Новы парадак аплаты за масавыя акцыі негатыўна паўплываў на дзейнасьць ня толькі апазіцыйных партый, але і рэлігійных арганізацый. 
Беларускае Радыё Рацыя зьвярнулася па каментар пра адмену юбілейнай 25-й пілігрымкі БГКЦ з Віцебску у Полацак да аднаго з яе арганізатараў — дэкана Ўсходняга дэкантау БГКЦ і параха парафіі Ўваскрасеньня Хрыстовага ў Віцебску а. Зьмітра Грышана. 
16-17 траўня 2019 году ў Менскай духоўнай акадэміі імя сьв. Кірылы Тураўскага адбылася міжнародная міжканфесійная канферэнцыя, прысьвечаная тэме «Цэрквы і мясцовыя супольнасьці перад абліччам сацыяльных выклікаў». 
«Узрушаньне і боль, які перажываюць мільёны людзей па ўсім сьвеце, у сувязі з пажарам у саборы Парыжскай Багамаці, ня ёсьць выключна хрысьціянскім пачуцьцём і ня толькі хрысьціяне перажываюць смутак з гэтае нагоды», — піша беларускі грэка-каталіцкі сьвятар з Бельгіі а. Іван Майсейчык. 
Нягледзячы на намаганьні па абароне правоў на свабоду рэлігіі, сёньня ў многіх частках сьвету мы назіраем пагаршэньне і нават напад на гэтае неад’емнае права, — так лічыць Дзяржсакратар Яго Сьвятасьці Папы Францішка. 
Як паведаміла прэс-служба Апостальскага Візітатара для грэка-католікаў Беларусі, беларускія грэка-католікі салідарныя з Заявай Старшыні ККББ архібіскупа Тадэвуша Кандрусевіча адносна сітуацыі ў Курапатах і далучаюцца да малітвы перапрашэньня за блюзьнерчыя дзеяньні ў гэтым сьвятым месцы. 
Мітрапаліт Тадэвуш Кандрусевіч выказаўся пра Курапаты, знаходзячыся ў Беластоку на рэабілітацыі пасьля аперацыі. Ён заклікаў спыніць знос крыжоў і распачаць дыялог з грамадзтвам. «Крыж не павінен падзяляць, бо ён яднае неба з зямлёю, а людзей — паміж сабою ў адзіную сям’ю братоў і сясьцёр», — сьцьвярджае каталіцкі ярарх у заяве, якая разьмешчана на Catholic.by. 
Папа Рымскі Францішак скіраваў пасланьне да ўдзельнікаў Міжнароднай канферэнцыі «Правы чалавека ў сучасным сьвеце: дасягненьні, хібы, адмаўленьне», якая 10-11 сьнежня 2018 году праходзіла ў Рыме — паведамляе Vatican news. 
29 лістапада 2018 году на Сусьветным архітэктурным фэстывалі ў Амстэрдаме было абвешчана, што драўляная грэка-каталіцкая царква сьв. Кірылы Тураўскага і Ўсіх сьвятых заступнікаў беларускага народу, збудаваная і асьвячаная ў сьнежні 2016 году ў раёне Паўночны Фінчлі ў Лондане для Беларускай каталіцквай місіі, перамагла ў катэгорыі «Найлепшы рэлігійны будынак». Пра гэта паведаміла Радыё Свабода. 
Сваімі думкамі з нагоды трынаццаці гадоў сьвятарства дзеліцца душпастыр грэка-каталіцкай парафіі Маці Божай Фацімскай у Горадні а. Андрэй Крот. 2 ліпеня 2005 году, у Івана-Франкоўску ва Ўкраіне, праз ускладаньне рук ён атрымаў сьв. Тайну сьвятарства ад старэнькага біскупа-базыльяніна Сафрона Мудрага. 
Галоўная 
Царква і грамадзтва
Царква і грамадзтва
06.04.2019
Вернікі БГКЦ далучаюцца да малітвы перапрашэньня за злом крыжоў у Курапатах
Як паведаміла прэс-служба Апостальскага Візітатара для грэка-католікаў Беларусі, беларускія грэка-католікі салідарныя з Заявай Старшыні ККББ архібіскупа Тадэвуша Кандрусевіча адносна сітуацыі ў Курапатах і далучаюцца да малітвы перапрашэньня за блюзьнерчыя дзеяньні ў гэтым сьвятым месцы.
Камунікат прэс-службы
Апостальскага Візітатара для грэка-католікаў Беларусі
Архімандрыта Сяргея (Гаека)
Раніцай 4 красавіка 2019 года ва ўрочышчы Курапаты пад Менскам, у месцы загубы ахвяраў палітычных рэпрэсіяў 1930–1940-х гадоў, пачаўся дэмантаж і вываз крыжоў, якія былі ўсталяваныя грамадзкасьцю на пряцягу некалькіх гадоў. Дагэтуль невядомая мэта гэтага... акту.
Курапаты — гэта месца памяці пацярпелых людзей усіх нацыянальнасьцяў і рэлігій, месца болю для многіх беларускіх грамадзянаў, продкі якіх пацярпелі ад жахлівых і несправядлівых сталінскіх рэпрэсіяў у першай палове ХХ стагоддзя.
Важнасьць гэтага памятнага месца адзначана беларускай дзяржавай, якая ўключыла гэтае месца ў сьпіс гісторыка-культурных каштоўнасьцяў пад катэгорыяй 1, якая надае помніку міжнароднае значэньне.
У сувязі са зносам крыжоў, усталяваных грамадзкасьцю ва ўрочышчы Курапаты, мы поўнасьцю салідарныя з Заявай Старшыні Каферэнцыі каталіцкіх біскупаў у Беларусі Мітрапаліта Тадэвуша Кандрусевіча, які, між іншым, напісаў:
«Заклікаю адказных за знос крыжоў тэрмінова спыніць гэтыя дзеяньні і шляхам дыялогу розных палітычных і грамадзкіх сілаў з удзелам прадстаўнікоў розных веравызнаньняў распачаць працэс урэгуляваньня сітуацыі».
Апостальскі Візітатар для грэка-католікаў Беларусі Архімандрыт Сяргей (Гаек) блаславіў вернікаў, якія праз строгі пост у пятніцу 5 красавіка 2019 году, праз малітву і праз руплівае пакланеньне Крыжу Хрыстоваму ў бліжэйшыя дні, уключна з нядзеляй 7 красавіка 2019 году, бачаць абавязак перапрасіць Бога за гэты блюзьнерчы акт зносу крыжоў у Курапатах.
Протапрасьвітар Яўген Усошын,
прэс-служба Апостальскага Візітатара для грэка-католікаў Беларусі
Менск, 4 красавіка 2019 году.
Гл. таксама:
Прадстаўнікі Каталіцкай Царквы пра сітуацыю ў Курапатах: «надзвычай балюча такое назіраць»
У Менску, успамінаючы настаўнікаў славянаў сьв. Кірылу і Мятода, адзначылі 70-годдзе Апостальскага Візітатара БГКЦ
Пра Курапаты
Каталіцкі ярарх заклікае шукаць прымальнага для ўсіх вырашэньня канфлікту ў Курапатах
У Маскве разьвіталіся з сьвятаром Віктарам Данілавым
Гэты артыкул чыталі 7 разоў (-ы)
