Царква
Аснова мудрасьці: набывай мудрасьць і за ўсё, што маеш, набывай розум. Высока цані яе, і яна ацэніць цябе; яна акрые славай цябе, калі ты прыгорнеш яе; ускладзе на галаву тваю прыгожы вянок, падаруе табе цудоўны вянок
(Кніга Выслоўяў Саламонавых 4:7-9)
"Царква", № 2 (29), 2001
Галоўная Відэа
Зварот Першаярарха УГКЦ: быць разам, каб адстаяць дзяржаву!
У сувязі з вайсковымі дзеяньнямі Расеі на тэрыторыі Ўкраіны Зьверхнік Украінскай Грэка-Каталіцкай Царквы Яго Блаславенства Сьвятаслаў Шаўчук 1 сакавіка 2014 году ў прамым эфіры Грамадзкага тэлебачаньня выступіў са зваротам да суграмадзянаў.

“З прыкрасьцю мы можам сказаць, што Ўкраіна, на жаль, уцягнутая ў ваенны канфлікт. Пакуль яшчэ не страляюць, пакуль яшчэ не гінуць людзі, але відавочна, што ваенная інтэрвенцыя ўжо пачалася, адзначыў украінскі першаярарх. — І таму, сапраўды, уся сусьветная грамадзкасьць і ўсё сусьветнае супольніцтва знаходзіцца на баку Ўкраіны, паколькі Расея зьяўляецца агрэсарам”.

Гаворачы пра пазіцыю і дзейнасьць Царквы ў такіх умовах Вярхоўны Архібіскуп УГКЦ сказаў: “Роля Царквы — пасьлядоўная. Увесь час на працягу апошніх трох месяцаў Царква, у прыватнасьці Ўкраінская Грэка-Каталіцкая, была з сваім народам. З сваім народам яна застанецца і надалей. Калі, ня дай Бог, патрэбна будзе разам стаць на полі бою з сваімі салдатамі, з сваёй арміяй, — Украінская Царква, у прыватнасьці УГКЦ, гатовая да капеланскага служэньня.

Кожны грамадзянін Украіны павінен быць гатовы стаць на абарону сваёй незалежнай, свабоднай, суверэннай дзяржавы. Царква заўсёды старалася адстаяць мір. Царква любой цаной спрабавала не дапусьціць кровапраліцьця. На жаль, ахвяры ва Ўкраіне ўжо ёсьць, і кровапраліцьця не ўдалося цалкам прадухіліць. Мы будзем далей працягваць выкарыстоўваць кожную магчымасьць, каб зьняць напружаньне ў грамадзтве і пазьбегнуць ахвяраў”.

Грэка-каталіцкі першаярарх таксама падкрэсьліў, што цягам апошніх трох месяцаў, у гэты складаны і трагічны для Ўкраіны час, дзейнасьць Усеўкраінскай Рады Цэркваў і рэлігійных арганізацыяў паказала, што ўсе ўкраінскія Цэрквы поўнасьцю кансалідаваныя, яны ніколі не маўчалі. “Ніводная няпраўда ці ніводнае насільле ніколі не было пакрытае маўчаньнем Царквы. Цэрквы заўсёды выкрывалі няпраўду. Царква заўсёды абараняла чалавечае жыцьцё і чалавечую годнасьць”, — сказаў Сьвятаслаў Шаўчук.

У сваім відэазвароце праз скайп на Грамадзкім тэлебачаньні Зьверхнік УГКЦ заклікаў вернікаў сваёй Царквы і ўсіх украінскіх грамадзянаў аб’яднацца, каб адстаяць незалежнасьць свёй Бацькаўшчыны: “У той час, калі Бацькаўшчына ў небясьпецы, усялякія міжканфесійныя супярэчнасьці, у прыватнасьці нейкія маёмасныя пытаньні, ці іншыя элементы, якія могуць быць прадметам дыскусіі паміж Цэрквамі, - павінны застацца ў баку. Мы зараз павінны аб’яднацца і кансалідавацца, каб абараніць свой ​​народ і сваю дзяржаву. Зьвяртаюся да ўсіх вернікаў УГКЦ і да ўсяго ўкраінскага народу. Зараз наш народ і нашая дзяржава знаходзяцца ў небясьпецы. Мы павінны стаць на абарону сваёй дзяржавы, быць гатовымі нават - калі будзе патрэбна - пакласьці сваё жыцьцё, каб абараніць суверэнную, свабодную, незалежную, саборную Дзяржаву. І тут мы абсалютна адзіныя. Мы сёньня павінны думаць пра тое, што нас аб’ядноўвае. Наша дзяржава - шматнацыянальная, шматканфесійная, але мы ўсе сёньня павінны быць разам, каб адстаяць сваю незалежную, суверэнную Дзяржаву”.

Паводле “CREDO”.
Сістэма Orphus
Гэтае відэа глядзелі 73 разоў (-ы)