Айцец Андрэй Крот, душпастыр гарадзенскай грэка-каталіцкай парафіі Маці Божай Фацімскай, наведаў перапахаваньне паўстанцаў у Вільні і служыў набажэнства за іх супакой. Ён расказаў, што адчуваў, калі ішоў у працэсіі побач з Каліноўскім, піша Hrodna.life. 
У сталіцы Літвы Вільні 22 лістапада 2019 году ў катэдральнай базыліцы сьв. Станіслава і сьв. Уладзіслава адбыліся пахавальныя ўрачыстасьці з сьвятой Імшой пры трунах з нядаўна адшуканымі парэшткамі Кастуся Каліноўскага і іншых 19 удзельнікаў вызвольнага паўстаньня 1863–1864 гг. Пасьля набажэнства з словам да ўдзельнікаў цырымоніі пахаваньня парэшткаў паўстанцаў зьвярнуўся Мітрапаліт Менска-Магілёўскі РКЦ архібіскуп Тадэвуш Кандрусевіч. 
Новы парадак аплаты за масавыя акцыі негатыўна паўплываў на дзейнасьць ня толькі апазіцыйных партый, але і рэлігійных арганізацый. 
Беларускае Радыё Рацыя зьвярнулася па каментар пра адмену юбілейнай 25-й пілігрымкі БГКЦ з Віцебску у Полацак да аднаго з яе арганізатараў — дэкана Ўсходняга дэкантау БГКЦ і параха парафіі Ўваскрасеньня Хрыстовага ў Віцебску а. Зьмітра Грышана. 
16-17 траўня 2019 году ў Менскай духоўнай акадэміі імя сьв. Кірылы Тураўскага адбылася міжнародная міжканфесійная канферэнцыя, прысьвечаная тэме «Цэрквы і мясцовыя супольнасьці перад абліччам сацыяльных выклікаў». 
«Узрушаньне і боль, які перажываюць мільёны людзей па ўсім сьвеце, у сувязі з пажарам у саборы Парыжскай Багамаці, ня ёсьць выключна хрысьціянскім пачуцьцём і ня толькі хрысьціяне перажываюць смутак з гэтае нагоды», — піша беларускі грэка-каталіцкі сьвятар з Бельгіі а. Іван Майсейчык. 
Нягледзячы на намаганьні па абароне правоў на свабоду рэлігіі, сёньня ў многіх частках сьвету мы назіраем пагаршэньне і нават напад на гэтае неад’емнае права, — так лічыць Дзяржсакратар Яго Сьвятасьці Папы Францішка. 
Як паведаміла прэс-служба Апостальскага Візітатара для грэка-католікаў Беларусі, беларускія грэка-католікі салідарныя з Заявай Старшыні ККББ архібіскупа Тадэвуша Кандрусевіча адносна сітуацыі ў Курапатах і далучаюцца да малітвы перапрашэньня за блюзьнерчыя дзеяньні ў гэтым сьвятым месцы. 
Мітрапаліт Тадэвуш Кандрусевіч выказаўся пра Курапаты, знаходзячыся ў Беластоку на рэабілітацыі пасьля аперацыі. Ён заклікаў спыніць знос крыжоў і распачаць дыялог з грамадзтвам. «Крыж не павінен падзяляць, бо ён яднае неба з зямлёю, а людзей — паміж сабою ў адзіную сям’ю братоў і сясьцёр», — сьцьвярджае каталіцкі ярарх у заяве, якая разьмешчана на Catholic.by. 
Папа Рымскі Францішак скіраваў пасланьне да ўдзельнікаў Міжнароднай канферэнцыі «Правы чалавека ў сучасным сьвеце: дасягненьні, хібы, адмаўленьне», якая 10-11 сьнежня 2018 году праходзіла ў Рыме — паведамляе Vatican news. 
Галоўная 
Царква і грамадзтва
9 ліпеня 2019 году павінна была распачацца грэка-каталіцкая пілігрымка з Віцебску ў Полацак, прысьвечаная памяці сьвятога Язафата Кунцэвіча і Полацкіх мучанікаў, забітых за веру расейскім царом Пятром і яго жаўнерамі. Аднак за дзень да пачатку пілігрымкі віцебскі сьвятар Зьміцер Грышан, парах парафіі Ўваскрасеньня Хрыстовага, быў вымушаны адклікаць сваю заяўку ў аблвыканкам.
