферэнцыяў Біскупаў Еўропы. Для ўдзелу ў форуме ў Менск прыбылі амаль 50 біскупаў і кардыналаў з 45 краінаў Еўропы. 
Галоўная 
Навіны за 2017 год
Чын сьв. Васіля Вялікага (ЧСВВ, Ордэн базыльянаў) быў заснаваны 20-26 ліпеня 1617 году ў в. Рута каля Наваградку, у родавым маёнтку ўніяцкага мітрапаліта Язэпа Вельяміна-Руцкага. Тады ў Руце адбылася першая ўстаноўчая капітула, на якую мітрапаліт сабраў манахаў з 5 манастыроў, што жылі паводле распрацаванага ім статута сьв. Васіля Вялікага. На ёй усе ўніяцкія манахі былі аб’яднаныя ў адну супольнасьць.
Гл. таксама:
У Менску маліліся за беатыфікацыю біскупа Баляслава Слосканса
Першаярарх УГКЦ падзякаваў кіраўніцтву Беларусі за стаўленьне да Ўкраіны
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
На Вялікдзень з грэка-католікамі Берасьця маліліся прадстаўнікі Генконсульства Ўкраіны
У Бэтлееме грэка-католікі маліліся за хрысьціянаў Беларусі
Навіны за 2017 год
12.05.2017
Базыльяне з Украіны наведалі Беларусь
З нагоды 400-х угодкаў Ордэну базыльянаў група студэнтаў 1-2 курсаў Базыльянскага інстытуту філасофска-багаслоўскіх студыяў імя Мітрапаліта Язэпа Вельяміна-Руцкага разам з сваімі настаўнікамі з манастыра сьв. Язэпа ў Львове ў канцы красавіка 2017 году наведала мясьціны, зьвязаныя з гісторыяй базыльянаў у Беларусі.
Чын сьв. Васіля Вялікага (ЧСВВ, Ордэн базыльянаў) быў заснаваны 20-26 ліпеня 1617 году ў в. Рута каля Наваградку, у родавым маёнтку ўніяцкага мітрапаліта Язэпа Вельяміна-Руцкага. Тады ў Руце адбылася першая ўстаноўчая капітула, на якую мітрапаліт сабраў манахаў з 5 манастыроў, што жылі паводле распрацаванага ім статута сьв. Васіля Вялікага. На ёй усе ўніяцкія манахі былі аб’яднаныя ў адну супольнасьць.Паездка ў Беларусь маладых базыльянаў з Украіны (дарэчы, сярод іх быў і адзін былы жыхар Горадні) была вельмі насычанай і дынамічнай. За чатыры дні манахі наведалі асноўныя мясьціны, якія 400 гадоў таму сталі ядром Кангрэгацыі Сьвятой Тройцы Базыльянскага чыну: Наваградак, Жыровічы, Быцень, Менск. Акрамя таго ўкраінскія базыльяне наведалі Полацак, дзе была катэдра сьв. Язафата, і Віцебск, дзе ён прыняў мучаніцкую сьмерць у 1623 годзе. Падчас свайго падарожжа па Беларусі ўкраінскія базыльяне наведалі таксама беларускія грэка-каталіцкія парафіі ў Менску, Віцебску, Полацку і Берасьці, дзе пазнаёміліся з умовамі іх жыцьця.
Украінскіх манахаў падчас вандроўкі па базыльянскіх мясьцінах у Беларусі суправаджаў дыякан БГКЦ Вячаслаў Гарчакоў.
Фота: бр. Дзьмітры Маршалык, ЧСВВ, Василіянський інститут філософсько-богословських студій.
Фота: бр. Дзьмітры Маршалык, ЧСВВ, Василіянський інститут філософсько-богословських студій.
Гл. таксама:
У Менску маліліся за беатыфікацыю біскупа Баляслава Слосканса
Першаярарх УГКЦ падзякаваў кіраўніцтву Беларусі за стаўленьне да Ўкраіны
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
На Вялікдзень з грэка-католікамі Берасьця маліліся прадстаўнікі Генконсульства Ўкраіны
У Бэтлееме грэка-католікі маліліся за хрысьціянаў Беларусі
Гэты артыкул чыталі 87 разоў (-ы)
