16-17 траўня 2019 году ў Менскай духоўнай акадэміі імя сьв. Кірылы Тураўскага адбылася міжнародная міжканфесійная канферэнцыя, прысьвечаная тэме «Цэрквы і мясцовыя супольнасьці перад абліччам сацыяльных выклікаў». 
«Узрушаньне і боль, які перажываюць мільёны людзей па ўсім сьвеце, у сувязі з пажарам у саборы Парыжскай Багамаці, ня ёсьць выключна хрысьціянскім пачуцьцём і ня толькі хрысьціяне перажываюць смутак з гэтае нагоды», — піша беларускі грэка-каталіцкі сьвятар з Бельгіі а. Іван Майсейчык. 
Нягледзячы на намаганьні па абароне правоў на свабоду рэлігіі, сёньня ў многіх частках сьвету мы назіраем пагаршэньне і нават напад на гэтае неад’емнае права, — так лічыць Дзяржсакратар Яго Сьвятасьці Папы Францішка. 
Як паведаміла прэс-служба Апостальскага Візітатара для грэка-католікаў Беларусі, беларускія грэка-католікі салідарныя з Заявай Старшыні ККББ архібіскупа Тадэвуша Кандрусевіча адносна сітуацыі ў Курапатах і далучаюцца да малітвы перапрашэньня за блюзьнерчыя дзеяньні ў гэтым сьвятым месцы. 
Мітрапаліт Тадэвуш Кандрусевіч выказаўся пра Курапаты, знаходзячыся ў Беластоку на рэабілітацыі пасьля аперацыі. Ён заклікаў спыніць знос крыжоў і распачаць дыялог з грамадзтвам. «Крыж не павінен падзяляць, бо ён яднае неба з зямлёю, а людзей — паміж сабою ў адзіную сям’ю братоў і сясьцёр», — сьцьвярджае каталіцкі ярарх у заяве, якая разьмешчана на Catholic.by. 
Папа Рымскі Францішак скіраваў пасланьне да ўдзельнікаў Міжнароднай канферэнцыі «Правы чалавека ў сучасным сьвеце: дасягненьні, хібы, адмаўленьне», якая 10-11 сьнежня 2018 году праходзіла ў Рыме — паведамляе Vatican news. 
29 лістапада 2018 году на Сусьветным архітэктурным фэстывалі ў Амстэрдаме было абвешчана, што драўляная грэка-каталіцкая царква сьв. Кірылы Тураўскага і Ўсіх сьвятых заступнікаў беларускага народу, збудаваная і асьвячаная ў сьнежні 2016 году ў раёне Паўночны Фінчлі ў Лондане для Беларускай каталіцквай місіі, перамагла ў катэгорыі «Найлепшы рэлігійны будынак». Пра гэта паведаміла Радыё Свабода. 
Сваімі думкамі з нагоды трынаццаці гадоў сьвятарства дзеліцца душпастыр грэка-каталіцкай парафіі Маці Божай Фацімскай у Горадні а. Андрэй Крот. 2 ліпеня 2005 году, у Івана-Франкоўску ва Ўкраіне, праз ускладаньне рук ён атрымаў сьв. Тайну сьвятарства ад старэнькага біскупа-базыльяніна Сафрона Мудрага. 
Старшыня Сінадальнага інфармацыйнага аддзелу Беларускай Праваслаўнай Царквы, доктар тэалогіі, протаярэй Сяргей Лепін у інтэрв’ю Радыё Свабода расказаў аб пазіцыі БПЦ у пытаньні аўтакефаліі. 
17 красавіка 2018 году ў рэзідэнцыі Зьверхніка УГКЦ, што паблізу Патрыяршага сабору Ўваскрасеньня Хрыстовага ў Кіеве, адбылася сустрэча Яго Блаславенства Сьвятаслава (Шаўчука), Першаярарха УГКЦ, з Надзвычайным і Паўнамоцным паслом ЗША ва Ўкраіне Мары Ёванавіч на яе просьбу. У сустрэчы прыняла ўдзел Рэбэка Фармэр, дыпламат палітычнага аддзелу Амбасады ЗША ва Ўкраіне. 
Галоўная 
Царква і грамадзтва
Таму ня ёсьць правільным, але брыдкім сьпекуляваньне на тым, што нібыта «бязбожнікі» на чале з Макронам наўмысна паддалі гэтую сьвятыню зьнішчэньню.