Гл. таксама:
Традыцыйную пілігрымку памяці манахаў, забітых Пятром I, адмянілі, бо ўлады запатрабавалі 3000 рублёў
Юбілейная 25-я грэка-каталіцкая пілігрымка Віцебск — Полацак
Беларускі грэка-каталіцкі сьвятар: Стаўленьне да нас з боку Ватыкана – наш вялікі боль
Удзельнікі грэка-каталіцкай пілігрымкі будуць натхняцца спадчынай Скарыны
Пілігрымка БГКЦ: верыць у адзіную Царкву
Царква і грамадзтва
08.07.2019
Сьвятар БГКЦ: грэка-католікам выставілі рахунак за пілігрымку і яна адмененая
Беларускае Радыё Рацыя зьвярнулася па каментар пра адмену юбілейнай 25-й пілігрымкі БГКЦ з Віцебску у Полацак да аднаго з яе арганізатараў — дэкана Ўсходняга дэкантау БГКЦ і параха парафіі Ўваскрасеньня Хрыстовага ў Віцебску а. Зьмітра Грышана.
9 ліпеня 2019 году павінна была распачацца грэка-каталіцкая пілігрымка з Віцебску ў Полацак, прысьвечаная памяці сьвятога Язафата Кунцэвіча і Полацкіх мучанікаў, забітых за веру расейскім царом Пятром і яго жаўнерамі. Аднак за дзень да пачатку пілігрымкі віцебскі сьвятар Зьміцер Грышан, парах парафіі Ўваскрасеньня Хрыстовага, быў вымушаны адклікаць сваю заяўку ў аблвыканкам.Паводле пастановы Савету Міністраў Рэспублікі Беларусь № 49 за ахову пілігрымаў міліцыяй з арганізатараў запрасілі каля трох тысячаў беларускіх рублёў. Аказалася, што ільготы, нібыта нададзеныя рэлігійным арганізацыям у падобных выпадках, на гэтую пілігрымку ня дзейнічаюць. У вернікаў няма такіх сродкаў, кажа айцец Зьміцер Грышан:
«Так здарылася, што мы атрымалі дазвол на правядзеньне гэтай пілігрымкі, але не атрымалі магчымасьцяў не плаціць і не заключаць дамоваў, якія прадугледжаныя гэтай пастановай. Мы шукалі, ці ёсьць магчымасьць не плаціць, але няма такой магчымасьці. Тады мы прасілі, каб нас не ахоўвалі: мы самі будзем сачыць за парадкам, мы маем досьвед гэтага. Таксама няма магчымасьці. У нас і блізка няма такіх сродкаў — каля трох тысячаў рублёў. Такую суму мы ня можам нават разглядаць».
У інтэрв’ю Радыё Рацыя а. Зьміцер Грышан адзначыў, што падчас нядаўняй пілігрымкі ў Будслаў не паўставала такіх праблемаў, бо тамтэйшае сьвяткаваньне ў гонар Маці Божай Будслаўскай мае статус агульнадзяржаўнай імпрэзы. Лакальная ж пілігрымка, як выявілася, будзе разглядацца як масавае шэсьце паводле Закону аб масавых мерапрыемствах, за якія належыць плаціць арганізатарам. Сьвятара БГКЦ папярэдзілі аб адміністрацыйнай адказнасьці і штрафных санкцыях да ўдзельнікаў пілігрымкі, таму ён прыняў рашэньне адклікаць заяўку.
Гл. таксама:
Традыцыйную пілігрымку памяці манахаў, забітых Пятром I, адмянілі, бо ўлады запатрабавалі 3000 рублёў
Юбілейная 25-я грэка-каталіцкая пілігрымка Віцебск — Полацак
Беларускі грэка-каталіцкі сьвятар: Стаўленьне да нас з боку Ватыкана – наш вялікі боль
Удзельнікі грэка-каталіцкай пілігрымкі будуць натхняцца спадчынай Скарыны
Пілігрымка БГКЦ: верыць у адзіную Царкву
Гэты артыкул чыталі 32 разоў (-ы)
