4 лістапада 2017 году ў Баранавічах, у Катэхетычным каледжы імя Зыгмунта Лазінскага адбылася Міжнародная навуковая канферэнцыя «Мітрапаліт Язэп Вельямін-Руцкі і яго рэформа ўсходнеславянскага манаства. Служэньне Ордэна базыльянаў на беларускіх землях, 1617–2017». 
У адмысловым пасланьні да ўсіх біскупаў Індыі з нагоды зьменаў у структуры Сірыйска-Малабарскай Каталіцкай Царквы Сьвяты Айцец Францішак падкрэсьліў, што вялікая разнастайнасьць каталіцкіх абрадаў у краіне не зьяўляецца пагрозай для еднасьці. 
100 гадоў таму, у 1917 годзе, Папа Бенядыкт XV заснаваў Кангрэгацыю Ўсходніх Цэркваў і Папскі Ўсходні інстытут. З нагоды гэтага падвойнага юбілею Сьвяты Айцец Францішак 12 кастрычніка 2017 году адслужыў разам з ярархамі розных усходніх абрадаў сьв. Імшу ў рымскай базыліцы Санта Марыя Маджорэ, падчас якой заклікаў усходніх католікаў да цярплівай і адважнай малітвы, каб атрымаць патрэбную ласку ад Бога. 
«Сапраўдны экуменізм патрабуе пакоры, але адначасова і мужнасьці», — сказаў Зьверхнік УГКЦ Вярхоўны Архібіскуп Сьвятаслаў Шаўчук, разважаючы пра экуменічную місію Ўсходніх Каталіцкіх Цэркваў. 
«Я рады сустрэцца з вамі, Зьверхнікамі і Айцамі Ўсходніх Каталіцкіх Цэркваў, каб падзяліць радасьці і болі даручаных вашай душпастырскай апецы вернікаў», — сказаў Папа Францішак, вітаючы 9 кастрычніка 2017 году патрыярхаў і вярхоўных архібіскупаў, паведамляе ўкраінская рэдакцыя Радыё Ватыкану. У сустрэчы прынялі ўдзел таксама Дзяржаўны Сакратар Сьвятога Пасаду і кіраўніцтва Кангрэгацыі Ўсходніх Цэркваў. 
Візіт Першаярарха УГКЦ Сьвятаслава (Шаўчука) разам з каталіцкімі ярархамі Еўропы ў Менск стаў знакавай падзеяй і прынёс багатыя духовыя плады для грэка-католікаў Беларусі — адзначае сайт сталічнай грэка-каталіцкай парафіі Праведнага Язэпа. 
Прэфект Кангрэгацыі Ўсходніх Цэркваў кардынал Леанарда Сандры зьдзейсьніў візіт у Румынію, які доўжыўся з 28 верасьня па 1 кастрычніка 2017 году — паведамляе ўкраінская рэдакцыя Радыё Ватыкану. Візіт быў арганізаваны ў супрацоўніцтве з Апостальскай нунцыятурай з нагоды 100-годдзя Кангрэгацыі Ўсходніх Цэркваў на запрашэньне Зьверхніка Румынскай Грэка-Каталіцкай Царквы, Вярхоўнага Архібіскупа Фагарашскага і Альба-Юліі Яго Блаславенства кардынала Лучыяна Мурешана. 
Вярхоўны архібіскуп Кіева-Галіцкі Сьвятаслаў (Шаўчук), Зьверхнік Украінскай Грэка-Каталіцкай Царквы, 28 верасьня 2017 году падчас сустрэчы Рады Канферэнцыяў Біскупаў Еўропы з прэзідэнтам Рэспублікі Беларусь Аляксандрам Лукашэнкам у Менску выказаў беларускаму кіраўніцтву падзяку за ўвагу да праблемаў Украіны і гатоўнасьць дапамгчы ў іх вырашэньні. 
У пленарным пасяджэньні Рады Канферэнцыяў Біскупаў Еўропы ў Менску бярэ ўдзел і прадстаўнік Сіноду Ўкраінскай Грэка-Каталіцкай Царквы Яго Блаславенства Сьвятаслаў (Шаўчук), Вярхоўны Архібіскуп Кіева-Галіцкі. Яго ўдзел у гэтым форуме каталіцкіх ярархаў Еўропы ў Менску — важная падзея ў жыцьці беларускіх грэка-католікаў, сталічныя парафіі якіх ён намераны наведаць. 
