Катэхетычны сшытак «Бог наш Айцец» (1-ы год навучаньня) прызначаны для заняткаў у нядзельнай школе з дзецьмі 6-7 гадоў у грэка-каталіцкіх парафіях Беларусі. Складаецца з 28 тэматычных заняткаў. Падрыхтаваны на падставе напрацовак Пецярбургска-Маскоўскага каталіцкага цэнтру катэхізацыі.

Мэтай катэхезы дашкольнага ўзросту ёсьць фармаваньне цеснай эмацыйнай сувязі дзіцяці з Богам як любячым Айцом, з Ісусам Хрыстом як добрым Настаўнікам, удзячнасьць за жыцьцё і прыгажосьць сьвету, за подзьвіг выкупленьня Ісуса Хрыста. У час катэхезы дзіцяці перадаюцца асновы праўды пра чалавека як пра Божае стварэньне, пачатковыя веды пра маральны закон павагі і любові да бліжніх і да самога сябе. Патрэбна абудзіць у дзіцяці жаданьне жыць для Бога, здольнасьць радавацца прысутнасьці Госпада ў Царкве і здольнасьць зьвяртацца ў сваіх патрэбах да Дзевы Марыі як да Маці ўсіх людзей.