Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту. 
16 жніўня 2020 году падчас сваёй традыцыйнай нядзельнай сустрэчы з вернікамі на малітве «Анёл Гасподні» Папа Францішак скіраваў адмысловы зварот, зьвязаны з сітуацыяй у Беларусі. 
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць. 
Каталіцкія ярархі Беларусі 13 жніўня 2020 году выступілі са зваротам, у якім асудзілі насільле ў краіне пасьля выбараў і заклікалі «спыніць непатрэбную агрэсію і распачаць дыялог». Гэты зварот неабходна прачытаць вернікам ва ўсіх храмах, пачынаючы з гэтага дня, а таксама абавязкова на ўсіх Імшах у нядзелю 16 жніўня — паведамляекаталіцкі партал Catholic.by. 
11 жніўня 2020 году Старшыня Канферэнцыі Каталіцкіх Біскупаў у Беларусі Мітрапаліт Менска-Магілёўскі архібіскуп Тадэвуш Кандрусевіч выступіў з сьпецыяльным зваротам у сувязі з складанай грамадзка-палітычнай сітуацыяй у Беларусі пасьля прэзідэнцкіх выбараў 9 жніўня. 
Беларускі грэка-каталіцкі сьвятар Сяргей Стасевіч, які служыць у Лондане і зьяўляецца душпастырам беларусаў у Вялікай Брытаніі, адказаў на пытаньні журналісткі «Нашай Нівы» Вольгі Сяховіч. Прапануем гэтую размову і нашым чытачам. 
Заступніцкая малітва ўласьцівая сьвятым, якія, на падабенства Ісуса, становяцца сапраўднымі «мастамі» паміж Богам і Яго народам. Майсей у гэтым сэнсе стаў самым вялікім прарокам Ісуса, — перакананы Сьвяты Айцец. 
Ці «геройства» з пагардай да небясьпекі каранавіруса зьяўляецца праявай моцнай веры хрысьціяніна? Пра пошук Бога ў час бяды разважае езуіт з Віцебска айцец Віктар Жук. 
Вярхоўны суд Аўстраліі аднагалосна апраўдаў 78-гадовага кардынала Джорджа Пэла, асуджанага нібыта за сэксуальныя дамаганьні да непаўналетніх — паведамляе беларуская рэдакцыя парталу Vatican News. 
22 лістапада 2019 году ў Вільні з удзелам вялікай колькасьці беларусаў адбылося ўрачыстае пахаваньне нядаўна знойдзеных парэшткаў Канстанціна Каліноўскага і іншых паўстанцаў 1863-64 гг. у капліцы на могілках Росы, арганізаванае на дзяржаўным узроўні ўладамі Літоўскай Рэспублікі. 
Галоўная 
Царква і грамадзтва
Адначасова, як паведамляе Дэпартамент інфармацыі УГКЦ, Вярхоўны архібіскуп Кіеўска-Галіцкі Сьвятаслаў Шаўчук заклікаў вернкаў Украінскай Грэка-Каталіцкай Царквы да штодзённай малітвы а 21-й гадз. за беларускі народ у гэтыя драматычныя дні. Ніжэй падаем тэкст ліста першаярарха УГКЦ.
Гл. таксама:
Зьверхнік УГКЦ: «Экуменізм трэба забраць з рук дыпламатаў»
Упершыню з часоў скасаваньня Уніі грэка-каталіцкі мітрапаліт Кіеўскі адслужыў сьв. Літургію ў Беларусі
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
Першаярарх УГКЦ сустрэўся з Рымскім Архірэем
У Чырвоным касьцёле адбылася цырымонія разьвітаньня з гісторыкам Анатолем Грыцкевічам
Царква і грамадзтва
15.08.2020
Першаярарх УГКЦ выказаў словы падтрымкі беларускаму народу
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць.
Зварот з словамі брацкай салідарнасьці і малітоўнай блізкасьці ў складаны час пасьля трагічных пасьлявыбарчых падзеяў у Беларусі зьверхнік УГКЦ даслаў 14 жніўня 2020 году на імя Мітрапаліта Менска-Магілёўскага рыма-каталіцкага архібіскупа Тадэвуша Кандрусевіча і Архімандрыта Сяргея (Гаека), Апостальскага Візітатара для грэка-католікаў Беларусі.