З 28 верасьня па 1 кастрычніка 2017 году Беларусь ўпершыню прымае прадстаўнічы каталіцкі форум — пасяджэньне Рады Канферэнцыяў Біскупаў Еўропы. Для ўдзелу ў форуме ў Менск прыбылі амаль 50 біскупаў і кардыналаў з 45 краінаў Еўропы. 
Галоўная 
Навіны за 2017 год
Каталіцкая і Копцкая Праваслаўная Царква абавязаліся актыўна выступаць за мір паміж народамі і рэлігіямі, змагацца за сацыяльную справядлівасьць, сьведчыць пра сваю веру перад абліччам сучаснага сьвету і паглыбляць экуменічны дыялог. Паводле падпісанай сумеснай дэкларацыі Цэрквы прызнаюць дзейснасьць удзеленай сьв. Тайны Хросту ва ўлоньні супольнасьцяў адзін аднаго. Таксама яны засьведчылі паслушэнства Сьвятому Пісаньню і вызнаньню веры на Ўсяленскіх саборах у Нікее, Канстанцінопалі і Эфэсе.
Навіны за 2017 год
03.05.2017
Папа Францішак і копцкі праваслаўны патрыярх падпісалі сумесную дэкларацыю
Папа Францішак і Патрыярх Копцкай Праваслаўнай Царквы Тавадрас ІІ падпісалі сумесную дэкларацыю аб прадаўжэньні шляху да поўнай еўхарыстычнай еднасьці і сулучнасьці паміж Цэрквамі. Гэта адбылося вечарам, 28 красавіка 2017 году, на завяршэньне сустрэчы паміж першаярархамі ў каірскай рэзідэнцыі копцкага праваслаўнага патрыярха, паведамляе Беларуская рэдакцыя Ватыканскага радыё.
Каталіцкая і Копцкая Праваслаўная Царква абавязаліся актыўна выступаць за мір паміж народамі і рэлігіямі, змагацца за сацыяльную справядлівасьць, сьведчыць пра сваю веру перад абліччам сучаснага сьвету і паглыбляць экуменічны дыялог. Паводле падпісанай сумеснай дэкларацыі Цэрквы прызнаюць дзейснасьць удзеленай сьв. Тайны Хросту ва ўлоньні супольнасьцяў адзін аднаго. Таксама яны засьведчылі паслушэнства Сьвятому Пісаньню і вызнаньню веры на Ўсяленскіх саборах у Нікее, Канстанцінопалі і Эфэсе.У дакуменце падкрэсьліваецца, што крыніцай еднасьці паміж Цэрквамі зьяўляецца поўная сулучнасьць, якая існавала ў першыя стагоддзі хрысьціяства і выяўлялася ў малітве і падобнай богаслужбовай практыцы, ва ўшанаваньні адных і тых жа мучанікаў і сьвятых, а таксама ў разьвіцьці манаства.
У дэкларацыі адзначаецца, што для будаваньня еднасьці паміж Цэрквамі важнае значэньне мае супольная малітва і сьведчаньне пра фундаментальныя хрысьціянскія каштоўнасьці. Папа Рымскі і копцкі праваслаўны патрыярх падкрэсьлілі таксама значэньне экуменізму мучанікаў.
«Просім Бога, нашага Айца, весьці нас, праз часы і спосабамі, якія выбярэ Сьвяты Дух, да поўнай еднасьці ў містычным Целе Хрыста», — адзначылі ў сумеснай дэкларацыі першаярархі Цэркваў.
Гл. таксама:
Папа ягіпецкім католікам: «ня бойцеся адкрыць свае сэрцы», будзьце будаўнікамі мастоў, дыялогу і згоды
Папа — копцкаму Патрыярху: нас аб’ядноўвае кроў бязьвінных мучанікаў
«Цуд яднаньня распачаўся» — фільм Супольнасьці «Chemin Neuf»
Кардынал Кох: Папа Францішак адчыняе многія дзьверы
Еднасьць хрысьціянаў ня стане вынікам тэарэтычных дыскусіяў
Гэты артыкул чыталі 79 разоў (-ы)