Гл. таксама:
Цаніце сёньняшні дзень
Папа: не асуджаць сьвет, а маліцца за яго
Каталіцкі ярарх заклікае шукаць прымальнага для ўсіх вырашэньня канфлікту ў Курапатах
У Баранавічах адбыліся рэкалекцыі «Быць маладым хрысьціянінам сёньня... і заўтра»
Кардынал Сандры перадаў блаславеньне Папы ірацкім і сірыйскім уцекачам
Царква і грамадзтва
19.04.2019
Пажар у катэдры Нотр-Дам у Парыжы: узрушаньне і боль
«Узрушаньне і боль, які перажываюць мільёны людзей па ўсім сьвеце, у сувязі з пажарам у саборы Парыжскай Багамаці, ня ёсьць выключна хрысьціянскім пачуцьцём і ня толькі хрысьціяне перажываюць смутак з гэтае нагоды», — піша беларускі грэка-каталіцкі сьвятар з Бельгіі а. Іван Майсейчык.
Таму ня ёсьць правільным, але брыдкім сьпекуляваньне на тым, што нібыта «бязбожнікі» на чале з Макронам наўмысна паддалі гэтую сьвятыню зьнішчэньню.Трэба разумець, што Нотр-Дам — гэта ня толькі сьвятыня для хрысьціянаў-каталікоў, але надзвычайна каштоўны культурна-гістарычны аб’ект агульначалавечай спадчыны.
Калі каму гэта цікава, то нават для «злосных і ўсюдыісных масонаў» Нотр-Дам — таксама сьвятыня: пасьля жахлівай Французскай рэвалюцыі тут разьмяшчаўся іхні «храм розуму», і тут яны каранавалі сваю аднайменную «багіню»...
І нават калі пазбавіць усё кіраўніцтва Парыжу і Францыі якіх бы тое ні было сантымэнтаў і людзкіх пачуцьцяў, дэманізаваўшы іх да скрайнасьці, то нават з прагматычнага пункту гледжаньня сабор ёсьць вялікім для іх прыбытковым артыкулам, што папаўняе французскі бюджэт: за год яго наведвала ажно 3 мільёны чалавек...
Але чалавецтва адзінае больш, чым нам здаецца, і людзкасьць ўласьцівая абсалютнай большасьці людзей, незалежна ад рэлігійнай і канфесійнай прыналежнасьці...
Калі талібы ў 2001 годзе зьнішчылі 2000-гадовыя Бам’янскія статуі Будды ў Аўганістане, або калі ІДІЛ падарваў 2000-гадовыя «вароты бога» і старажытную бібліятэку ў Масуле і многія іншыя старажытныя палацы, храмы і артэфакты пару гадоў таму, то я (і мільёны іншых людзей) адчуваў горкі смутак з гэтае прычыны, ня менш, чым цяпер.
І калі б хтосьці ўчыніў цяжкую шкоду ягіпецкім пірамідам і знакамітаму Сфінксу, то я таксама гараваў бы разам з усімі людзьмі добрае волі...
Сапраўды, назіраючы за парыжскай трагедыяй анлайн, я бачыў, што многа людзей (на той час каля 350) з усяго сьвету паставілі падабайкі сьмеху і радасьці, але значкаў сьлёзаў і гараваньня паставілі на той час ужо дзясяткі тысячаў самых розных людзей з самых розных краінаў...
ДОБРЫХ ЛЮДЗЕЙ У СЬВЕЦЕ НЕПАРАЎНАЛЬНА БОЛЬШ!!!
Парыжане сьпяваюць малітву ў час, калі пажарныя ратуюць Нотр-Дам:
Відэа: Радыё Свабода
Парыжане сьпяваюць малітву ў час, калі пажарныя ратуюць Нотр-Дам:
Відэа: Радыё Свабода
Гл. таксама:
Цаніце сёньняшні дзень
Папа: не асуджаць сьвет, а маліцца за яго
Каталіцкі ярарх заклікае шукаць прымальнага для ўсіх вырашэньня канфлікту ў Курапатах
У Баранавічах адбыліся рэкалекцыі «Быць маладым хрысьціянінам сёньня... і заўтра»
Кардынал Сандры перадаў блаславеньне Папы ірацкім і сірыйскім уцекачам
Гэты артыкул чыталі 32 разоў (-ы)