Адначасова, як паведамляе Дэпартамент інфармацыі УГКЦ, Вярхоўны архібіскуп Кіеўска-Галіцкі Сьвятаслаў Шаўчук заклікаў вернкаў Украінскай Грэка-Каталіцкай Царквы да штодзённай малітвы а 21-й гадз. за беларускі народ у гэтыя драматычныя дні. Ніжэй падаем тэкст ліста першаярарха УГКЦ.«Яго Эксцэленцыі Тадэвушу Кандрусевічу,
архібіскупу Менска-Магілёўскаму
Высокадастойнаму архімандрыту Сяргею Гаеку,
Апостальскаму візітатару для грэка-католікаў Беларусі
Ваша Эксцэленцыя, Уладыка-архібіскуп Тадэвуш!
Высокадастойны Архімандрыт Сяргей!
У гэтыя драматычныя дні, калі беларускі народ змагаецца за свае правы і свабоды, абараняючы сваё волевыяўленьне, сацыяльную справядлівасьць і ўласную годнасьць, прагну ад імя біскупаў, духавенства і вернікаў Украінскай Грэка-Каталіцкай Царквы выказаць Вам, біскупам і духавенству Рыма-Каталіцкай і Грэка-Каталіцкай Цэркваў у Беларусі, богапасьвячаным асобам, усім братам і сёстрам у Хрысьце ды ўсяму беларускаму народу, словы брацкай салідарнасьці і малітоўнай блізкасьці.
З трывогай у сэрцы мы назіраем за штодзённымі актамі гвалту, якія чыняцца над безабароннымі грамадзянамі, распазнаючы ў іх падзеі, апісаныя словамі псалмасьпеўцы: «Вось бязбожнікі лук напялі, на цяціву стралу наклалі, каб у змроку цаляць у праведных сэрцам. Калі разбураны асновы, што можа зрабіць праведнік?» (Пс 11 (10), 2-3). Верым, што Госпад Бог, адзіны Ўладар чалавечай гісторыі, нябачна прысутнічае на вуліцах і плошчах Беларусі, каб упэўніць гэты народ, які церпіць пакуты, у Сваёй блізкасьці і збаўленьні: «Вочы Ягоныя бачаць, зрэнкі Ягоныя выпрабоўваюць сыноў людзкіх. Госпад выпрабоўвае праведнага і нязбожнага; а хто любіць няправеднасьць, ненавідзіць душу сваю» (Пс 11 (10), 4-5).
Да Яго, усяміласьцівага і ўсемагутнага Бога, Айца нашага нябеснага, прыносім нашыя просьбы і малітвы за беларускі народ, просячы ў Госпада спыненьня гвалту, устанаўленьня справядлівасьці, міру ды грамадзкага паразуменьня і згоды. Усьведамляючы вялікія пагрозы цяперашніх падзеяў, молімся таксама за абарону Беларусі ад зьнешніх супраціўных сілаў, за захаваньне еднасьці беларускага народу, а таксама незалежнасьці і тэрытарыяльнай цэласнасьці Беларускай дзяржавы. Мы падзяляем з вамі ўсімі нашу веру і цьвёрдае перакананьне, што нашыя малітвы будуць пачутыя, бо «Госпад справядлівы і палюбіў праўду. Твар Яго бачыць праведнасьць» (Пс 11 (10), 7).
Няхай Найсьвятая Багародзіца, праслаўленая ў шматлікіх цудатворных іконах Беларусі, пакрые ўсіх Вас Сваім нябесным покрывам і выпрасіць у Свайго Сына, Госпада і Збаўцы нашага Ісуса Хрыста, сваім улюбёным беларускім дзецям мір, згоду, еднасьць і нябеснае блаславеньне!»
Гл. таксама:
Зьверхнік УГКЦ: «Экуменізм трэба забраць з рук дыпламатаў»
Упершыню з часоў скасаваньня Уніі грэка-каталіцкі мітрапаліт Кіеўскі адслужыў сьв. Літургію ў Беларусі
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
Першаярарх УГКЦ сустрэўся з Рымскім Архірэем
У Чырвоным касьцёле адбылася цырымонія разьвітаньня з гісторыкам Анатолем Грыцкевічам
Гэты артыкул чыталі 58 разоў (-ы)
