Царква
Не пагардзіць чалавека ў старасці яго, бо і мы старэем. Ня радуйся смерці чалавека, хоць бы ён быў самы варожы табе: памятай, што ўсе мы памром
(Кніга Прамудрасці Ісуса, сына Сірахова 8:7-8)
"Царква", № 2 (29), 2001
Галоўная Відэа
Спрэчныя праблемы Берасьцейскай уніі. Лекцыя Леаніда Цімашэнкі
8 (18) кастрычніка 1596 году, на тэрыторыі Цэнтральнай і Ўсходняй Еўропы (актуальныя землі Беларусі, Украіны, Польшчы і Літвы) адбылася знакавая гістарычная падзея, праявы і вынікі якой да сёньняшняга дня адчувальныя ў розных сферах грамадзкага, палітычнага, культурнага жыцьця рэгіёну.

Ня дзівіць, што царкоўная унія, абвешчаная ў кастрычніку 1596 году ў Берасьці, гісторыя Ўніяцкай Царквы і яе асобных тэрытарыяльна-адміністрацыйных структураў сталі аднымі з ключавых дасьледчыцкіх праблемаў у беларускай, украінскай, польскай гістарыяграфіях. І больш за тое — пытаньне Берасьцейскай уніі дагэтуль зьяўляецца прадметам вострых навуковых і пазанавуковых дыскусіяў.

Ці была Берасьцейская унія інсьпіраваная зьнешнімі сіламі, ці стала вынікам трансфармацыяў самой Царквы? Наколькі захоўвала Грэка-Каталіцкая Царква ўсходне-хрысьціянскую традыцыю? Як сучасная гістарычная навука пазначае тое, што сталася ў выніку сутыкненьня двух культурна-рэлігійных сьветаў — заходне- і ўсходнехрысьціянскага? Якія падставы ёсьць для такіх інтэрпрэтацыяў?

На некаторыя з гэтых пытаньняў адказвае вядомы ўкраінскі гісторык, прафесар Драгобыцкага ўніверсітэту імя Івана Франка (Львоўская вобл., Украіна) Леанід Цімашэнка. Гэтая яго публічная лекцыя на тэму “Спрэчныя праблемы Берасьцейскай уніі ў гісторыі народаў Рэчы Паспалітай” з дыскусіяй адбылася 28 траўня 2013 году ў Менску ў рамках праграмы “Лятучага ўніверсітэту”.
Сістэма Orphus
Гэтае відэа глядзелі 144 разоў (-ы)